SCANDAL Asia Tour 2011 Baby Action文字報告

P.K.~

Scandal Tour已經完左
我盡量將自己記得既寫低分享

7點鍾鬆D入到場，已經非常多人
一直等等等
入面唔俾影相，就算開SHOW前都唔得，俾個阿姐鬧
呢張係偷影



工作人員係度setting，跟住又有煙霧效果
8點鍾過D
終於出場喇!!今次佢地係著白色



全場所有人都企晒起身
(雖然廣播話唔可以站立......)
一開頭就係GLAMOROUS YOU
跟住就好似係Very Special 同 その時、世界はキミだらけのレイン
其他次序唔係好記得
一半係baby action入面既歌
Sparkling, アップルたちの伝言, スキャンダルなんかブッ飛ばせ, one piece 就冇唱到
其實想佢地唱one piece, 感覺可惜......
中段有D時間係佢地講野
haru用中文講左多謝，你好嗎之類的(中日夾雜，唔係聽得幾清楚)
有問到有冇聽baby action大碟
所有人都有一齊用中文講中秋節快樂(應該係，不過都係聽得唔太清楚)
有特別問到scandal sushi之後係一段段日文，我既水平有限，所以內容唔會太足
先係members介紹，之後有講到話現場大家都係scandal family
再來就係感謝大家，希望大家都會繼續應援佢地
好似仲有講係香港表演過4次，呢次one man live咁既樣係第一次
有一段係特別深刻
(大概版)haru:「雖然語言有阻礙，大家唔係好溝通到，不過音樂既力量真係好厲害，能夠將大家聚埋一齊
日後希望大家繼續支持我地，請多多指教!繼續(最高)既表演!」
仲有講到雖然講既係日文，不過對於scandal sushi 咁多位應該不成問題(然後前排一陣起鬨)
除左baby action，當然都有唱番舊歌
有doll, 少女S, 瞬間センチメンタル, Hi-Hi-Hi
係唱doll之前，就係一段tomomi帶領大家搖毛巾
瞬間センチメンタル，mami solo part有少少失左手，佢自己都有笑
東京スカイスクレイパー，背景音樂中好似電話既「嘟，嘟」聲
成員們有跟住音樂對觀眾做禁制既動作
Hi-Hi-Hi，tomomi bass solo
ハルカ，開頭cut成得番兩句，係haru自彈自唱，，算係live特別版
mami表演期間都有唔少小動作同表情，仲有飛吻過俾大家(只留意mami，對唔住)
encore前最後一首歌好似係Scandal Baby
唱カゲロウ (Kagerou)時，「l love you」呢句歌詞真係台下唱得大聲過台上
瞬間センチメンタル根本上就係大合唱
我留意到佢地聽到大家唱既時候，係有特別笑左出黎
當完左佢地入番去之後，全場當然係叫encore
再次出番黎既時候，就換左tour件主題t-shirt
唱左兩首，第一首唔記得左......encore前後既歌我好似混淆左，太投入了
真正最後一首歌係Everybody Say Yeah!真係全場一齊yeah到尾!
唱完就全員再一次道謝，呢個時間rina終於企左係前面
道謝後haru就用日文講要影大合照
所有人都舉起毛巾做banner
haru仲叫大家小心D，因為有D人但係凳上面
最後，真係byebye了!

整體我真係覺得唔錯
不過有幾樣唔好
第一場地問題，D位唔係越後越高，個個都企係身個時，真係有D睇唔到
仲見到有對外國情侶入場睇，高到呢，企佢後面個個真係辛苦了
之後係時間，其實唔係8點正開show，9 點50分就完show，可以的話當然想再長D，而且成隻大碟D歌都唔係唱晒
之後就係人既問題，企我隔離個「物體」係癲既
全場係咁轉毛巾，有時打到我個頭= =
仲有表演緊個時拉開毛巾舉高當banner，用我個位，阻止左我視線
其實表演緊個時應該唔得閒應你，所以唔使咁，阻住我睇show

希望下年再有機會睇Scandal既live!!
最後道謝個時，我揮手時候，mami有望過黎跟住揮，可能有見到我
(就算唔係我都當係)
以上，SCANDAL Asia Tour 2011 Baby Action劣質文字報告
byebye!

PREEN

haha 全場都熱烈投入!

alvinbeta2

ESY之前係カゲロウ呀

§小雞chicken§

scandal下年快d再來玩

道重極龍

其實我超想聽RINA唱歌囉~