關於『如果與AKB1/48 偶像在關島戀愛…』

~LO~

大家好 , 我是一名15歲的男生。其實我之前都已經想買『如果與AKB1/48 偶像戀愛…』, 但因為怕俾啊媽罵 , 所以冇買到。今次知道有新一隻 , 所以好想買。但我真係好驚啊媽唔俾。我驚的是呢隻係戀愛遊戲 , AKB佢地又有著泳裝 , 所以我驚啊媽唔俾買 , 話我唔正經 , 嚴重的話可能對AKB印象會差左。其實我平時買AKB的CD/精品都係啊媽俾主錢先 , 之後我先還。如果我成績好的話 , 佢會唔洗我俾錢 , 因此我認為我啊媽都唔係好唔中意AKB。但今次我真係唔知點做 , 我又想買隻game , 但又驚佢以後唔俾錢我買野 , 更影響佢對AKB的印象。大家可否俾D意見我?

ppufo007

首要問題係...佢會唔會睇住你打機先？=.=
如果佢只係睇你買埋的話...你大可放心啦...
你叫人買返黎之後...即迄拎走入面的野收埋佢先咪得囉=.=
之後佢真係睇住你打的話...你咪即時轉其他game扮玩緊囉=.=
要騙呀ma唔係一件難事...但我首先都要清楚你的情況先能俾到更好意見

雙子座的我

問題係你15碎點解仲要丫媽前丫媽後?
其實你15碎人可唔可以獨立一下?我角得你仲係要丫媽呢樣果樣會唔會過份左D?
姐係你覺得無問題點解你要怕你丫媽唔鍾意?
仲有!咩叫"其實我平時買AKB的CD/精品都係啊媽俾主錢先 , 之後我先還。如果我成績好的話 , 佢會唔洗我俾錢"
呢個係交換條件?
我真係角得你一個15碎既男仔唔應該咁囉

佐藤雅史

可唔可以解釋下因乜事因為係戀愛遊戲而驚俾阿媽鬧?
因為泳裝而鬧我可以理解, 但唔明以上呢點.

如果只係泳裝過唔到阿媽o個關, 玩番第一輯啦.

sIu塱

樓主,,我都係15歲=D
看來我比你幸福了@@
我全家都知我中意akb-_-
都見到佢d水著,都無野,,
15歲人仔好正常-_-有呢d野,,
看來你屋企人太保守了

ufo00000566

好簡單
我既情況亦都係一樣 不過我比樓主大小小 我19
我明白你既情況
一般啊媽對於日本文化 都係抱住賣肉 d女仔一模一樣既心態
做啊媽既當然想保護仔女 可能你阿媽唔明白akb係咩野
如果你解釋過之後 佢都係唔鍾意 我勸樓主大個小小 等有經濟能力先追akb既產品
因為買akb既野 真係要好多銀彈

而你話買隻game 如果你真係好想要 你又夠錢可以偷偷地買既 咁你咪買囉
你話唔係既 我唔夠錢要啊媽比 咁你當然要交換條件 e.g.讀書
咁當然首要你都係同啊媽解釋番你玩呢隻game係遊戲 如果你啊媽都係唔明 只鍾意 你都係唔好買啦..

回一回#3
我唔認同你既觀點
就係因為佢15碎 咩經濟能力都冇 所以先要啊媽比錢
而佢唯一既籌碼就係讀書 而佢啊媽亦都作番相應既行動 就係唔洗佢比錢買
從樓主打既野 我相信佢仲係一個學生
而你雖然亦都可以話佢可以出黎做暑期工之類

但係我相信佢啊媽唔會同唔洗佢出黎做暑期工
仲有父母係一家人 唔洗理屋企人既感受 咁叫咩屋企?
如果咩都自把自為 做完先講 咁我相信家人關係一定好差

我亦都唔想係呢個話題講太多 畢竟都係離題


樓主你真係想買既 就睇下自己有冇經濟能力再決定
如果你冇錢但係又好想買 你同啊媽坐低傾下啦
我相信你啊媽會讓步

祝樓主買到啦

PinKBuBu-no3b

15歲要獨立了!!!!
加上中意idol同個idol著水著唔代表學壞同衰囉
你求下阿媽.唔好咁串唔好咁惡.實比既
btw.呢個價格15歲好難負擔得起..
量力而為啦樓主

~LO~

原帖由 ufo00000566 於 11-7-12 11:02 PM 發表
好簡單
我既情況亦都係一樣 不過我比樓主大小小 我19
我明白你既情況
一般啊媽對於日本文化 都係抱住賣肉 d女仔一模一樣既心態
做啊媽既當然想保護仔女 可能你阿媽唔明白akb係咩野
如果你解釋過之後 佢都係唔鍾 ...

好多謝你呀! 我會同我啊媽傾下。
另外我想解釋一下  '如果我成績好的話 , 佢會唔洗我俾錢 , 因此我認為我啊媽都唔係好唔中意AKB'。我意思係在一般情況下我都要俾錢 , 只係如果我成績好 , 佢會送俾我 , 因為佢都想我開心 , 而唔係作交換條件。
同埋我好同意樓上的說法 , 大家係一家人 , 如果我每次都自把自為 , 不理會家人 , 會令大家的關係破裂。我知道15歲應該要獨立D , 但我認為就算幾大都好 , 我都不可以自私 , 只是為自己 , 完全不理會其他人的感受。
如有得罪 , 請見諒。

旭晒戈

相對上一隻，呢隻續集好似幾衰咁！！！

賣肉程度相當嚴重。

如果我 15歲的話，我都不太希望家人知道我玩這隻 game

多問一句，你一家是否有宗教信仰？

tom19961113

我也是15歲,但我家人也不會太控制我的金錢運用,以佢地見我用太多錢去買AKB的一樣野(e.g PV集)先叫下我不要用大多,所以我也盡量不要用一千以上。
其實你家人也希望你不要用太多錢去買,因為d錢也是為你末來有需要用的,所以不要用太多。
P.S:隻Game真係貴,請三思後再買

[ 本帖最後由 tom19961113 於 11-7-12 11:47 PM 編輯 ]

cleungcy

我睇標題入左黎...好認真同沈寂0既氣氛.....
你媽唔會反感掛...?唔通如果你追香港明星佢就無意見咩= =?
講真學樓上brother講~儲akb相關產品都要好多錢~
以你未有經濟能力梗係俾心機讀書用成績換啦~
再唔係隻game10月先出~你搵暑期工賺錢買囉~~

隻game本身全日文(雖則可以3選1),要理解曬都有d難度,
在於企阿媽過邊梗係玩第一集啦~個人我就實推今集啦~
畢竟對水著無免疫.....

tom19961113

未夠16歲唔做得工作的說

雙子座的我

首先我無講過話要先斬後奏
而係我指出你認為樓主你認為無問題既事點解唔可以當當正正同丫媽講呢
相反樓主作為一個15碎既人應該為自己所認同既事同屋企人講清楚
同如#6所講'同啊媽坐低傾下啦'
另外我雖然唔認同讀書唔係籌碼
但係資本主義社會絕對成立

sIu塱

不是15歲可以了嗎'0'?
我e+15歲都搵緊暑期工
等緊消息(等消息多數都唔請架拉-,-)

麟=)

有時父母古板真係好麻煩...

你睇下你父母係點囉.. 如果你覺得有小小開通.. 你都可以介紹akb48比佢地了解..

如果真係好古板d 你真係唔好買啦... 唔係以後覺得你為左一堆咁既女子組合而晒呢d錢 對佢地偏見仲深...

又或者一隻umd.. 買完收埋其實唔比父母知都唔係難事..

cleungcy

我過左16歲太耐.....唔知唔做得暑假工   Orz
講真怕俾阿媽罵呢樣野真係見人見至....
玩呢d戀愛遊戲~~就算個女角穿水著都係遊戲黎0既姐~唔洗太認真
唔通你怕俾阿媽罵你打機~~你就真係一世唔打機咩~
香港小姐都有泳裝環節~唔同你媽會轉台咩~think about it~

sIu塱

老實個句
e+2011年
屋企人真係思想要開放少少
唔係90年代了,,
有d水著就唔比玩個d
如果真係仲咁保守
真係有d難溝通2母子

abcdc7

無辦法la.....關島位處於赤道....絕大部份時間都係相當熱....再加上陽光與海灘....無可能唔進行水上活動

樓主你可以嘗試用學術性角度解釋點解咁多泳衣shot

fate小霖

冇咩問題 我第一次果時比呀爸問我點解個桌面咁多女仔...我話佢地係AKB 雖然係SKE XDD

satricky

首先隻game以你阿媽的角度來說已經不正經。這隻game的宣傳其實好勁，找個熟少少的都知道是戀愛遊戲。
可能在俾錢的時候，你阿媽會見到隻game的內容。

隻game的售價在一般psp game 來說已經偏高，我倒反而認為水著泳衣不是問題。
因為水著泳衣不算是唔正經，因為港姐年年都有水著泳衣的環節。
樓主可以先同你阿媽講下隻game先，然後去買。反正仲有幾個月時間。