主人原本一個人跟6隻貓同住，主人的父母於內地養老。但好景不常，主人父母近年健康狀況每況愈下，再不適宜中港兩邊走去醫病，故需搬回港與主人同住。在此無奈情況下要棄養6隻貓，全部都係10歲。本人與貓主原本並不相識，只是透過另一個朋友知道此事找我幫手。本人功課繁重大可置之不理，但一想到6隻成貓不出POST找新主人便會死路一條，不忍心下便親身了解貓貓實況及親自拍攝照片(相簿最後3張相由主人提供)。現場所見，確實不能於空出房間後再養貓貓，故為此6隻貓出POST。佻皮、小白同小虎三隻仔，係主人十年前响餐廳後巷，見佢地攤咗响地而執番嚟。太郎(仔)同圓圓、豆豆兩隻貓女，係有個司機被好心人通知，有三隻貓仔瞓响佢D車轆叫佢唔好開車，然後再執起佢地交俾現任主人養(因知道佢有三隻貓)。如果依家送去愛協好大機會被人道毀滅，希望有合眼緣的人繼續給牠們愛與希望，始終是一條生命啊...我自己都有領養成貓經驗，當7歲嘅肥MIKE知道我係新主人之後就成日黐身黐勢，絕對係一隻窩心仔，所以成貓絕對領養得過。12月是最後限期，請未能領養的朋友也幫忙轉PO好嗎?感激不盡...有意者可PM我，再安排到屯門睇貓。在此謝謝已表示有興趣收養其中一隻的貓友，真的很感動，THANKS SO MUCH。
發表於 11-11-16 12:02 AM