(原創)各職業簡介

wing2353

經過我玩左一年多既時間，我對各職業都有唔少既認識，加上依家好多新人玩台服，所以想簡介下各職業。
p.s.因各人觀點及用法不同，老手勿插

刀客(劍靈)
狂暴(修羅)系:
今集既狂暴削弱左好多，上集既技能可以用瘋狂去形容，今集簡直不堪入目......不過！仍然有佢既市場。單挑及係混戰中殺一個人仍然足夠，當然視乎等級、裝備、環境等等。

守護(逍遙)系:
今集反而強左，強到唔知講咩好。小弟個守護系帳號(128lv，普通任務綠裝)開曬技，比13條友圍毆圍左8秒先死，可見係強得好緊要！守戰亦都係我既首選！

屬性點推介:主力升體質，副升力量。因為要肉搏，征途太激情，唔夠硬的話，混戰好易死，尤其係肉搏職業。
溫馨提示:今集裝備多左樣叫副手既東西，盾牌加防加血！

弓手(弩靈)
射擊(刺殺)系:
玩過老征途既人都相信唔陌生。照舊！純輸出。射啦！兄弟們！

捕獵(馴獸)系:
玩法同老征途一樣，捉下寵。講真，覺得麻麻地，開團戰、單挑都一般，打怪能力比其他職業高，比召喚低。當然，角色輸出比召喚角色高。

屬性點推介:全部點力量。確保最高輸出
溫馨提示:因為新增副手關系，箭支唔洗錢！

法師(仙子)
火焰(冰霜)系:
火法係老征途既夢想職業之一，cool爆既技能，可惜今集就欣賞唔到。冇乜特別。

雷電(風暴)系:
我第一個角色就係玩雷法，同火法差不多，冇咩特點，純粹係混戰中汁下雞。

屬性點推介:全部點智力。要確保最高輸出，情況同弓手類似。

琴師(舞娘)
仙音(醫術)系:
即係天仙，不過就冇以前咁癲，削弱左差不多60%，不過都視乎咩角度去睇，已經變成打手。

魔音(巫術)系:
以前既地仙，同以前冇咩大分別，同法師冇咩太大分別。反而召喚出黎果d塔比較得意。

屬性點推介:主精神，副智力。對天仙黎講，精神極重要。

道士(通靈)
自然(天神)系:
只不過係魔攻既召喚獸。融合後，可以一個擋五個。

毀滅(亡靈)系:
只不過係物攻既召喚獸。融合後，可以一個擋五個。

屬性點推介:屬性點可以話冇咩所謂(力量除外)，反而碌棍緊要d。
溫馨提示:休閑型玩家首選，做任、刷怪都一流。

最後，希望大家搵到一個岩自已既職業。

wing2353

如果你係好勤力既玩家，唔太建議用召喚。
(之前)國服最高lv果幾個，冇乜人用召喚

白木露。

征1就有盾-.-
電係汁雞(大把控技 克近戰
去到後期守戰+點都係+敏好D
多D防好過多100幾千血

炎焱炎

冇錢既玩家行過...

這次玩召喚吧
要講生存 召喚最少可以12秒不倒

wing2353

回復 白木露。 的帖子

你究竟有冇玩過嫁==?
我冇玩台服，我唔肯定台服有冇盾
我淨係可以話國服肯定有
依家裝盾唔顯示係個角色到，唔代表冇

wing2353

白木露。 發表於 12-1-4 10:00 PM
征1就有盾-.-
電係汁雞(大把控技 克近戰
去到後期守戰+點都係+敏好D

計過度過先加體質
依家d裝備唔少都有血量加成
全綁定簽名綠裝已經有角色血量加成
血牛有前途，馬匹裝備、副手、衣服都有血量加成，加勁多。
加上盾牌已經加防，物、魔防基本上高過其他職業。
不過港幣戰士例外，港幣戰士可以全點力量

超級食屎人

強國經驗:
港幣戰士首選職業: 法師,用錢玩可以頂到上5萬2攻,其他職做唔到
之後就係狂暴(1on1秒殺)同守護(肉盾做任超快,全套+5混戰都可以殺到人)
其他玩毛

港版係跟住強國版更新,所以自己諗下

Jefftang1995

我都玩守護先a__a
小弟係窮人 點加點好@__@? 1力1體...?

白木露。

79前全力
粒洗髓唔好用住
79洗做全體
守有招用血換傷
多血多傷
體有用

wing2353

Jefftang1995 發表於 12-1-5 07:08 PM
我都玩守護先a__a
小弟係窮人 點加點好@__@? 1力1體...?

非HKD戰士玩守護未必ok