【出發前準備】 首先出發前必先有一套隱陣既冰抗裝最少30%(戒指2隻 & 腰帶) 身為武者有一個優勢就係【自然體悟】令到本身已經有15%全屬抗性 有錢既,可以全身開洞上【天河石(冰抗石)】 一般坦最少有55%、打手等30%就OK 【出發陣容】 我通常出團係 2陰陽、1補師、1刺客、1武者(我自己) 優點:陰陽係打4王個邊會幫手拉分身、2個方便互相復活;刺客可以係3王幫手暈 缺點:陰陽會係裝備上的相沖、出發前最好傾惦裝備分配 【外話:寵物介紹】 哩2隻係我依家既寵物,一隻用黎打怪一隻用黎融合 依家努力搵緊一隻+HP既番黎融合,咁就完美喇^_^ 【出發前路線介紹】 路線係開頭有分叉,其他大多數都無問題 係懶人唔可以一點地圖就到目的地 因為會成日卡係D轉角位個到XD,其他沒咩好提
【副本中要注意的怪】 一般小怪都無咩威脅,唯獨哩隻【雀】,一唔小心就會出事嫁喇!!
【1王】 哩隻王係最易打既,無咩特別要注意,做番應該做既野就過 王寵係一隻加HP、防禦、力量寵,對我都係一隻唔錯既選擇。
【2王】 哩隻王係第2難打既王,佢會不停落冰,淨係睇佢個陣容就怕怕, 同埋對我黎講都係好難拉既王,因為佢成日出反彈,攪到無咩時間打佢=3= 小怪通常由打手KO,但打手死左就要幫手拉住同埋打小怪, 要長期抱住補師係隊中既支柱哩個信念 【3王】 哩隻王係最難打既,通常做坦同打手既就會幾辛苦 因為一俾佢咬住就會好忙碌,要左行右行(禁到手指痛= =) 雖然明知閃到佢D技就無事,但都唔係易事 事關行個方面唔係咁順暢,所以佢未出到你就要行定先-.- 打哩隻好似心臟病發,因為會打到好緊張..吼~~
【4王】 哩隻王只要陰陽拉分身拉得好,就好快攪惦, 見到【青光】請唔好企近王,如圖佢會好似個颱風咁原地轉 佢最痛就係哩招,其他無咩好怕佢! 不過記得清左旁邊條路俾陰陽有路拖分身
有好多人話唔知點分分身同正身,你只要睇佢【掉寶】 分身就無掉寶,正身就有 另外正身同分身既技都唔同,分身係唔會有青光自轉個招嫁^^ 【其他分享】 打副本一定要注意,當自己死左番左副本出面,而人地又打緊王既時候千萬 唔好係一半血以下入副本,可能哩個係BUG,王會回血,無論你係王旁邊。 哩個係最近發現既,因為以前自己都試過明明打緊王又唔係行到好遠, 點解會自己回血呢,原來因為哩個原因= = 另外所有王都會有隨機屬性,例如:25%防禦、反彈、25%HP等等, 如果想要一隻自己中意既,歡迎重置你既副本XD 【結語】 哩個副本大家要好小心呀,一不小心就要走一段好長既路,真係唔好受= = 【小妹對武者既感受】 武者係一個唔拖唔水既職業,係哩個副本有4套[力士/武者]既裝, 真係好難打呀,依家只係齊左一套咋>_< 坦職可能對某些人來說唔太重要,講真我都睇唔出佢個重點走向 但我相信所有職業都會有佢既出頭天,仲係唔拖唔水既武者(我),唔好放棄呀!!
每人都有唔同既走向,只要自己玩得開心咪得囉^^ ________________________________________________________________________________ **以上都係本人既個人意思及想法,如有不滿意既地方,請多多見諒,不喜勿插,謝謝** **如有任何錯誤的地方/個人既感受,歡迎提出你既意見**
[ 本帖最後由 磨菇菇 於 11-8-10 09:04 AM 編輯 ] |