炎炎夏日的最佳消暑方法，浸大咪神 Carol（楊梓瑤）極力推薦吃西瓜，但講到去沙灘游水和曬太陽， Carol 直言興趣不大，她說：「實不相瞞呀，我係唔識游水，基本上喺香港除咗工作之外，入咗行連沙灘同朋友啲船 P都唔會去，費事累人喇！」
承受冷言冷語 事實上不但是船 P， Carol 甚至乎同學間的活動也甚少參與，雖然同學都是明白事理的人，不過 Carol 入行至今是非不少，未免惹來閒言閒語，她說：「其實冷言冷語一定有，尤其喺書展嗰段時間，當時嘅爆炸力好大，唔開心一定會有，不過我已經唔記得晒，淨係記得啲支持我嘅說話。」
Carol 續說：「事實上模特兒係好正常嘅職業，着泳衣唔係負面嘢，唔需要受任何歧視，亦唔需要用有色眼鏡去睇，跟住我決定要 upgrade自己，我要話畀人聽，我係有身材，亦可以做到其他嘢，要令佢哋跌晒眼鏡。」
發表於 11-6-18 12:47 PM
