我 應唔應該表白好?我又有冇機會呢?

乂神乂

最近識左個女仔 同佢聊得幾埋
但係識左佢之後 佢同我講 佢以前拍過6次拖
但好多次都係 個男仔對佢唔好 就散左
有一次 咁岩學校要做專題 佢要比資料我 就比左佢電話我
過左幾日 佢問我 喂 你有玩WHATSAPP架?
我話有  佢就話 番屋企同我傾下囉
跟住 我就開始日日同佢WHATSAPP 到而家差唔多WHATSAPP左兩個星期
但最近 佢個朋友知道我想追個女仔 但佢同我講 個女仔係壞人黎
我自己既立場就係 其實 我自己分析到真定假
跟住 我將件事講左比個女仔知 個女仔就好唔開心 但佢就話算數 唔想理人閒言閒語
個女仔雖然無同佢朋友反面 仲係玩得好埋 好似無發生過事咁
我自己覺得咁樣已經令個女仔對我印象唔好
我自己之前做左好多野 唔知佢FEEL唔FEEL到
我又送暖蛋比佢 又試過係佢唔開心果陣陪佢WHATSAPP傾心事
我仲試過同佢講我絛無頸巾 跟住佢話織完朋友果條再織比我
唔知呢D野係咪同做好人無分別
我想各位比下意見我 我真係唔知表唔表白 自己有冇機會(因為無人追佢)
本來我都無諗過真係追 但我幾個知情既朋友都話我就溝到 但我自己又唔多覺....

乂神乂

補充 我同佢WHATSAPP既內容 都係D無謂野
因為我同佢識左兩個月 真係玩熟都係1個月到
但我對佢既關心已經過晒火位....

ＭＡＮＤＹ

你對個女仔關心..佢會感覺到的,

所以你應該搵適當既時機同佢表白你對她的愛意吧

乂神乂

多謝你既意見 因為第一次追女仔
真係唔識技巧   而且 我唔知點搵話題去傾...
因為我次次WHATSAPP佢 除左有時無啦啦有話題傾之外
都我都凈係問佢攰唔攰  食左飯未 番左屋企未 著多件衫小心涷咁樣
咁樣既關心算唔算過火?

hk321456

乂神乂 發表於 11-12-17 12:39 PM
多謝你既意見 因為第一次追女仔
真係唔識技巧   而且 我唔知點搵話題去傾...
因為我次次WHATSAPP佢 除左有 ...

點會..朋友都會咁同佢講既...      我覺得你可以再問下多D佢既野既.....       你有機架!+油!!!吾好咁易放棄就得架拉!!!我自己都等左佢5 Y 先追個個女仔.....

乂神乂

回復 hk321456 的帖子

嗯 多謝你既支持
佢以前同佢男朋友D野都講晒比我知
又同我講屋企人做乜  或者鬧交果D
但係 我同佢同級唔班 每一個星期只有幾日裡面有一堂坐埋一齊
同佢D好朋友唔熟  都唔知點拉近關係
不過 好在 23號我約左佢同一兩個朋友出黎玩
應該都可以加深感情吧?

hk321456

乂神乂 發表於 11-12-17 06:53 PM
回復 hk321456 的帖子

嗯 多謝你既支持

吾好淆就得架拉!!:)

乂神乂

關於暖蛋事件 佢比番隻暖蛋我 話因為隻暖蛋貴 所以唔要 叫我涷果陣先借比佢(拒絕?)
本來今日佢要番學幫手搞攤位 但我自己尋日同佢講話 買午飯比佢 佢話唔洗 (我會唔會太心急?)
之前又試過透佢口風 問佢對我印象係點 佢答我 其實我覺得你好好人 比我蝦都唔還手(呢句又咩意思呢 我被派好人卡?)

多路乄比

乂神乂 發表於 11-12-17 11:26 PM
關於暖蛋事件 佢比番隻暖蛋我 話因為隻暖蛋貴 所以唔要 叫我涷果陣先借比佢(拒絕?)
本來今日佢要番學幫手搞 ...

好人卡?@w@

既然你知道被發了「好人卡」，成功既機會已經低左，咁你點解唔試下係佢面前做個壞人呢?

例如你呢度佢話「比佢哈都唔還手」。咁你要做壞人你就去還手啦，當然又唔係真係話當佢仇人就既還手(我相信我叫你做你都唔會做)，而係象徵式咁推一推/輕輕地打落佢度。

仲有你要記緊一樣野—唔好表白。
表白係大忌。

表白就等於將個決定權比曬個女仔:佢話yes，你開心;佢話no，你傷心。
點解我地都比佢決定呢?
點解我地唔可以做到吸引佢，之後順理成章係埋一齊呢?

冇錯，我地係做到既。比信心自己。
根本唔須要表白。

另外，你莫名其妙咁送野比個女仔，都係一忌。
你試想下，一個豬扒想追你，(當然唔係話你)係咁送野比你，係咁討好你，你又會唔會中意佢呢?
白痴既都知道唔得啦。佢根本吸引唔到你。
即使你會接受她，也是因為她送的東西罷了，那這段感情有何價值？

同時，關心唔係問題，但太多關心只會令人覺得煩。(再想象有個豬扒日日打電話黎關心你)
如果要搵個比例，關心同善意既串應該係1:2.5—2次左右就要關心佢一次(都唔可以太明顯)

總之要令佢睇唔出，你到底對佢有冇意思。
你一時冷淡佢，一時對佢好好，佢就會開始亂，開始猜測你既心意。
然後你就成功左1/2啦。
但若然唔想前功盡廢，你就要繼續推拉。

祝你成功。

- ReD紅

表白吧!加油了朋友!!!!!!!!!!!!!!!!

chinese123

錯覺   認清楚   不要當感情後備