廿四歲的反省

壞壞小孩子

自我十四歲入沙咀開始~ 我覺得我人生已經一片黑暗
莫講話大公司~ 連小小既咕喱工自己都未必同人地爭到!!
難聽d講句~ 中三都未畢業~ 邊有人會請自己!!

出冊後坦白講一句,報展翅~報其他興趣班為逃避工作煩惱
一直逃避到十八歲~ 直至所有政府津貼既課程全部讀完為止

幸運既係自己十八歲搵到一份大公司既外判公司工作~ 半年左右升為組長
果時仲以為d人亂講野~咩學歷越好~價錢越高既工作係成正比!!
果時有少少驕傲~ 仲睇唔起好多人!!
但衰爛賭~ 做左三年唔夠就辭職.....

之後一年係屋企玩電腦~打機~!!間唔中都有搵工
試過係屯門一間鏡片工場做學徒車鏡片
但係返14個鐘...星期一至六...得6000蚊個月....好辛苦!!

做左兩個月就冇做了~ 時間轉眼間就一年了!!
比我遇到大公司某職員,話公司缺人開始請人
於事我又入返大公司做...

入公司第一年.....好駁命~ 因為真係知道出面世界好難捱
已經完全戒左賭~ 煙酒都少左好多!
我好鐘意呢份工~ 返7個鐘 ~ 一至五~ 14k一個月....
記得第一年拎花紅係拎最多果個...
我好開心~ 但係唔滿足~ 因為我覺得再努力~
呢間公司會由外判員工 去請我做直屬員工!!

結果真係如我所願~ 大公司派左高層黎睇我做野
並講左一句: 你既入場劵未夠資格~我地好想升你做經理層管住下屬,
因為黎梗班高層好多都退休,我地公司希望你能夠進修中七到畢業!!

佢呢一句~坦白講~ 令我開心~ 又令我傷心......
我開心既係~ 公司終於肯請我做直屬喇!!

傷心既就係...廿四歲人~中三都未畢業~
上網瀏覽好多資料想進修
ive....中三未畢業讀唔到
毅進計劃遲多一年政府就要取消
而家可以讀既就只有初級文憑課程
大約讀六年左右就可以有大學畢業資格!!
呢一刻我真係好想喊....
以前既無知~ 搞到今日既田地
我真係知錯,好想慢慢去改正返以前既錯
但係我相信~ 而家我肯努力~ 一定能追返哂所失去既所有野!!
唔知各位網友有冇其他出路可以介紹下小弟諗諗呢??

大刀奇俠

我認為你可以嘗試報夜校......
又或報讀初級文憑,然後一路讀上
既然已有一條明確的路給你走
為何不緊持走下去?
往事留在心中便已足夠
未來才是你應要面對的路
加油吧~!

ivan1995416

加油吧,希望你做到經理

棉花candy

努力吧
其實你已經係一個奇蹟

天龍之子

加油吧........做野真係一件好煩的事= =

不原透露

近來好嗎? 小孩
你重讀中三, 讀到中五, 轉去讀ive.... 我好耐冇讀書, 真係唔知呢呢家個d 什麼 433呀..咩呀..學制.
你最機本的入場到唔得. 係冇得怪人的.
只可以做技術型的野... but 想升就好難攪....
我唔知你而家幾多歲, 我應該大過你.
你可以俾我知你做緊d哂野工種, 我比d ideas 你.

加油

金夕雨

我同樓主好似,不過我無犯過事

樂瘋天下

咁e家係點? 你要讀多6年先可以返果間公c? 定一路讀一路做緊?

慘．輝仔

vtc期下有間叫YC..你可以去試下駁駁..讀完三年就好似有中五認可
跟住入ive都可以易d...起碼入去讀既係專業課程.
但係呢條路..好難行...年齡..家庭等等既問題..
我情況同你甘唔多 只係年齡 未去到24..

其實你之前工作已經叻過好多人..!!!
唔好放棄...
堅持比努力可怕!!!!

[ 本帖最後由 慘．輝仔 於 11-6-27 12:45 PM 編輯 ]

cfc100

Nothing  impossible
加油!!!

焰陽

由ive既課程開始睇啦...
要讀唔難,只係睇你有冇心溫書,
講溫書...一定易過你中學好多好多

曉峰

好一個為生命而拼的小子.你這麼努力.總會有成功的一天...支持你.加油...