[活動]一個屬於我的童話故事

殺‧拳

童話。
每次提起「童話」呢兩個字，都會令我諗返起，以往好多好多珍貴既回憶，
而且呢隻遊戲仲係我第一次接觸既online game添！
記得果陣我讀緊初中，經學校既同學仔介紹之下，
認識到呢位「好朋友」，就係果一刻，踏入左童話既大門，展開屬於我既夢想之旅。


咁一開始，我係玩灰姑娘既，相比起而家，都好多年歷史啦！
記得我果陣就做左劍戰，而我既朋友就做左刀戰，
由於冇教學，好多既物品，配點都不太認識，
所以就發生左一d有趣搞笑既事情，咁當時我升ｌｖ，都會將點數，加哂係敏捷到，
其實我都唔清楚有咩用，只係覺得係咁多既屬性之中，比較鍾意敏捷！
當然，最後弄出一個貧血，攻低既劍戰士吧！哈哈^^"！
咁都唔緊要呀！我既朋友仲搞笑，佢將所有配點加左係魅力到，
以為咁會型仔ｄ，會有意想不到既效果話！
結果如佢所願，每次同佢打怪果陣，ｄ怪都係打佢，靚仔呀嗱！？ｈａｈａ！


最初朋友真係唔多，主要都係得我同我同學。幸好既係，有一次，咁果陣同個ｆｄ一齊去ｌｖ啦！
突然有個法師加左我地，都幾高ｌｖ下，佢帶左我地去打屎洞，一招火炎流星＆一下大地之怒，就清哂d屎怪同木偶。
果陣真係好開心呀！因為升ｌｖ升得快呀ｍａ^^，
之後佢仲帶我地打屎王，記得之前唔小心按左隻屎王，結果．．．哈哈！慘死！
今次再挑戰返，其實心情都緊張架！不過我相信我既朋友，最後打敗左屎王，終於報仇雪恨了^^。
咁係果陣，身為劍戰既我，見到法師咁勁．．．之後就開左個法師黎玩啦！
而且亦都係我第一個首先玩到2轉既職業，咁跟住佢就帶左我地入佢家族，原來佢係大頭目黎既，
佢份人真係好好，除左帶ｄ新手升ｌｖ之外，打王、解任、家卡、家族活動都係佢一手包辦，可見佢真係勞心勞力架！


隨著係童話生活既日子耐左，對於呢隻ｇａｍｅ都慢慢開始上手，而且仲對呢隻ｇａｍｅ產生左感情添！
每一日放學，都即刻開電腦玩。哈哈！有時候仲比屋企人罵添！
記得有次，當時同朋友一齊組隊打保戰，打打下，
突然之間，比我拎到一個箱仔，個箱仔好似係粉紅色既 or 藍色，都唔係咁記得啦！
咁之後就好開心咁，去金銀城(唔知有冇記錯)到，搵個npc開箱啦！
一開，竟然比我開到四石，當時真係好開心>"<．．．
因為係當時，四石係好好好值錢，亦都係最難拎到既物品，
之後賣左，自此之後，就有左第一桶金，接住都可以係童話到立足啦！


賣左粒石之後，就開始投資落ｄ角色到啦！
一開始，咁我係玩劍同埋法ｃ既，之後都順利將呢兩隻人仔升到二轉啦！
跟住，眼見灰姑娘時代，玩ｐｋ最強既角色係格鬥師，之後就好比心機咁，升左隻格ｃ黎玩玩啦！
每次升ｌｖ都加敏，最後都成功二轉左！好似升到７９ｌｖ就停左啦．．．
果陣記得好似３ｘｘ敏左右，係當時黎講，已經好快，好高敏了！
咁有陣時，家族都會有ｄ團ｐ，同埋家族與家族之間都有ｄｐｋ比賽等等，
咁好開心啦，得到大頭目既邀請，參加埋一份，仲創下左唔少既戰績添^^！


玩下玩下，一年又一年啦！
咁我都由初中升上高中，因為要準備考會考既關係，所以就暫時退出了童話！
一直到我完成高考之後，就重新開始再次踏入返童話既大門，
不過就發現好多野都變左啦，人情味方面已經冇以前既咁濃厚，
雖然係咁呀，但都冇影響我再次玩返既情緒，
果陣朋友借左隻劍戰比我玩返，估唔到昔日既ｐｋ之皇，由格ｃ轉左成劍戰，
不過都唔緊要，其實每一個職業都有唔同既特色！
咁重玩之後，就識到另一班好好既朋友仔啦！
而且仲入左一個唔錯既家族，同以往一樣，家族既大頭目，
都會帶我地打下家卡，打王、解任、舉辦一ｄ家族活動等等，有時佢仲會關心下我地ｄ族員，傾下心事咁！


唔經唔覺，童話呢隻網絡遊戲，已經陪伴左我８年有多啦！
一直跟住我一齊成長，我每過一個生日，亦都代表住童話佢又大一歲！
正如昔日那無知的小孩，現已長大成人了！
轉眼間，而家我已經２０歲啦！
童話真係好多謝你，正正因為你，我先可以有咁多珍貴既回憶！
對於我黎講，你已經唔係單純一隻online game咁簡單。
對於我黎講，你就好似我既朋友一樣，
陪伴住我人生呢８年黎，所經歷過所有開心同唔開心既事情，
陪住我一齊成長，陪住我一齊長大！
最後，我想寫一封信比你呀！藉此向你表達出我對你既心意！


To：童話，

童話，
顧名思義，
就像一本故事書一樣，
能給我童年般的回憶，
能給我童話般的快樂，
與我經歷了許多，也陪同著我一起成長，
對我來說，你就是我的知心好友，是我的良伴。

童話，
你給我了最寶貴的回憶，
亦給了我最幸福的感覺，
因你的存在，因我所擁有，
我才能寫下屬於自己的童話故事，
童話，謝謝你！

你的摯友
殺‧拳上

２６－４－２０１１

[ 本帖最後由 殺‧拳 於 11-4-27 02:31 PM 編輯 ]

lacuswai

睇到眼濕濕添

殺‧拳

原帖由 lacuswai 於 11-4-27 12:13 AM 發表
睇到眼濕濕添

好多謝你呀^^"

aesopi

真係好感動....雖然未去到眼濕濕既地方...但係個心都up住up住
我都講句 童話 好多謝您呀!

愛戀_曉晴v3v

支持一下先
童話真的唔同曬了

Alexander0831

我第一隻online game都係童話
不過我係小學開始玩,,玩左差唔多7年幾

timmyboy

殺.拳 寫得好好 讓我想起很多童話的臭事 我是在yahoo聊天室的朋友帶去玩童話 剛開始玩大陸童話 是免費的 第一次玩online game 不會配點 弄了個幸劍 想一個人最緊要有幸運 那時也不知道有敗家看 可能仲未有 我在伊利村出世 行到吉恩做任務 點知村長叫 博命走回來 村長講夠鍾了 不知有傳粉 :(( 去到金銀城啇場 個時係冇一排一排架 係亂放的 後來才改一排排 玩了一個月 才知有傳柱 行都行死 :(( 去到银行好多人識我 好開心 後來才知道我上咗傍 上咗上天堂傍#1  因為個時窮 冇錢買藥 死咗咪去E院 又免費回春 死多几次又如何 童話臭事真係好多 留D下次講 維護完 可以上了 886

timmyboy

殺.拳 寫得好好 讓我想起很多童話的臭事 我是在yahoo聊天室的朋友帶去玩童話 剛開始玩大陸童話 是免費的 第一次玩online game 不會配點 弄了個幸劍 想一個人最緊要有幸運 那時也不知道有敗家看 可能仲未有 我在伊利村出世 行到吉恩做任務 點知村長叫 博命走回來 村長講夠鍾了 不知有傳粉 :(( 去到金銀城啇場 個時係冇一排一排架 係亂放的 後來才改一排排 玩了一個月 才知有傳柱 行都行死 :(( 去到银行好多人識我 好開心 後來才知道我上咗傍 上咗上天堂傍#1  因為個時窮 冇錢買藥 死咗咪去E院 又免費回春 死多几次又如何 童話臭事真係好多 留D下次講 維護完 可以上了 886

YI;}

可惜童話已經今非昔比

chihinyau

感動
讚好
頭三名非你莫屬

殺‧拳

原帖由 chihinyau 於 11-4-27 01:30 PM 發表
感動
讚好
頭三名非你莫屬

好多謝你呀！
坦白講，名次＆獎賞對於我黎講，並唔重要，
因為我之前都係童話討論區到，發表過自己對童話既感想。
只係童話對於我黎講，已經佔左我人生不可分割既一部分。
藉著今次去表達出，同引起大家既共鳴！
當然好多謝你地既支持^^"