（全書－完）"第十二話：無憾＃３０８（第１６頁）／#309 作者的話

凸唯而出

最尾全部比人踢出校

thchan96

果然波波係最勁

~傳說中的傻仔︻

第七話：前路茫茫


「哈．．哈．．．想收我皮！？」

雷兵大口大口地吸氣，力道一壓、直把我迫往後方，

這時我雙手依然與他鬥力，可是身形一退之下，

「砰！」

背部已經被釘死在走廊的短牆上，上半身連頭已經被推往走廊外面，

「睇下你趺死先，定係我比你插死先！」

（佢老味．．．想將我成個人推落樓！？）

雖然知道雷兵的意圖，可是我卻沒法阻止他，

「呀！！」

他每一次發力，都使我整個人慢慢推往走廊外面，

雙腳已經有少許離地，這時我已經心灰意冷起來。

（唔通．．今次真係仆街？）

之前所受的傷都令我體力快速下降，加上剛才的肩胛骨被打裂，

我感覺到自己快沒有氣力鬥下去，這就是天意嗎？

我不禁閉起眼來，準備迎接自己生命的最後時刻，

（「阿偉，學唔學奪命較剪腳？」

老鼠傑突然興起，想教授我一點旁門左道的功夫，

「你知我剩係識飲酒，打交又屎波，學黎有咩用？」

老鼠傑向我露出一個奸笑，然後向我說道，

「就係比你呢ｄ人用，呢招係借力打力，唔洗打交勁，

你就黎比人收皮用呢下，話唔定可以救到自己一命。」）





腦袋是很神奇的東西，在你不知所措時、總會給你意想不到的答案，

我無故想起數年前老鼠傑與我的對話，更想起一個從沒有使用過的奇怪格鬥技。

這時雷兵已經迫得我整個人昇起，眼看快要掉下樓時，

「唏！」

我雙腳猛然成交叉形，再緊扣著雷兵的頸部，

他斷然想不到我有這一招，所以在這生死關頭竟然呆了。

在他發呆的同時，我整個人已經趺出走廊，

可是我不敢有一絲猶豫，更是用盡力氣把緊鎖著的雷兵抽起來，

「仆街，要死一齊死！」

就是這樣，我就使出一招類似打根斗的動作，

迫使雷兵與自己一起趺出走廊之外、雙雙直飛往地上！

在物體飛往下方的同時，因為重的一邊會傾向地面，

而我雙腿夾著雷兵、下盤成為較重的一面，所以雷兵已經被換在我的腳下，

「呼！！！！」

急速的下墮感，我彷彿看見四周的景物在快速變換，

（我要收皮啦．．？）

「砰！！！！！！」

一下突如其來的壓力感，從我的腳直傳往大腦內，

「呀！！」

痛楚緊接而來，眼前的景物好像地震般搖動，

最後，黑暗支配視覺．．．．





「阿偉．．．阿偉．．．」

怎麼我好像聽到自己的名字，是我的錯覺嗎？

「阿偉．．阿偉！！」

不對呀、這聲音愈來愈大，應該不是錯覺呀，

「阿偉！！醒啦！！」

如雷貫耳的聲音直轟進腦袋，我雙眼猛然睜開！

「．．．．！！」

正當我想說話時，竟然連一個字也說不出聲，

連四肢也變得麻木起來，只剩下雙眼在來回滾動著，

（乜撚野事！！點解我講唔到野！！？）

眼前的景物也告訴自己，我正身處在一間醫院之內，

我用盡力氣在活動四肢，可只是左手有一點反應，

「阿偉！！你醒啦！？」

數個熟悉的人樣在我眼前出現，那便是與我並肩作戰的兄弟，

「阿偉，醫生話你趺落樓，隻腳ｄ骨基本上裂哂，

爆左小小肺，加埋右手肩胛骨裂開，同埋氣管受創，算係執番條命；

不過雷兵就大獲，佢墊你屍底，四肢斷哂，睇怕救番都做植物人ｌｕ。」」

（條仆街都有今日，哈哈。）

「哈．．哈．．」

我勉力呼吸，發出一絲悲涼的笑聲，

想不到我最終是以自己的力量，來除掉雷兵這顒眼中釘。





說話的正是阿波，他雙手也打了石膏、但情況比我好得多，

「不過，阿偉你唔好咁開心住。原來雷兵係『東英』個暴龍既契弟黎，

聽人講佢準備過幾日就發散人手黎刮我地，過到初一、過唔到十五ｌｕ。」

另一名同學點點頭，然後便搭上咀，

「阿偉，我地又無字頭，睇怕唔避下風頭既話，實比人斬開幾十舊。」

「吱！！」

這時大門打開，進來了一個人，

「阿偉，阿波！」

他正是我與阿波在學校的好朋友－阿朗。

「你地做乜打交唔叫埋我呀！？」

他充斥著責怪的眼神，在我與阿波之間不斷掃視，

「你係好學生黎，廢事拉埋你．．．．．．」

阿波無奈地回答，但立刻便被阿朗搶白，

「又話兄弟！？　關好學生屁事咩！！」

阿朗的一句回答，使我與阿波都不好意思，

「唉．．算啦．．阿偉你點呀。」

他走過來，我向他單了一下眼示意還可以，

「學校個邊知道你地攪大獲野，已經準備開除今次單野既核心人物，

阿波，阿偉，你地就係其中兩個。」

阿波搖搖頭，然後便拉著阿朗起出去，

「我地走出去傾啦，等阿偉休息下先。」

看著阿波的樣子，再回想阿波剛才的說話，

看來這次的事件已經得罪了『東英』，究竟我們該怎樣行前面的路呢．．．．．．？

（待續）

ilovemarketing

thz for share~~

凸唯而出

強哥~強哥要出黎啦

可愛肥仔明

咁樣主角３兄弟（？）都有危險啦。（？）

~傳說中的傻仔︻

第八話：琥珀色戒指



一個月後，我的傷也好了七成有多，

可是失去了重回學校的機會，手上的退學信便是最好的證明。

「阿波，唔洗頹ｗｏ，無得讀書姐，仲有大把世界我地撈啦。」

我拿起手提電話，從社福中心的住宿向外望出去，

車水馬龍的街道上，就沒有我容身之所嗎？

「講就口響，你而家肯定都同我一樣，避緊『東英』班友啦。」

阿波一句便說中了我的心事，想不到雷兵是鼎鼎大名『暴龍』的表弟，

暴龍是『東英八掌舵』之一，其兇狠的處事手法也略有所聞。

「屌．．．比你講兩講，ｍｏｏｄ都無埋，係咁啦。」

沒有理會阿波的回應，我關掉通話後便點起香煙，

「躂．．躂．．」

「呼．．」

煙圈也難掩失落的情緒，難道我就要不斷逃避嗎？

自從雷兵的事件後，我與阿波害怕得不斷左閃右避，

基本連上街的意慾也失去，全因為恐懼在影響著我倆。

（我葉偉．．．就要做淆底獸到幾時呢？）

我問著自己一個沒有答案的問題，但也是一種自我的鼓勵，

要擺脫眼前這種困局，我相信有同等的力量能夠幫忙，

那就是與『東英』齊名的『華興』，一個我認為是救星的力量。

「阿偉，呢單野我唔夠彊幫你拆呀，

雷兵係暴龍個老表，你攪到雷兵即係唔妥暴龍，暴龍係八掌舵之一，

條友又出名惡攪，我諗唔識死既先會去惹佢。」




往日的豬朋狗友通通也給予我同一樣的答案，難為他們還背著『華興』的名聲，

到了真正出事的時候，竟然全部都變成怕事之徒。

「躂．．躂．．．」

我一人在街道上走著，這次我鼓起勇氣出來求救，

但結果卻是未如理想，看來上天也不太照顧我。

「妖！！『東英』大撚哂咩！！」

我一腳踢走跟前的可樂樽，以發洩近月來抑壓的情緒，

「係呀，『東英』係大撚哂架，特別係暴龍哥！」

想不到我只是自言自語，後方卻傳來回答，

我立刻感到不妙，回頭一看之下、數名金髮人向我露出殺意。

「葉偉呀嘛，攪暴龍哥個老表，你真係唔撚識死，仲唔比我地伏到你！？」

他媽的、原來是暴龍的人，看來從我離開中心的一刻起便已經被鎖定，

「斬開他十幾忽！」

他們一聲怒吼，便如急箭般疾衝過來，

我當然不敢待慢，雙腳提起力氣便往前奔走。

「哈！哈！哈！」

才十多秒的時間，我的體力已經急速下降，

就在我用氣發力轉彎時，腳腕的刺痛感使我大叫起來，

「呀！！」

然後便有如餓狗搶屎，整個人仆到在地上。

「呀．．．」

禍不單行、腳腕的傷患加上倒楣的運氣，我被包圍了。




「呼！」

刀鋒無情，狠狠地在我的身體上留下痕跡，

「嗚！」

我奮力鼓起意志，推開一人後再自繼續跑前，

「ｂｉ！！！！」

車聲響起，原來我不自覺跑到馬路中央，

才剛反應到，一間私家車已經迎面撞來！

「滋！！！！！」

車胎磨擦地面的聲音響起，私家車勉力向左扭轉，

千分之一秒的瞬間，整個結局已經改變。

「你條仆街仔，係唔撚係想死呀！？」

司機探頭而出向我惡罵，我沒有好氣回應他，

正想逃走時，車窗內有一隻手卻捉緊了我，

我想甩開他卻甩不掉，他手上的琥珀色戒指猶如死神般留住我，

「放手呀！！」

無奈之下我只可以大叫，而其中一名金毛已經追到並舉起利刃，

「呼！」

快速的斬下來，看來我是要魂斷這裡了。

「擦！」

可是結果並不是預期的死亡，那人在千鈞一髮時推開了我，

「你地『東英』架？」





車門被慢慢打開，那帶著琥珀色戒指的人走了出來，

雙目顯示著堅忍的神性格，看上去大概四十出頭，

穿著一套貼身的西裝，全身散發著一種江湖的味道，

「你係．．．！？」

那數名金毛看見這中年人後，均露出驚訝的神情，

「躂．．躂．．」

中年人點起香煙，然後再次問他們同一樣的問題，

「你地『東英』架？」

一名金毛踏前一步，把剛刀指著中年人，

「係，我地跟暴龍哥既，收到ｏｒｄｅｒ要做條靚仔，你唔好多事呀！」

他們在發出恐嚇，可是我不再害怕，

自這名中年人站出來後，我好像感覺他可以解決任何事情。

「暴龍．．．．．」

中年人聽到暴龍的名字後，獨自在一邊沉思，

「斬死條靚仔！」

那些小混混沒有理會中年人，便再次向我衝來斬殺，

突然．．．．．

「砰！」

一下拳聲，在帶頭的金毛面上留下烙印，

拳力之重直把那金毛打飛數個身位，出手的當然是這名中年人。

「呀，我記得啦。暴龍個條東英仔，上次攪到我單生意傾唔成、我都仲未還拖，

岩啦，今晚就搵佢幾條靚開刀，比佢知道我毛強個朵唔係流既。」


(待續)

thchan96

強哥出黎

~傳說中的傻仔︻

thchan96 發表於 12-1-3 12:36 AM
強哥出黎

係呀  哈哈哈~


呢排終於得閒小小   希望今個星期作多篇先~

好多謝仲有你呢個忠實fans~

thchan96

~傳說中的傻仔︻ 發表於 12-1-4 10:57 PM
係呀  哈哈哈~

D人流少左好多

凸唯而出

強哥終於出黎,
正

~傳說中的傻仔︻

凸唯而出 發表於 12-1-5 09:05 PM
強哥終於出黎,
正

hi~   你覺得個前傳係咪好悶呀@.@

tommy416

@_@ 出密D A_A         

凸唯而出

~傳說中的傻仔︻ 發表於 12-1-5 09:57 PM
hi~   你覺得個前傳係咪好悶呀@.@

我覺得幾好~
可以知佢地點解跟左強哥

~傳說中的傻仔︻

第九話：困擾


「毛．．毛強．．．！？」

另外兩名金毛怯意已生，一邊扶起被轟下的同伴、身形卻慢慢後退，

「靚仔你今晚好彩，第晚我就唔包啦！」

拋下一句恐嚇性的說話後，他們便急腳離去。

「我屌你呀！」

我不忘執回『尾彩』，向他們的背影舉起中指。

「細路，人唔係你打走既，彩你又識得拎。」

這名喚作『毛強』的中年大叔，他摸著拳骨、面上充滿不屑地看著我。

（呢個阿叔就係『華興』ｄ大粒野？剩係個勢都嚇死人。）

「唔好咁小氣啦，睇你個款都係撈大茶飯，比我拎個小尾彩姐。

今晚唔該哂大佬，有機會我請飲茶。」

我向他作出道謝，而正想離去之時，

毛強一個箭步踏前，右手緊抓著我的肩膀，

「細路，我無話你走得。」

他那對有神的雙目，直把我嚇得冒出冷汗，

「阿叔，咩事呀？」

我想甩開他的手，他發出的力道大得可怕，

儘管用盡全身力想向後退，可就是一步也移動不了。

「你頭先累我差ｄ炒車，條數點計先？」

想不到他竟然為著這些小事而留下我，印象分馬上下降，

「咁我同你ｓａｙ番句ｓｏｒｒｙ　ｌｏｒ，得未！？」






無知的我還沒有一絲危機感，高我半個頭的毛強把面貼近，

「如果我收左你皮，同你ｓａｙ個ｓｏｒｒｙ得唔得？」

他的語氣沒有一絲的聲調，平淡得令我感受到他的殺意，

「仆街啦你！！」

我的右手才剛緊握成拳，還沒有揮出去時．．．．．．

「躂。」

他的左手手掌已經如天羅地網般封著我的出拳路軌，我完全無所發力。

（今次大撚獲，走左班『東英』，黎左個『華興』。）

眼見絕路在前，我情急智生、運用一些下三流的技倆，

「屌你！」

我借著矮過他的優勢，把頭猛力向上一撞，

「砰！」

他沒有料到我這樣無賴，受襲下果然令他右手放鬆，

我馬上甩開再向後逃去，不敢有一點停下的意圖。

不知跑了多遠，確認後方沒有人追來，

疲於奔命加上舊患所致，終於使我在路邊坐了下來。

「哈．．哈．．．」

精神壓力加上肉體的創傷，都令我陷於極低的情緒當中，

（唉．．．估唔到『華興』既人都想做我．．係唔係咁黑仔呀？）

「咇！！！！」

原來我坐在馬路的側面，經過的車子響了一下號，

我立刻退後數步，心情差劣的我馬上對駛過的汽車發洩，

「渣咁快去投胎咩！！？」

語言上的自我安慰，並沒有帶給我擺脫困境的方法。






又過了一星期有多，我發覺自己已經陷於崩潰的邊緣，

「屌，有咩計呀？」

我致電給自己的豬朋狗友，而已沒有任何建設性的意見，

但唯一令我感到希望的說話，便是老鼠傑的建議。

「阿偉，老老實實，反正你都成日群埋我地呢班友，

你而家又無書讀啦，不如埋我地堆？」

我拿起酒杯喝了一口，望一望遠處的美女，

「我而家咪埋緊你地堆ｌｏ。」

老鼠傑摸了一下她女朋友的敏感部位，再回答我，

「我指拋個身入黎玩埋堆ｗｏ，明唔明我意思？」

老鼠傑的說話直插入我的心底，這不正是我一直以來的想法嗎？

「但係．．．」

可是想到要踏上這條路，我心裡卻湧起一些不願意，

（真係要行古惑．．．？好似唔係幾好．．．）

老鼠傑看見我的神情，都已經猜到幾分，

「我知你諗咩，都係一個建議姐；做唔做，始終係你自己決定。

不過你而家單野，無番段時間都唔洗旨意甩身；

一年啦！一年後單野應該淡架啦．．．．．」

老鼠傑接下來的一句，才是整段說話的重點，

「不過問題係，你捱唔捱到一年先？

你前幾日先岩岩比人做瓜，一年？難呀。」





這時老鼠傑走出舞池跳舞，剩下我在陷入沉思，

（唉．．．．之前仲扮哂大袋，真係要攪埋堆就淆哂底，

我都真係幾撚無用．．．．）

懷著低沉的心情，我喚了一間的士便回到自己的宿舍。

「阿波，單野你點睇？」

在宿舍附近的茶餐廳，我與阿波相討著老鼠傑的主意，

「阿偉，你同我都係孤兒仔，要入黑我就唔淆底，係你姐。」

阿波是一個爽快的人，說一便一、二便二，

看見他毫無猶豫，我反而不好意思上來，

「黑社會？個名就好似好把炮咁，你同我都知咩事啦。

班大佬剩係識貪威識食，到劈友個時搵ｄ細黎『較飛』，

我同你去撈黑，睇怕唔洗兩個月就收皮啦。」

我道出所有缺點，其實是希望阿波能夠說服我，

阿波身為我的好友，又怎會不明白我的心思呢？

「阿偉，唔洗咁ｗｏ。想做咪做，唔想咪唔做；

路一定唔只得一條既，話唔定有其他方法呢。」

「有咩計？」

阿波抓一抓後腦，再露出一個笑容，

「我撚知咩，我都係亂講姐，哈哈。」

我沒有好氣的舉了一下中指，眼角沒有意識地掃視四周，

正當我望向餐廳外面，竟然發現了一個熟悉的面孔．．．．．．


(*待續*)

thchan96

偉哥係咪又撞到強哥

凸唯而出

強哥係咪要收佢地啦

thchan96

幾時更文

~傳說中的傻仔︻

第十話：碰見



「．．．．！！」

餐廳外面的不就是我上次碰見的毛強嗎？

我怕得別過面去，阿波立刻便發覺到不妥，

「阿偉，做咩？」

「咪問啦．．．一陣先同你講．．．」

我心裡只渴望這傢伙快點走，被他發現我在這裡、我下埸應該會很慘，

「強哥！！」

偏偏事與願違，只聽到餐廳的侍應生都大聲叫喊他的名字，

（大撚獲．．．）

「強哥，咁錯蕩落黎呢邊既？」

老闆也來與毛強寒宣數句，可見後者的名聲是多響亮，

「係呀，咁岩傾完單野，咪過黎食下飯，話哂以前都係係呢到捱出頭，

我做人實唔會忘本既，哈哈哈。」

有點沙啞的聲音，更是突出了他在江湖打混的時間。

「阿偉．．．個邊咪係好似『華興』ｄ猛人？」

阿波拍一拍我，但見我毫無反應，

「你做乜春呀？阿偉？」

這刻我是怕得什麼也不想理，只想怎樣才能逃離這裡。

「咪．．咪拍．．啦．．」

我輕輕甩開阿波的手，想不到老闆在這時搭話，

「阿偉！！！你咪成日話自己幾勁幾猛；拿！真正大粒野係度呀，過黎打聲招呼啦。」




（仆佢個街．．．．）

我萬念俱灰，心想這次是死定了，

「阿偉，人地叫你呀。」

（屌．．反正就死，拎番個尾彩先！）

得罪了『華興』的高層，看來我是劫數難逃，

抱著『打死罷就』的決心，便大步走向毛強所坐的桌子處。

「強哥呀嘛！你好！」

我一反常態地大聲說話，把老闆與阿波等人也嚇壞，

「阿偉．．你做乜？」

阿波想不到我會這樣，一時之間也反應不過來，

眼前的強哥則招招手，示意我先坐下，

「原來你叫阿偉？哈哈哈。」

他摸了一摸自己的戒指，再示意阿波也坐下，

「我收到風，你地好似做低左暴龍個表弟．．雷兵呀嘛？」

「係我做既，唔關阿波事！個晚獲野都係我一條友攪出黎，有咩就計落我到啦！」

我大力地緊握拳頭，全數發放自己的豪情，

強哥先是呆了一呆，竟然笑了起來，

「哈哈哈！！你條友仔真係幾ｏｎ９。」

阿波也是不明所以，馬上向我追問，

「個晚？咩個晚呀？發生咩事！！？」





（唔可以拖阿波落水！）

「乜事都唔關你事！砰！」

我大地拍往桌面，杯子也震動了起來，

「阿偉，你係唔係痴撚左線！」

老闆看我的動作簡直是在找死，慌忙示意我不可這樣，

「無錯，我琴晚係撞柒左你一下，咁你係唔係要收我皮呀！？」

我怒目射向毛強，毛強則笑得更加開心，

「哈哈哈．．．」

他搖了一下頭，再擺出一副無奈的樣子，

「白痴仔，如果我毛強比人撞一野就要收人皮，咁我咪要日日開拖？」

他這句說話使我放輕鬆下來，言下之意是不追究那件事嗎？

「你想收阿偉皮都唔係咁易．．．最起碼要踩住我條屍先。」

阿波這時搭上一句，這句正用來顯示我們兄弟之情，

「哦．．．！？」

毛強這時看了我一眼，再望一望阿波，

「又真係幾似樣．．．」

（似．．似乜春？）

「總之今日我就係黎食野既姐，你兩條靚仔攪寸暴龍，

睇怕黎緊都幾大獲，哈哈哈。」

雖然他一副事不關己的樣子很討厭，但我吐出一口輕鬆的氣，

畢竟這位『華興』高層不再追究，我總算拾回一條命。





「不過．．．」

原來毛強還未說完，我再把集中力放回他身上，

「我幾鍾意你地咁沙ｐｏｐ，有無諗住跟人？」

（唔通佢想收我地？）

「跟唔跟人都唔關你事。」

語出驚人的正是阿波，他站起來便拉著我，

「阿偉，走啦。」

（唔撚係掛．．．？我仲想傾落去ｗｏ！！）

我心裡的想法卻與動作相反，因為我已經站了起來，

「學阿波講，我地跟唔跟人都唔關你地事，係咁！」

（屌．．我講咩呀？）

我拋下這一句，但眼裡盡是充滿後悔，

（如果真係跟左佢！！咪唔洗淆隻暴龍ｌｏ！！）

可是我沒有把想法說出來，畢竟年輕人要的是面子，

既然我附和了阿波，就不可以改變主意。

「ｏｋ。如果有需要咪搵我，我有時都會係度，不過睇你地夠唔夠運撞到我啦，哈哈。」

毛強沒有正視我們一眼，我亦跟著阿波離開餐廳。

走到了附近的公園，我與阿波坐了下來傾談，

「阿波．．你頭先做乜拉我走？」

阿波則露出驚訝的樣子，然後便回答，

「你唔係唔ｌｉｋｅ佢咩？」



（待續）

猩猩大隻佬

我覺得好好睇牙 第十話了