香港大部份人玩唔到
THEN又冇VPN教學
事關本人住在日本,不需要什麼VPN..
所以係冇咩香港人既情況底下,我同戀儿都加入左中國團
入面大部份為廣東人...都唔錯的
玩唔到既,唔緊要,相信總有一日,你會有破解既方法
目前應該只要用VPN連去日本,再加WINDOWS轉埋日文,咁就可以玩
真係玩唔到既,我唯有送上我遊玩既圖比大家做分享
玩呢隻GAME的確要有3樣野:精神,耐性,技術
缺一不可..
38LV封頂,立即影低先:
戀儿,成日要我等你.你真係升得太慢了 :
神呀0.0:
我地既大家庭公會:
你鍾意沙漠?海洋與陽光?定森林?
風景圖:
圖就分享完..接下來我講總點了
種族:
其實我覺得後期影響不大,自己鍾意邊隻玩邊隻,D種族被動技同主動技.
邊幾隻要留意,我會講一講
首先就係巴拉卡(巨人)
佢有一招係回滿自己100%血,不過CD2小時
假如一隻血騎,佢招技未用既話,都幾甘...
第2就係波波力(熊貓人)同艾莉(免女)既被動技,
游泳速度提高50％,我個人覺得唔錯既被動技
因為戰場好多都有水池
各職之我見:基本上所有職都要有3樣野
技術-精神-耐性
劍鬥士(拎兩把雙刀):
呢隻職業係我最想講...首先玩劍鬥技術層面要好夠,除非你玩過韓服+自問自己係控制技術已經係大師級,否則我係絕對反對你選擇
有技術既劍鬥,絕對可以話係各職PK冠軍,冇技術既劍鬥,其實係8隻職之中最廢果隻,個差距可以好大
所以選擇劍鬥既人,唔該自己諗清楚自己既控制技術去到邊度,否則你只會有2個下場:DEL角重升/DEL GAME
毫無疑問劍鬥係近戰職之中最難玩...最講技巧,最講耐性同埋花最多精神既職業....
題外話:
(戀儿就是最好的例子
相信佢已經比我恰到佢想DEL角重升了)
槍騎士:
個人認為槍騎士,係近戰之中比較易上手既一隻,因為防高,唯一注意既係不論打副本/打王,都要識走位/閃技/
幾時舉盾/幾時吸仇恨,呢D野一定要清楚,咁你已經係一隻好成功既槍騎...
狂戰士:
近戰職業最高攻,拎斧,不過有一點注意係攻擊速度係極慢,冇錯,係極慢
近戰職之中,呢隻係算近戰第二難玩,因為如果你唔識預測隻怪/PK對手下一步點走,你既技能/攻擊就會砍空氣
假如你抓心理,抓人位有一手既話,我會推薦你玩狂戰士
屠殺者 :
拎雙手劍(巨劍)的近戰戰士..我個人自己感覺呢隻職係4隻職之中最平均,攻擊唔夠狂戰高,速度唔夠劍鬥快,防唔夠槍騎硬
,,不過係真係好有型
唔打得都睇得?
弓箭手 :
我玩緊既職業///遠距離攻擊輸出職業...同樣屬於操作技巧上要好夠...因為弓手本身移速係勁慢,假如你冇技術,唔識有效咁拉怪/拉人/放陷阱
你只有等死,同埋PK,就等同玩CS,HP呢D槍 GAME,要講準繩度...下下射唔中既話,你等比人殺
如果玩槍GAME勁既高手,可以試下玩弓箭手
魔導師:
遠程魔攻輸出職業,呢隻我唔多講,因為好普通,當然有技術就勁,冇技術就唔勁,例牌
另外一題就係魔師係好脆皮,相信玩過其他GAME有用過法師都會知道,唔講廢話
大祭司 :
我同戀儿都認為係最難玩既職業,佢係一隻補師,但係點解咁難玩??
大家相信會諗到,無錯,佢補血係需要描準人黎補血,範圈技拋出去果下都要好準
描唔準=補唔到人血
需要有弓手既準確,大斧既判斷力,
假如冇既話,你隻補師=垃圾,補唔到人血,又冇輸出
同組既人都相信會個個問你做咩唔補血之類果D
基本上呢隻補師係比自認覺得自己玩補系職業有技術既人士挑戰下
如果唔係,我都係反對你地玩呢隻職,因為呢隻GAME有2種補師,覺得自己玩補師技術差既,可以玩另外一種(元素師)
元素師:
一隻相對簡單既補師.......可以用技拋個球出黎比人汁...補血/補MP都得
相信會岩一D女玩家/補師系技術比較差既人用既職業
另外一題元素師係有一隻召喚獸,大約有3種,攻擊,防,輔助
1隻會幫你攻擊人,1隻會幫你擋怪,1隻會幫你補血
大約係咁....
完
[ 本帖最後由 OGC-離棄方兒 於 11-8-12 08:14 AM 編輯 ] |
發表於 11-8-12 07:42 AM
