憂慮

戰神阿瑞斯

人大左真係好多煩惱 要顧呢樣 顧呢樣 連講句都要諗過度過
我發覺自己真係失敗 自己都成20歲仔 連自己優點係咩都唔知 就算有都係半桶水 唉 原來了解自己係咁難  自己都算出過下來社會做事 因為唔識讚人 埋堆 都最尾唔做 我諗過 原來自己唔識得假 所以................... 我問自己一個 假如就死 有2個選擇 1.死左佢.2 委曲求全 果刻 我即刻簡左死  >.< 可能覺得委曲求全會係一種恥辱吧
屋企人同我講:晚晚三更半夜先訓  11.12點先起身 講真我真係訓唔到 訓係張床 個人好似好緊 唔識放鬆 之後 諗返過去1D唔開心既事 同埋明日又點 我同自己講 都過左去 但係自己又有種解決唔到既感覺 其實最大原因自己說服唔到自己 同埋放下同接受..........

戰神阿瑞斯

轉個話題
我覺得自己唔識關心人 好似我媽入左院 我先發覺原來自己一路冇關心過佢 以前我出夜街 媽成日打比我 果時我真係覺得佢好煩 我冇聽到佢電話 佢坐係到等我返來  我返左來之後 佢就去訓 佢一句聲都冇出 果時既我 我以為冇野  當阿媽入院後 我先知原來佢擔心 經過呢件事之後 我會想陪家人多D....仲有就係我睇野睇表面 以為所有事都做到明哂 畫公仔畫出腸 ...>.<
仲有就係要等問題出現先解決 其實有好多問題隱藏係暗處  自己平時冇理會.............

ivan1995416

放鬆d啦朋友,聖經都有講啦不要為明天憂慮，因為明天自有明天的憂慮；一天的難處一天當就夠了

戰神阿瑞斯

原帖由 ivan1995416 於 11-7-12 12:05 AM 發表
放鬆d啦朋友,聖經都有講啦不要為明天憂慮，因為明天自有明天的憂慮；一天的難處一天當就夠了

我又有另一個問題
我本身都係1個隱青 後來搵到有份工 我份人只係識直行直沖  我以為只要低頭做事 人不犯我 我不犯人 就OK 因為我又唔識人情世故 本身對住D閒言晴語 我當冇事發生 總算都過左一段 後來遇到一個人 佢做所有事都打正祺號 出師有名 不斷激將法 因為佢已經摸透我底 結果 全公司都憎我 後來我已經辭職 因為忍唔住 老實講 我都而家都放唔低呢件事 有啖氣谷係心口 最後佢愈來愈受歡迎 我就愈來愈黑人憎 呢件事之後 我發覺自己背住過往唔開心既事.........................

ivan1995416

其實可能係因為會唔會你唔太識人情細故,你要先諗下自己有冇錯先,我就開門見山講,你識話自己係個隱青,
你最起馬返工都同d同事講下早晨之類,可能因為你比人覺得唔友善,出黎做野人際關係真係好重要

戰神阿瑞斯

我係唔知準則
EG. 1樣野 我覺得冇所謂 但係其他人都覺有問題 即係有個盲點...

明天請早

每個人都用D唔同ge準則去做人
其實我之前都好似你甘
不過冧開D就得啦
我宜家就系凡是唔好甘執著
做好自己就得

戰神阿瑞斯

原帖由 明天請早 於 11-7-16 04:50 PM 發表
每個人都用D唔同ge準則去做人
其實我之前都好似你甘
不過冧開D就得啦
我宜家就系凡是唔好甘執著
做好自己就得

認同  過到自己 過到人^.^

戰神阿瑞斯

以前我細個 阿媽唔比零用錢我 我果時好想做野 因為有錢 到大個左 人就好懶 求其夠駛 HEA就算 返唔足工
自從我阿媽入醫院後 我覺得我要顧好多野 我後來冇諗過我阿媽會有一日會離開我 因為我覺得佢點都會有70歲命 而家佢出左院 我都算冇咁緊張 但係之後要做電療+化療 我個心又好驚.-
驚佢頂唔順D副作用-.- 我有時返工都好驚 成日諗D負面野........唔能夠集中精神工作
以前既我好憎我阿爸 因為佢成日罵我 又同我講1D戚將來打算既野 但係佢而家一罵我 我就咁睇:我爸係好早出來工作既人 以前佢罵我 我就會覺得純粹咁罵我 而家佢罵我 我就感覺到佢以前出來做野果時點比人罵 受委屈............
係阿媽入院呢段時間.阿爸同我講將來打算 以前我會好抗拒 而家就唔會 我亦都發現我阿爸唔識禁錢 如果係以前既我 我會笑佢 而家我會咁睇 佢做自己本份 返工 煮飯..... 我唔知點講....
唉 而家2個加埋成百歲人  好似差唔到左人生既盡頭咁 我自己都唔知可以為佢地做D咩-.-

[ 本帖最後由 戰神阿瑞斯 於 11-7-24 07:31 PM 編輯 ]

大刀奇俠

原帖由 戰神阿瑞斯 於 11-7-24 04:32 PM 發表
以前我細個 阿媽唔比零用錢我 我果時好想做野 因為有錢 到大個左 人就好懶 求其夠駛 HEA就算 返唔足工
自從我阿媽入醫院後 我覺得我要顧好多野 我後來冇諗過我阿媽會有一日會離開我 因為我覺得佢點都會有70歲命 而家 ...

天天都有煩惱事,說沒有根本是騙人
但有煩惱的事情不代表一定要受其束縛
為何不嘗試向一點好的方向想呢?
這不是阿Q,亦不是逃避
只是人生苦短,就如你所言最親的人也不能永世相伴
一世被煩懊之事所纏,不累的嗎?
將來的事無法預測,只有現在的事可以改變
你現在想通與家人一起飲茶,多陪他們,理解他們的處境已非常難得
現在的你可以做的,就是做好自己,過好自己的生活
相信家人,朋友看到都會欣慰...........

戰神阿瑞斯

原帖由 大刀奇俠 於 11-7-24 08:14 PM 發表

天天都有煩惱事,說沒有根本是騙人
但有煩惱的事情不代表一定要受其束縛
為何不嘗試向一點好的方向想呢?
這不是阿Q,亦不是逃避
只是人生苦短,就如你所言最親的人也不能永世相伴
一世被煩懊之事所纏,不累的嗎?
...

我而家休息都有一齊飲茶 不過我覺得我應份做既  我本人認為冇咩特別

戰神阿瑞斯

我而家覺得好灰 因為我對住D同事仲多過對住家人 我而家覺得個人冇咩寄託 其實我都有D興趣想玩下 不過經過阿媽入院之後 做人真係要為將來打算 你永遠唔知困難幾時 儲定D錢傍身 有安全感 不過只係為左儲錢 連自己鍾意做既野都放棄 真係冇意思 我而家都20幾歲 只係打一份雜工 冇一技之長 我認自己都照顧唔到自己............不過我又諗 如果只係做野 唔搵D興趣玩下 個人好似唔平行咁.....不過我而家自己D基本野都未搞掂 所以都係得個諗字
曾經 有個人話我係廢柴 果時我真係好惱 不過 今時今日 我認 我而家最失望係搵唔到自己既優點/......唔能夠將優點發揮......點解我今日會認 因為我唔識做人 唔識睇人面色 我以為低頭做事就可以 點知係唔得既  低頭做事 永遠得個做字 上位加人工冇你份 你做所有野都幫D擦鞋人士上位......
曾經 有女仔對我感 唔好講鍾意 肯傾計已經係件好事 我份人比較內向 只睇表面 EG.個女仔做D野令你好惱 果時既我 只睇表面 唔明背後意思 結果激惱左個女仔 而家諗返起都痛心 唔係輸比人 係自己趕走人地  而家諗返以前做錯好多野 表面好既 唔一定入面都好......-.-我冇用心睇清楚 到今時今日 我都未識睇人面色做人...>.<

春GoR

腳踏實地搵份工做囉==
過得1日得1日
再慢慢諗

戰神阿瑞斯

原帖由 春GoR 於 11-8-7 11:27 PM 發表
腳踏實地搵份工做囉==
過得1日得1日
再慢慢諗

好開心 有人答
其實我而家都有工返 不過我而家想搵D興趣玩下 因為我份工係咪半個月出一次量 如果儲錢+埋玩D興趣班 都冇咩錢淨