（全書－完）"第十二話：無憾＃３０８（第１６頁）／#309 作者的話

凸唯而出

波哥get錯野?

thchan96

偉哥D反應好正

『LuNg』

毛強好有霸氣

~傳說中的傻仔︻

第十一話：一人的路



「係就係．．．不過．．．」

話還未說完，一陣銀光從阿波身後亮過，

「呼！」

「刷！」

一秒之間、阿波血濺公園，危機到來，

「阿波！」

阿波是血肉之驅，驚慌加上痛楚使我倆都亂了陣腳，

「你兩條仆街仔，仲陰你地唔到！」

明顯又是『東英』的人在伏擊我們，他媽的這次麻煩了。

「阿波，頂住！」

我想拉走阿波時，旁邊一下踢擊使我失去平衡，

「嗚呀！」

我們紛紛倒在地上，阿波背部更是流出大量鮮血。

「你兩條蛋散都算好野，攪完暴龍哥既老表到而家都仲有命。」

從包圍著我們的數名刀手之間，走出了一名傢伙，

他約高一點八米，看來是有點斤兩的小混混，

「不過，我阿卡就唔會比你地過到今日。」

＜阿卡－－暴龍的近身，出埸集數為＃陳逸朗外傳-- 平安夜的狙擊＞

阿卡招一招手，附近的刀手均高舉剛刀，

無路可逃的情況，我彷彿看見了死神。





我無助地四周亂看，在不遠處、一名看似救星的傢伙正在倚著車邊並看了過來，

他的樣子或許是未能看得很清楚，但他手上的戒指、正是他的象徵，

「強哥！！！！！」

我像失心瘋般大叫了一聲，心裡只是抱著一種無力的希望，

他會來嗎？

那人是毛強嗎？

阿卡聽到我叫喊後，只是用恥笑的聲線說出一個字，

「殺。」

刀手得令後，向我與阿波發出致命的快刀。

「砰！」

巨響驟然響起，那是什麼聲？

是槍聲，然後是一陣安靜，

他連救助聲都喊不出，便踏入了死亡。

「沙啦。」

血花在我面前爆開，離我最近的那名刀手，

我清楚見他頭臚爆開的瞬間，那是槍枝的破壞力所致。

那一刻不但是我、阿波，連阿卡和數名刀手均被嚇呆，

子彈從哪來？是什麼人？

「仆街，快ｄ顧住我！哨啦！」

阿卡畢竟是熟練的小混混，得知附近有槍枝，

馬上令手下顧著自己，然後便逃之夭夭。





我目擊著阿卡在自己面前離去，然而我還沒有回過神來，

（頭先．．係槍？條友死左？）

一連寸的問題在轟炸著自己的腦袋，我並沒有接觸過槍枝，

別人的頭臚在自己眼前爆開的一刻，那是一種難以形容的震撼力。

「靚仔．．你真係好彩，每次有難我都會係附近。」

一句說話，把我從發呆中拉回來，

一名拿著手槍的人站在我面前，然而說話是這他身後的人，

「毛．．毛強．．．？」

我連說話都不自覺地震了起來，拿著手槍的人則與強哥對話起來，

「強哥，我會ｃａｌｌ人黎攪掂，你走先。」

「ｔｅｒｒｙ，你做事我放心。」

看來拿著槍枝的人名叫ｔｅｒｒｙ，殺掉刀手的也是他吧。

「靚仔，我就建議你唔好再發『牛斗』，你隔離個兄弟都就黎收皮。」

一言驚醒夢中人，我都差點忘記阿波受了重傷，

「阿波，頂住，我送你入廠。」

我想扶起阿波之時，才發覺自己四肢無力，

看來是剛才的埸境太震撼，使自己被嚇得出了一身冷汗。

「唉，死靚仔未見過大蛇柯尿。」

想不到毛強也過來幫忙，一把抱起阿波並放進自己的的私家車內，

「上車啦，靚仔。」

我別無選擇，上了毛強的車。




「呼．．．」

坐在毛強的車子內，我的手拿著紙巾在按著阿波的傷口，

但眼裡仍是不斷重現那人被爆頭的一幕，實在是十分嘔心。

「靚仔，唔洗嚇到呆哂ｗｏ。」

毛強好像看透了我的心思，更是出言安慰，

「呀．．哦．．」

我不知道該回什麼反應，只是一下胡言亂語，

「嘿，你而家知道咩係『黑社會』啦？」

毛強這句似乎有弦外之音，他是什麼意思呢？

「得罪人多稱呼人少，有起事上黎唔係豬朋狗友幫到拖，

想惡就要埋堆，明唔明？」

不知道毛強是否事前打探過，他說的話正正便是我眼下境況，

「強哥．．我．．」

也不知道是否失去了堅持，我不自覺叫了毛強為強哥，

「我知你想講咩。後生仔有自己既堅持係好事，

不過，太過分既堅持，就只會累己累人；

既然有第二條路行，點解唔博一博呢？」

他意思是在勸說我加入『華興』嗎？

我看著暈倒了的阿波，他不應該被我拖累的，

『黑社會』更是一條難以前進的路，身為兄弟的我更不應要兄弟受苦，

（要承受一切既應該係我．．要行呢條路既應該都只係我一個．．！！）

（待續）

凸唯而出

默默地走我路

~傳說中的傻仔︻

因為當初角色設定係阿偉入左『華興』先過阿波

所以有咁既情節a_a


睇到而家       你地覺得個前傳悶唔悶呢~

thchan96

緊係唔悶~
你有文更我已經好開心

~傳說中的傻仔︻

第十二話：無憾


（阿偉，你去內地避下先啦，阿波個面我會搵人睇住；

有咩好做既好今晚做埋佢，你今次一避都起碼三幾年。）

強哥的說話在耳邊徘徊著，我坐在學校的天台上面，

看著眼前的景物，竟發現這刻的景色才是最美麗的。

（阿波．．．我唔可以同你講去左邊，

行古惑都係我一個既事，我絕對唔會累埋個兄弟。）

心裡想的說話，我並沒有任何一句向阿波透露，

或許你會覺得我很無情，阿波不是我的兄弟嗎？

我可以回答你，就是因為阿波是自己的兄弟，

黑道的恐怖由我一人去承擔已經足夠，撕殺、仇殺、報復等等。

「呼．．」

我很喜歡『綠ｌｕｃｋ』的濃度，淡淡之中含著薄荷的清香，

但這是我抽過最沉重的一枝香煙，把我的心理壓力直沉往谷底。

「鈴．．鈴．．．」

電話響了起來，這時間還有什麼人會致電給自己呢？

來電顯示『江惠兒』的名字，她為什麼會找我呢？

（既然仲有小小時間，就去見下佢。）

自從雷兵的事件後，我再也沒有見過惠兒，

雖然她之後也有聯絡自己，我卻是沒有再接聽過她的電話，

我不是因為討厭她才拒絕會面，是因為『內疚』。





「先生，食ｄ咩？」

「豬扒飯呀。」

坐在餐廳的我，對面正正便是惠兒，

她看來有點憔悴，也沒有了昔日開朗的面容；

「阿偉．．．」

「惠兒．．．」

我倆同時叫了對方的名字，亦同時逃避了對方的眼神，

大家再一次的沉默，再一次的無言以對。

（葉偉，你就一次過講哂自己講既野出黎！）

男子漢的血使我鼓起勇氣，我用力呼吸了一口氣之後，

「惠兒，我唔見你唔係因為唔再鍾意你；

我係太鍾意你，所以先會內疚、而且唔夠彊見你；

因為我，攪到你．．．．．

我知我講咩都唔能夠補償所有對你既傷害，唯一可以做既就係，

我再講多一次，對、唔、住。」

每說一個字，我的心就像被刀割了一下，

那種痛苦的煎熬，是一種精神的折磨、永久的烙印。

「阿偉．．．唔係．．我無嬲你．．」

惠兒聆聽我的說話過後，已經淚流滿面，

我索性坐了過對面，緊緊地在旁擁抱著她。






「我無嬲你，我都係好鍾意你，不過我今次黎會同你講一個消息，

我今晚就會成家移民去美國，我估以後都無咩機會再番黎香港，

所以我好希望走之前，可以再見你一次，一次咁多。」

想不到惠兒也要離開香港，命運就是這樣可笑，

往往會將兩個人編在一起，遭遇也是相差無己。

離開餐廳以後，我送惠兒到巴士站，

「阿偉．．．或者我地第日仲有機會見面，

我唔會唔記得你，亦都希望你唔會唔記得我。」

惠兒蒼白的面上遺留著淚痕，那是對我感情的證明，

可惜我只是一名快要踏入黑道的小混混，沒法向對方承諾什麼，

但眼前是我喜愛的人，我便要有義務讓她開心，

為了讓她開心，我願意做任何的事情，

「ｈｅｙ，唔會咁悲啦；我應承你，

第日我儲到錢，一定會過黎搵你；

你要等我，唔好比其他仔溝左去就真。」

我故意用攪笑的語氣去回答她，果然她笑了起來，

「嗯，巴士到啦．．．．」

惠兒突然向前踏了一步，輕吻了我的嘴唇，

「再見啦，葉偉。」

「再見，惠兒。」

第一次付出的真感情，到此完結。






「阿偉，到清泉鄉啦。」

艇上的兄弟通知我已到達目的地，我拿著行李下船，

為了黑道，我終究也放棄了兄弟和朋友，

獨自一人來到這裡避難，避開暴龍的追殺。

「靚仔，一百蚊全套，上唔上？」

一星期後的晚上，我一人到附近去走走，

提供服務的女孩均向我勾搭，但我都一一搖頭示意不用；

「老闆，比罐酒我。」

「２蚊呀。」

我買了一罐啤酒，走到碼頭附近坐著，

「呼．．．呼．．．」

清涼的海風使我心情舒暢點起來，我不禁望向天空，

（惠兒佢應該都到左美國，阿波佢都應該出左院，

估唔到所有最親既人都離開左自己，唉。）

「哈哈。」

暗地裡的一聲苦笑，為我的愁容更添愁意，

我沒有目的地望著大海，一隻又一隻船在航行著，

「如果阿波係度既話，我就唔洗一條友飲悶酒啦．．」

我嘆了一口氣，想不到．．．．．．

「我係度呀，仆街偉。」

一下耳熟的聲音竟然響了起來，我回頭一看，

「阿波！！！」

竟然是阿波，他整個人都站了在我的眼前，

「仆街仔，為左問你係邊都問左我幾日，我唔係度唔通係你屋企。」

「你為左我．．！？」

我激動得站了起來，阿波則向展露了一個恥笑，

「你老味想賣甩我？我單拖踩上毛強個地頭問佢你係邊，

仲要比人打左幾獲先問到個地址，你條反骨仔唔洗旨意自己揹哂ｄ獲，

有你葉偉一日，我凌成波都會係附近。」

我終於再也忍不住，緊緊地擁抱著阿波，

「死基佬，咪攬咁緊，我ｄ骨就斷。」

「哈哈，你咁靚仔，基都抵啦。」

將來的路沒人能夠預料，但在這一刻我卻擁有最好的兄弟，

人生至此，何來有憾？


－　前傳　 葉偉少年編　（完）　－

~傳說中的傻仔︻

To 讀者：

　　　我呢排都真係忙到嘔，我諗今次真係一個ｅｎｄｉｎｇ　ｆｏｒ－我在黑社會的日子－　呢個系列，
　
凌成波，葉偉，王子等等，呢ｄ既角色名我仲記憶猶新，特別係佢地著草番大陸，深水步之戰等等，

每個劇情我都好享受，亦不時去禁番黎睇。　但係江郎才盡呢句說話係岩，創意既野會愈用愈少，

我眼見讀者愈黎愈少，自己既主意亦都慢慢下降，劇情更加比以前沉悶，

我就係度諗，唔應該再拖落去，將本來一套幾好既作品變成爛尾；

所以，本人係度宣報，『我在黑社會的日子』正式完結，

無錯，當中太多劇情未可以一一呈現係觀眾眼前，但係無奈地，

我無時間、暫時亦都無新既元素去創作故事比大家睇，

遺憾地，我只可以作出一個咁既決定。

感性既說話都已經講完，由１／４／２０１０到而家８／２／２０１２，差唔多兩年既作品正式完結，

多謝大家一直既支持，我相信好快會同大家再見面，

將更多得意既野同大家一齊分享，再見。


祝生活愉快　　　　　　　　　　　


　　　　　　　　　　　　　　　　　　　　　　　　　　　　　　傻仔敬上

thchan96

我會永遠記住呢套作品

tommy1512

咁就冇得睇lu..

sj021a01

新野w0w

牙聰xP`

原來你仲係到>_<.咁就完左真係可惜左d