同左女朋友一齊,又會掛住另一個

生抽小子

講下背境先, 我就差唔多二十歲, 未拍過拖, 但係始終會有鐘意人地的一日

有一個女仔,我叫佢做A啦,
其實我同佢一路都好好朋友, 識左5年架喇,
係後期先慢慢中意佢, 因為覺得佢人品好好, 外表又靚, 所以決定追佢,
其實佢初初都幾受落,
慢慢我地開始暖味, 即係大家會話掛住對方呀, 打D心心符號呀, 會傾幾個鐘電話咁, (其實好多都係佢主動, 因為佢有經驗過我好多)
兩個人出街睇戲都試過五六次,
但係我真係好好好怕羞, 一路都唔敢有進一步表示

但之後問題黎啦,
佢番學果度有人開始對佢好好, 日日都會搵佢SMS, 初初佢話唔想理佢,
我果陣又咩經驗都冇唔知應該點, 我表現到冇聽過咁(但其實我不知幾著緊),
因為覺得佢係好女仔, 我又唔係佢男朋友冇資格出聲, 我真係對佢真係百分之一百咁真,
果陣完全唔識點用D咩手段去留住佢 (ps. 我係傻到怕煩到佢果陣係幾日先傾一陣電話),
結果當我呢個一路以為大家都鐘意對方的傻仔去表白就衰左,
果陣佢冇好堅決咁拒絕, 就咁話慣左做朋友,
但係我成個人都崩潰左, 完全唔知點做好, 就做左好多佢覺得煩的野咁, 最後朋友都冇得做

咁之後好彩一路都有另一個女仔陪住我,
我其實初初有小小當佢水泡, 但之後慢慢覺得岩都一齊左,
大家都係初戀, 我地依家相處得好好, 晚晚起碼會傾一個鐘電話, 日日成百個SMS,
因為我識得點去keep好一段感情, 我會識得放低要做的野抽時間去陪佢,
同埋睇得出佢都好關心我, 我對佢好信任好放心, 大家相處得好舒服開心

但係問題係識左咁耐邊可以話放低就放低丫, 有時覺得佢始終冇A咁好,
就算佢做左好多野, 有時都會覺得未夠差D咁, 可能得唔到的野係美好的,
但我好理性咁話自己知要珍惜眼前人, 我份人都好知足, 有依家呢個女朋友都好滿意,
我唔會因為淡左就隨便分手, 但係心入面又好矛盾, 唔知點做好, 大家俾D意見我丫

惡魔O獵人

你同A個故事 有D似我之前咁= =
都係傻下傻下 傻到以為大家有feel 之後無fd做 中要睇住佢同第2個一齊幾開心咁

回題~
算啦 A小姐 對你都係無感覺既moment, 佢無A咁好 咪叫佢改
魚其等個無可能會對你有feel既人 不如同佢一齊啦 (小心連B小姐都無埋)

敏敏特穆爾

樓主真係要珍惜眼前人

其實你都無謂再諗A
可能當初A都只係當你水泡
打發下時間
如果A係鐘意你
就一早受左你拉

既然人地都當你觀音兵水泡
你仲諗尼做咩

金夕雨

我最鐘意A果D女,做埋愛都話只係朋友

生抽小子

但問題係我識左A五年喇
真係好重視呢個朋友
一路覺得佢人品都冇問題
唉, 真係當局者迷

zizi310

唔知點講，有時我都會咁。不過會明白會過去的。

生抽小子

你係好似我咁定個女仔咁呀?

☆睡藍〥

原帖由 生抽小子 於 11-5-31 12:34 AM 發表
講下背境先, 我就差唔多二十歲, 未拍過拖, 但係始終會有鐘意人地的一日

有一個女仔,我叫佢做A啦,
其實我同佢一路都好好朋友, 識左5年架喇,
係後期先慢慢中意佢, 因為覺得佢人品好好, 外表又靚 ...

相信而家既人都係咁,未放低另一段戀情

就用另一段戀情沖淡佢,好多人都係咁,包括我在內 ..

結果就大家都知 ..

假如你現任女友令你忘記A君,咁就一定你好鐘意你現任

當你現任拋棄你果陣,你就會諗 ..我當初為你放低乜乜乜,幾愛幾鐘意你 ..

到時只會自己更煩,所以我覺得未放低一段戀情,不要用另一段戀情沖淡佢

時間可沖淡一切,因為當事人永遠都係自己話好清醒,但其實係最迷果個 ..(唔排除有人真係好醒!)

但係如果可以既話,我建議先由朋友慢慢做出黎.

你有冇諗過個女仔係因為某D事先咁同你講?(唔係叫你複雜化,係叫你代入角色)

愛情呢樣野真係每人都必需經過,考驗 ..人先會成長!

但千萬別鑽牛角尖,如果唔係會兩敗俱傷,百害而無一利,何必呢?

生抽小子

原帖由 ☆睡藍〥 於 11-6-1 09:50 PM 發表

但係如果可以既話,我建議先由朋友慢慢做出黎.

你有冇諗過個女仔係因為某D事先咁同你講?(唔係叫你複雜化,係叫你代入角色)

愛情呢樣野真係每人都必需經過,考驗 ..人先會成長!

但千萬別鑽牛角尖,如果唔係會兩敗俱傷,百害而無一利,何必呢?

sorry ar, 我唔明"先由朋友慢慢做出黎"你想指咩野
同A做番朋友先??

A果陣咁同我講應該係因為有第二個追緊佢, 拒絕左我之後隔左一個月左右就同人地一齊左
但係佢地好似成日都會嘈交唔開心咁, 就係咁就搞到我更加心神不定會諗番佢

蜜棗

原帖由 生抽小子 於 11-6-1 10:06 PM 發表



sorry ar, 我唔明"先由朋友慢慢做出黎"你想指咩野
同A做番朋友先??

A果陣咁同我講應該係因為有第二個追緊佢, 拒絕左我之後隔左一個月左右就同人地一齊左
但係佢地好似成日都會嘈交唔開心咁 ...

其實樓主你仲咁留意A小姐, 點解當初要同B小姐一齊呢?
男女朋友唔係話一有就要做情侶, 熟朋友同愛依兩種感情係好相似, 樓主要懂得分辨~
或者樓主可以先問自己, 對B小姐係真心定係熟朋友, 再去認清A小姐是否對你無意(不過千萬不要係佢傷心既時候問, 因為好易被當水泡 ), 加上現在你同B小姐一齊, 應該先理會B小姐既感受~

小小意見..只作參考

吞食貝貝

到你甩左呢個女友...可能你又會後悔
過去既事吾好成為將來既阻礙...要成為經驗,教訓
講好易做好難...樓主加油吧
你而家其實係好幸福,不過好在你自己都知道

生抽小子

嗯
我大致都明白啦
有user講得好岩, 有咩唔滿意咪同依家個女朋友講叫佢改
反正我又唔係貪外表果D男仔
再係咁始終對依家個女朋友好唔公平

傻少乂培

你同b個條女相處耐d你就會明嫁喇.'

生抽小子

原帖由 傻少乂培 於 11-6-15 06:09 PM 發表
你同b個條女相處耐d你就會明嫁喇.'

會明白D咩呀??

ooopouooo

樓主其實你對A應該只系好感
覺得佢咩都好
但系你唔一定系真心中意佢
而且愛情咧樣野沒話咩佢條件好D我就一定要中意佢
希望你唔好比較
因為好多野只系我地嘅感覺
你開心佢又開心咪得囖
其實你唔應該去比較
咁樣只系自尋煩惱
對大家都唔好
而且你既然同B起埋一齊
咁就唔應該再捻A啦
而且即使你同B分手
咁又點？
A會中意你？
之前搞到大家都沒fd做我覺得其實你再次成功嘅機會都幾微
B佢對你真心
我覺得你終有一日會發現自己當初真系沒揀錯
你地會好幸福
雖然A佢同宜家嘅男朋友日日嘈
不過可能人地系咁相處咧？(有時嘈左先知道大家心入面捻咩)
而且你都唔應該亦都沒權去干涉人地嘅野啦
所以樓主識得珍惜系啱嘅
不過你就唔好再捻咁多啦
捻多沒益啊
與其捻咁多A
不如捻下點同B繼續好好相處啦
有機會嘅話唔埋可以過世tim喔

索既女囝

咁wh0係你女朋友

gn00127187

你如果想同人地一齊...你就要以你果個身份,果個角度諗...

wing_01233

真係要珍惜眼前人

★飯團仔★

一切一切都是時間
好快A會有另一個
你亦都會更投入呢段感情
你要明白 你依家想要的 同你可以要的分別
唔好太沉迷係呢個困局之中
好快就斷 努力去愛。