請教補師問題

大力貓

我打38副本時坦引來一堆怪,我補他怪又打我,不補他又沒血!有咩方法?

紅茶o賢∮

正常盾加大魔回復 同小回復都夠哂用 群補唔洗點用 唔用群補都幾難ot嫁啵

大力貓

以前打38副本坦都係引幾隻咁打,但而家有D人引一堆九隻以上咁打,我做補師應該點幫佢補?我一補D怪就係咁打我!定係要等地打晒D怪我先幫佢補?

whiteshadow

補師易OT來來去去都走不出:補太多或組員丟血太快。
不過有一點需要清楚知道, 無可能要佢地打哂怪先上去補, 咁樣既補師唔會有人喜歡組。

好多MMO既玩家都會少看補師的技術層面要求，但玩了十多年MMO既小玩家我敢講:補師係團中不是默默在後支援者而是主導整個團練的「話事人」。

回應番那2個問題, 補太多, 見到好多新手補師有個習慣, 成日打怪中都補滿各成員, 首先要攪清楚, 補師的唯一責任是不滅團, 而不是血常滿。因為補太多好多時只會OT, 引怪打補師, 一般又出現, 補師走, 怪追, 打手追怪的火車, 而且同時補師不斷丟血, 狂回自己血, 超OT…一字記之曰:「亂」

全團血滿最佳出現時間是於打完一轉怪之後,未開下轉怪之前。而如何於打怪時不滿血而維持安全水平, 就是考驗補師對於現在環境的閱讀能力。

另一個主要問題: 組員丟血太快。又是來來去去那些問題, 當坦的血防不夠、組員亂開怪、不是集中火力一起清怪。那些都是身為補師要有管理能力去處理的問題。身為一個補師, 你比任何人應該更清楚了解整個場面情況, 如出現上述問題, 就要提出, 找最合適當坦的人開怪, 其他人等他開完怪才上, 等等資訊, 如團中沒有共識, 那就應該由補師來主導, 因為沒人比補師更清楚整團的生存機率。

如果有人不合作, 補師甚至可以選擇離場, 因為他們沒有補師, 正常也不會打, 但如果你不走, 他們照用舊方式打, 死人甚至滅團, 責任又會回到補師身上。

靚仔格鬥士

做補c 撞正d 冇防既人會係咁...打38仲著20lv裝...
咁你就要慢慢打拉, 如果佢地要打快拉哂所有怪...咁你一定要等佢返到坦位先好補...可以試下用rp補多d~
如果打手隊友清得快都唔會死既, 最緊要你都著哂成set +氣防裝

如果打手又廢, 坦又唔夠血防, 你又冇著裝... 咁咪3隻3隻打咯~

祭神KING

我都講下自己補師心得 , 首先怪物圍攻時唔好補人類 , 有得揀補魔人都唔好補人類 , 因為人類血少補完之後又好快唔見過半血魔人的起碼有範圍輸出

另外如果隊中沒有任何魔導或者魔界戰士 or 人類數量有三隻以上 , 請盡早離隊
冇娜美星戰士根本連拉怪也做不到,人類頂唔到幾多下
如果全隊都係近攻的話,頂多刷1,2王之後出去,唔駛奢望打得贏3王

就算3隻3隻咁引,人類團邊個擋怪呢?就係我地補師,補血拉仇恨太高,最後要開盾自補
人類就可以安全打怪刷下去 ,  真好~


講返38級副本,依家係好多魔導做坦,魔界數量唔多,最主要係魔導PVP強吧
一般都會組普魔或龜仙才會入去打,見到格鬥和劍,離隊或者踢走他們,又係沒太多用處

頭關海象兵,多數是拉3隻或者6隻,視乎自己隊中有什麼遠攻打手
二關機械人,每次拉3隻打,6隻好易源團,補血後巨型機械人會追住你打,要自己決定幾時為隊友回血

至於何時補血:魔導魔界開挑釁,怪物頭上有紅色/普魔龜仙出範圍傷開
依兩種情況下補血,多數不會OT,而我習慣開RP「神之治癒」回血
回1xxx,補唔算多,少機會OT同埋開RP出招唔扣EP


另外好認同四樓說法,通常補師都比較多說話,經常指點坦去拉怪,其他人企咩位置等等

開放50級後,盡可能搵魔界戰士了,魔導實在不能太依賴佢地的攻擊能夠拉到怪....但組魔導作為近戰DPS/取代人類格鬥和劍,也是不錯選擇

PCL

我玩波可同人打副本,我剩係會補比D打緊一隻怪既人,一堆果D我唔會理佢,等佢死左番生就得

靚仔格鬥士

另外, 如果成隊都勁人 +好隊友
我試過岩岩好１０分鐘打哂４王～
第一關拉哂　
第二關淨打紅
第三王前直衝．．定王，補都打埋
四王：　最易～

汁裝一個汁哂最後先分～

tomwong118

靚仔格鬥士 發表於 11-9-29 01:29 AM
另外, 如果成隊都勁人 +好隊友
我試過岩岩好１０分鐘打哂４王～
第一關拉哂　

我想打晒4王
但冇人同我打

tampop

tomwong118 發表於 11-9-29 10:44 AM
我想打晒4王
但冇人同我打

我都係呀~~~我太弱了害了隊友

samger

其實一啲都唔難...

呢個game設計真係唔係好好
(可能無乜點玩過亞洲出嘅game)

治療有心想OT基本無tank可以拉到

================================

我都有好多呢個情況
(但唔係做天天時係開魔界時俾個治療話...其實個心真係覺得畀佢吹脹咗...)

留意咗一段時間...呢隻game個設計治療OT唔係計治療量...係計治療次數.....
(可能唔係但我覺得係咁...亦都只有咁解釋到點解...)

好多治療都話個tank裝備差...技術差...

但係一個魔界為例...佢有幾多個技能群拉喎...就2個..一個aoe攻擊...一個aoe taunt....(38級)

但治療有種就係一拉回來怪都未到位就先嚟個魔回復...補補個tank...
(呢個tank當然只有一個選擇去用佢嘅aoe taunt技能...仲要未必可以拉回...因為部分仲未到步...)

跟住個治療頂唔住班怪倫X...死咗....跟手就會XXXOOO個tank....

=================================

另一種...輕輕鬆鬆...咁加...型

呢種治療永唔用rp或者佢哋係嚟唔切用...
(因為用rp加血會慢大約一秒半秒...做個痾屎動作....)

咁佢哋就不停作咁出魔回復加...咁班怪大佬見你係咁加當然打你先

跟住個治療又頂唔住班怪強吻攻勢下...又死咗...跟手當然繼續OOXX個tank....

===================================

其實用rp加有個好處係無咁易OT
(之前講過...個人覺得個game係計次數唔係計量....)

無用rp魔回復加32xx...有用就46xx...

基本個tank沒奧迪計...魔界大約萬二到萬三

足夠等啲怪到哂...魔界再用個aoe攻擊後才幫tank放個rp魔回復...
(當然你連放兩個...咁個魔界基本又滿血...)

==================================

再來治療十個有七八個一被打就一直向後退
(當然呢個習慣唔好...但部分情況...當要放棄時就要退...但唔係一被打就不停退退退...)

因為魔界啲技能有邊個夠距離去幫你將啲怪拉番轉頭....
(最多都係拉長隻手拉番一隻番嚟...但一堆怪係前面要點中在遠處的怪都要啲時間...)

所以治療退就應該有心理自己有能力自保不死....唔係嘅話唔該企番係個tank附近.....

===================================

最後呢個game嘅治療基本可以頂住十隻八隻怪...

大家諗諗治療可以頂一陣前面啲人無乜血扣...
(只要適當時候衝過去隊友群用個群加連自己都加埋就可以幫隊友回回血...)

咁基本自保加自己血....咁又點會死....

一個盾再力保自己條命...
(基本無乜裝治療自己buff起大約5千左右...多怪打時...1/3左右開始用魔回復...1/2就用rp加上去...再走下放下盾...點會咁易瞓底..)

隊友又集中打怪...區區十來隻怪又點會死....
(當然隊友唔該先打遠程的....)

===================================

希望幫到你...因為我個天天無強化裝....裝備又唔係加到啲咩好屬性...打時光基本我頂住等隊友清(仲有初去時基本全部人都係神龍裝...但我一樣無強化)...假死或bug拉boss都無用...都係直接打...一樣一件件裝備打上嚟....咁點解大家都裝備好咗返而話治療會咁易死.....再來而家基本係熟人隊又都強化好裝備的...連治療都唔開... 就咁入去打....一樣得....咁點會加血嘅自己返而唔得死咗...