（全書－完）"第十二話：無憾＃３０８（第１６頁）／#309 作者的話

女商之領導者

點可以唔識波哥/_\

thchan96

波波一打十=]

~傳說中的傻仔︻

入camp兩日....星期五再更新 抱歉

tommy1512

成日都停文   星期五出兩篇補數

thchan96

通常第一次都係camp入面發生
(咩既第一次自己諗 )

pkmsnxn

謝謝大大分享～

thchan96

原帖由 pkmsnxn 於 11-7-13 11:32 PM 發表
謝謝大大分享～

板主!!!!惡意灌水呀!!!板主!!!!

~傳說中的傻仔︻

第十一話：大Ｄ的挑釁


看見我的實力後，摩打很想連爬帶走的逃離，

但他嚇得發軟的雙腿並未能使動作流暢，他只是趺趺碰碰地向出口爬去，

「你．．．你係邊個．．．」

「我係邊個唔重要，重要既係你以為唔好影衰『華興』個朵，ｏｋ？」

「山．．山水有相逢呀．．！！」

他聽到後已經面色發青，而且一心想逃走，

問我是誰只是想爭取逃跑的時間，更何況是被一個不明人重重擊到。

才不到十秒鍾，整群童黨已經雞飛狗走，

「沙．．沙．．．」

陳浩廷徑自站起來，只見他整個也充滿瘀傷，

「無事呀嘛，細路？」

我想過去扶起他時，他卻一手甩開我，

「唔好掂我。」

看見這情況，我不禁笑了起來，

「哈，你都幾得意、我幫左你拖，你仲咁寸柒柒既。」

陳浩廷一邊收拾散滿四周的課本，一邊回答我的問題，

「如果係隻揪，摩打邊係我個皮。」

聽見這說話，我不禁又想起與阿偉相識的埸面，

那一次被他的兄弟在公園裡圍毆，我也是像陳浩廷般未有屈服，

「細路，咁你做乜比佢地打？」

他整頓好書包後便背上，然後更白了我一眼，

「我唔埋佢地堆，而且仲將佢地係學校既馬仔打到入醫院，而家咪搵我還拖．」

「你咁惡，無人照你咩？」

這時陳浩廷已經慢慢遠去，但他的說話卻在我耳邊盤旋，

「我最憎黑社會，呢一世我都唔會入黑社會。」

這是一個有趣的晚上。





隔了兩三天，我正在醫院裡探望自己的手下，

「鐵打酒，未死得呀嘛？」

鐵打酒瘦弱的身子上纏滿了紗布，特別是腰間的部份，

那一晚、刀手在鐵打酒的腰間留下了重創，幸好我及時出現才挽回一命，

但另一方面、這次的後遺症對鐵打酒的傷害很大，因為醫生說他不能再作劇烈運動，

因為刀子插進去時，剛好把肺部也穿了一個大洞，

以後走路也不能操之過急，這代表他在黑道中的生涯也告一般落。

「波哥，咳咳。」

我輕輕拍了一拍他的背部，示意他慢慢來，

「波哥，我真係無鬼用，掉哂你既架。」

我笑了一笑，然後搖一搖頭，

「點會呀，你好猛架ｗｏ；個次我同龍仁比人圍，你都有份幫拖。」

想起上次我與龍仁在街頭展開格鬥，但是卻被『盛聯』傻狗等人伏擊，

全靠鐵打酒與豬油榚兩人，才能及時『班馬』回來支援，

否則那一記陰險的刀，已經抹殺了我的生命之火。

「唉．．．我知自己事．．．．」

看見鐵打酒失望的神情，想必他已經知道自己的情況，

失去了體能，又怎可以在黑道中混下去呢？

「唔洗咁頹，你仍然係我既頭馬。」

「但係我以後行下路都可能收皮，又點再幫到波哥你．．．」

這時我走到了窗邊，打開了窗簾，

和暖的陽光照射到我的面上，我再回答鐵打酒的煩惱，

「我遲ｄ會開幾間卡啦ｏｋ同埋桑拿，你幫手打骰咪幫到我。」





鐵打酒聽到後有點喜出望外，想不到還有這等優差，

「波哥你擴展業務呀？咁疊水既。」

「ｄ錢唔係我既，係強哥打本比我，佢想我個形象好小小；

我諗過又係既，唔通成世人靠打咩，我都係時候做下成熟既事；

遲ｄ出黎同人傾數個時，始終都係有個錢會順利好多。」

鐵打酒一邊聽一邊點頭，應該是很認同我的說話，

「所以你唔洗愁啦，打唔到交咪幫我渣住盤數，靠哂你架啦。」

這時鐵打酒的眼也紅了起來，似乎對我的舉動很是感欣，

「人地話十個古惑仔，九個衰到底，之前我係『東英』個邊，

我真係信到十足十；但跟左波哥你之後，我發覺咩先叫做一個好大佬。」

這時我調皮地打了他的額頭一下，然後便大笑，

「大家麻甩佬，唔洗咁嘔心，總之一日有我凌成波，就有你鐵打酒，ｏｋ？」

鐵打酒之前是『東英』的人，大概在兩年前他過來了『華興』，

雖然他在手下群中不太突出，但是他卻很任勞任怨，

所以我還是對他很有印象，特別是他經常與豬油出雙入對，

這更加使我常常留意他，畢竟身為他們的『大佬』、也是需要注視手下的動向。

離開醫院後，電話突然響起來，

看看電話號碼，正正便是我想起的豬油，

「點呀，豬油。」

「波．．波哥．．．」

聲音有點沙啞，難道是發生了什麼事情！？

「我岩岩比人執左一劑．．咳．．」

「你係邊，我即刻過黎。」




到達九龍塘的一間餐廳後，我看見有眾多警察在外面駐守著，

從透明的玻璃窗，我可以看見豬油鮮血滿面的模樣，

我正想走出去時，數名警察馬上作出阻攔，

「呢度封鎖左現埸，唔比入。」

「我係佢朋友，咁入得啦掛！？」

這時一把聲音從餐廳內響起，命令外面的警察放我入內，

「放佢入黎。」

「ｙｅｓ，ｓｉｒ！」

進去之後，我看見有救護員替豬油止血，

「波．．波哥．．」

「無事呀嘛。」

「緊有事啦，好大件事呀。」

說話的不是豬油，而是一名警察，

但我看到他肩膀上的『花粒』後，便知道他應該是高級的警務人員。

（呢條友既花同周武傑一樣，唔通佢係．．．．．．）

「波哥，『華興』虎旗紅棍王，無錯呀嘛？」

他說話時眼神緊緊注視著我，神情也囂張得很，

「阿ｓｉｒ，我唔知你講乜．」

他把食指舉起，然後左右搖擺，

「你以為唔認就得？你既ｆｉｌｅ多到不知幾厚。」

（呢條友寸到．．．．．．）

「阿ｓｉｒ，係有料既就拉我番去，唔好係度單打我。

總之我係收到朋友電話，所以趕黎睇下咩事。」

他聽後沒有太大反應，卻露出一個冷漠的神色，

「你想知道咩事呀嘛，我就同你講；

岩岩呢個肥仔同『東英』個大ｄ開拖，大ｄ就比我拉走左，

而家你條靚就係度止緊血，明哂未！？」

（待續）

[ 本帖最後由 ~傳說中的傻仔︻ 於 11-7-17 10:52 PM 編輯 ]

pk9000

個阿sir好寸=.=找人打獲金比矩

[ 本帖最後由 pk9000 於 11-7-15 06:34 PM 編輯 ]

女商之領導者

個阿sir係咩料子=0=?

~傳說中的傻仔︻

係程凰...唔知大家有無印象

pk9000

下..有呢個人出現過ma??沒有印象

~傳說中的傻仔︻

原帖由 pk9000 於 11-7-16 05:50 PM 發表
下..有呢個人出現過ma??沒有印象

你可以睇番周武傑外傳-0-       入面有呢個人係度

凸唯而出

摩打哥禁就走左

NotsWater

摩打哥第日搵佢大佬，佢大佬一見波哥，馬上打柒個摩打

~傳說中的傻仔︻

第十二話：去馬


「程ｓｉｒ．．．你講得咁明，我又仲點會傻更更呀？」

對於我能說出他的姓氏，他卻沒有太大反應，

只因為上次我看電視時，早已看見過這人的面孔，

「收到就好，而家我要帶佢番去落口供，收唔收到？」

說畢他便喚數名手下過來，準備把豬油帶走，

「阿ｓｉｒ，你唔係管香港島既咩，呢度新界黎ｗｏ。」

程凰笑了一笑，並沒有理會我的說話，

轉身離去時亦順便拋下一句說話，

「上頭扎左我職，而家我應該騎住周武傑，咁你自己諗下我點解會可以黎呢到渣ｆｉｔ。」

他乘上警車之後，向我擺出一個敬禮的手勢，

這是表達禮拜、還是充滿著挑釁的意味！？

但令我憤怒的並不是程凰，而是那名『東英』的大Ｄ，

（上次差小小就比你攪正，今次你攪埋我Ｄ靚，呢單野我實有排同你跟。）

我不禁緊握拳頭，似乎早已把『東英』與『華興』合作的盟約拋諸腦後，

我立刻拿出電話，並致電給王子；

「喂，王子」

「波哥，咩料？」

「你同我叫幾個手足跟一跟大Ｄ，佢一出臭格之後就ＣＡＬＬ我。」

「臭格，發生咩事！？」

「番酒吧，我再同你講。」

關掉電話之後，我心中亦已經作好一連寸的打算，

（『東英』八掌舵？你即係當我地『華興』四旗無料到，我遲早就要你擺橫！！）





酒吧之內，我微微舉起一個酒杯，

光線在濃濃的酒內反射，使我看見酒杯內的影像，

是那麼朦朧、是那麼捉不住，就像我現在的心情，

作好幹掉大Ｄ的決定後，我還是有點猶豫不決，

因為對方畢竟是『東英』要員，我倆『牌頭』也有合作的基礎，

若果忽然攻擊對方，後果似乎很難想像。

「波哥。」

王子剛好進來，他還是那麼的斯文，

「王子，我想收大Ｄ皮。」

王子聽後露出錯愕的表情，然後馬上追問，

「究竟發生咩事！？」

我把豬油的事情向他解釋，更把鐵打酒的積怨與我的憤怒一併訴說，

王子邊聽邊點頭，應該是在想什麼方法吧。

「波哥，其實我都讚成你攪攪大Ｄ．．．．．．」

想不到理性的王子也會讚成我，這是我意料之外的事情，

只因為我為人較為感性，在處理大事上可能容易出現過失，

但是王子的腦袋比我好，總是能及時提出方案的缺點，

可是、今次我自己也會知道這此的行動帶來後果可大可小，

我還以為王子會有另一番見解，但萬萬想不到他也會讚同我的舉動。

「王子，我仲以為你．．．．．．」

他拍拍我的肩膀，然後推一推自己的眼鏡，

「因為強哥呢期都唔妥『東英』。」





（強哥都．．．．．．？）

聽到這句說話之後，我立刻集中精神聽下去，

「我地同『東英』合作之後，對家成日借意係度攪埋強哥Ｄ生意，

好似地產，物流等等，強哥已經黑哂面；

而且收到風，有次ＴＥＲＲＹ哥直情比人寸，

話『華興』四旗根本就係埸大龍鳳，無料扮大袋；

而家又到波哥你比人攪，睇黎合作壇野都好難玩落去。」

我搖一搖酒杯，然後閉上眼睛沉思數秒，

「ＯＫ，既然王子你都咁講，呢壇野我就去馬。」

「ＧＯＯＤ，咁我去打點下先，順便叫浩飛做好準備。」

王子說罷便離開酒吧，而聽到王子說話後的我早已充滿鬥心，

（既然強哥都唔ＬＩＫＥ『東英』，我就黎個順手抄起『東英』個格屎！）

自豬油放出來之後，這星期我都暗中派人留意大Ｄ的舉動，

為的是找到他防守最弱的時候，特別是對付這樣的老江湖，

而這一天，我等到了！

傍晚時份，我剛好找強哥洽談生意的事情，

才剛剛回到深水步，就已經聽到豬油的叫聲，

「波哥！」

我立刻下車並走過去，然後問他什麼事情，

「波哥，收到風話大Ｄ而家單拖一條友飲野，就係銅鑼灣咋！」

「條友咁撚沙ＰＯＰ！？仲夠彊一條友浦頭！？」

「係．．係呀．．．」

眼見豬油似乎有點欲言又止，我立時便察覺出來。

「係唔係仲想野想講。」

豬油深深呼吸一口氣之後，便繼續說下去，

「係就係見到大Ｄ，只不過仲見到某Ｄ人．．．．．．」

「講啦！」







這時我已經一邊走向拳館，一邊脫開西裝的外套，

「係『盛聯』既阿ＭＡＮ．．．．．．」

聽到之後我馬上站停，然後再問一次豬油，

「你話見到阿ＭＡＮ！？」

「係．．係呀．．．」

這時我已經走到拳館之內，我一下子便向著沙包發出一下直拳，

「砰！！！」

這一拳並不是憤怒，而是興奮，

「ＧＯＯＤ，今晚可以一次攪正兩個仆街仔！」

這是能幹掉仇人的興奮，出拳便是宣洩我興奮的舉動！

「但．．但係怕唔怕佢地疊馬．．．」

「屌，豬油你唔好咁淆底，上次壇野比大Ｄ開你拖我已經忍唔到；

而定收到風佢地得布二友，今次你仲要話人地疊馬？

出得黎行，就唔好下下都淆底啦！」

我順便責怪一下豬油，畢竟他也是屬於膽小的一群，

但豬油還是有點扭捏，我再想出言罵他之時，

「波哥！！三十個手足ＲＥＡＤＹ哂！！」

原來是浩飛與王子，眼見他們換上輕便的衣服，

應該是準備好隨我出行，我也剛好完成換裝。

「ＧＯＯＤ，行得！！」

這時看見豬油沉思的樣子，我也看不過眼他的性格，

「豬油，你唔洗去啦，幫我地ＢＯＯＫ定房慶祝！！」

然後我便與浩飛等人走出拳館，興奮的心情充斥著我的腦袋，

整個腦袋也是幹掉對方的念頭，整個腦袋再裝不下額外的東西，

這使我剛才也聽漏了豬油最後的說話：「波哥，個度好似仲有幾個大圈仔．．．．．．」

大Ｄ身旁還有數個大圈仔，這代表了什麼？

（待續）

~傳說中的傻仔︻

因為小弟聽日唔得閒　　　　　所以提早一日更新

下次更新就要去到星期五　　　　　請多多支持

tommy1512

thchan96

波哥係呢d時候通常會俾人伏

NotsWater

唔怕，波哥比人伏個時戰神上身咪得囉