對另一半付出別求回報?

純粹閒人

新手第一次開post..
多多支持~


對另一半..付出別求回報?
相信都好多人都聽過下呢句話...
但係做到既人...唔多..
係依家既社會上..甚至可以話絕種!
係依家呢個社會上..
主流既想法係:付出幾多就應該得到幾多..
相信你身邊既人或者自己都有過咁樣既經歷..
曾經為自己心愛既人付出好多..
但係得唔到回報...
成個人心灰意冷...
一段情..可能就係因為咁..而失去!
講下我一個朋友既事..


小弟仲讀緊書..
今年第1次留班..
同我一齊留班仲讀同一班既朋友都有幾個..
其中一個朋友(用A黎代替)..係開學冇耐..大約10月11月到..
就同一個女仔(用B黎代替)開始左..
我地呢班同A一齊留班既人都非常睇唔好A..
因為佢好花心..我地都一致認為唔駛好耐就會散..
出乎意料..
佢地到依家都未散-_-
係最近發生左D事..
就係係一次放學吹水期間..
成班人講A既壞話(包括我都有講D=.=)..
講佢有幾花心幾扮野果D..
(A佢係班入面唔係幾得人歡心)
之後俾A知道左..佢就開始想改..
係佢想改既呢段期間..
我知道左佢對愛情既1D諗法..
A認為佢幫B做左咁多野..
B就應該做返D野為A..
(班入面有對好恩愛既情侶..個女既對個男既言聽計從..知道個男既冇帶書呢D小事..
唔駛男既出聲都幫佢借..而且從來都冇見過佢地鬧交..簡直就係A夢寐以求既戀愛)
A就係因為咁..所以非常想B好似個女仔咁..
經常話如果我係果個男仔就好..
係B面前都講唔少呢D野..甚至指名道姓話邊個邊個仲好過B..都試過
有一次佢又係我面前話..
點解我為佢做咁多野..
而佢又唔為我做D野呢?
(其實我睇唔出A為B做左D咩..)
我就同A講:如果你心甘情願咁付出..你就唔好奢求回報..
A之後同我講:唔求回報?..咁拍拖返黎做乜?..溝女返黎就係想佢為自己做D野..


A既回答..令我冇野好講..
我相信..唔少人都同A一樣咁諗..
但係..你有冇諗過..
呢一個諗法係錯?
如果你既付出..係想得到回報既話..
你不如去付出你既金錢..請個工人返黎同你做野啦..
係我既立場..愛情..唔係你為我做左咁多野..
我就要為你做返咁多野..
係你等你另一半回報既時候
諗下一個問題...
你依家既係愛情..定係一場交易呢?..

我相信..當你付出到一個地步..
另一半會感受到...
可能..你既另一半唔會為你做D乜..
但係佢會知道你係最愛佢果個..咁就足夠.


打左好耐..可能冇乜道理又冇乜條理..但係都俾個GD黎支持下呀~

冷冷B

我只系睇左你有色嘅重點，不過我覺得 一個人講果 X根： 如果你付出多少，人家也不為你付出多少，她一定是在藐視你

傅家燦

如果你認為 付出100% = 回報100%, 這就是交易,

例如 股票有升有趺, 買得多 唔代表 賺得多, 可以蝕錢;
什麼事情都會存有一定風險。

付出 與 回報 並不會正比。

《狄奧》

UM..我本人認為喇
如果真係全心全意咁樣愛個一個人

就算你付出幾多 失去幾多 得到幾多 你都會係開心

但係每個人都有唔同既諗法

aＲ嘉

人生就係咁,,愛情都唔例外,,
100%唔一定會有番100%既收獲,,
如果個個都認為愛情係種交易既我相信結婚呢樣野唔會存在.___."

hoyin2234

付出和收穫往往都不是成正比
我也曾經在埋怨 為啥我為她做了這麼多事情 但她還沒有為我做什麼

但隨著時間流逝 你慢慢會發現 收穫往往在後期才出現
然而有部份人早已等不了 不停向對方埋怨 最後可能連一段關係都沒了
那個收穫 就是:一段長長久久的關係

假如雙方都抱著: 對方不為我付出 我也不會為他/她付出
那又怎來一段長久的關係?

長久的一段關係 不是理所當然
沒有其中一方無私的奉獻就無法做到

當然 最好的一段關係是雙方都能夠無私的為對方付出

可能在談戀愛的你們 是不停為對方付出的一方
可能你發現還沒有任何收穫
但相信我 你的付出 對方一定能感受到你對他/她的愛

鹿仔XD~

只可以講,冇野係完美,冇野可以跟住所想o既實現
時時諗住自己付出幾多,就要人回報同等,拍拖都唔開心

大餅^0^

只要我中意既人因為我而開心過
同唔好否認我地既經歷就滿足了, 就只是這一點點

紫靈姬

好多謝樓主既分享
我好認同付出唔一定會有同等既回報
每個人既觀點與角度都唔同
唔一定關感情事 都係個人私心作祟
你想做一個好情人 但亦有人想玩世不恭
你好心借錢比人 都會有人會借錢唔還
有人天性樂觀 亦有人悲觀
通常倒轉黎諗野既人 都會自覺良好
唔會覺得自己有錯
皆因係未趺到最痛既時候都唔知痛
做人有得就必有失架啦 貪字只會得個貧

姬兒

我個人認為唔好期望別人會回報,唔好期望自己付出幾多,人地就會用幾多回報返比自己.
其實最重要既係做好自己,起碼最首先可以令到自己將來唔會後悔自己曾經做得唔夠好.

傻少乂培

講得好 ..
道理係生活入面經歷..
最緊要自己明白 ...
你注意到身邊既事物 .. 唔錯唔錯 ..

Knight_雲冷

世事無完美嘛……


可能有人鐘意不停咁為對方付出

可能有人鐘意享受被愛既感覺



從來都冇人去既定過「付出」一詞既實際行動係d咩

只可以話每對情侶都有佢地獨特既相處方式



不過  雖則付出不求回報呢樣野唔可以話錯

但咁多位又有無諗過  如果對方不停為你付出  而你又只係一味享受

你有無諗過對方既感受？  呢個世界上真正既M唔係好多架咋...




其實好多野包括付出幾多  都唔可以用量去量度...

因為  計算既方式係對你既生活、生命之中既份量...

所以  都係無謂計較咁多  順其自然  對得住良心就好