行腦場電腦節的收穫 – iGoGoTV MP168 Android TV Box

魚の微笑

     前排見到promoter示範Samsung隻Smart TV，覺得功能同效果都好正，好想買翻部返屋企，不過一問個價錢重正！46”果款最平都賣成差唔多五六萬蚊一部，貴到我諗都唔洗諗就走人。但係睇完個Smart TV後，真係好想係屋企用個電視黎上網、睇下相、上網睇下高清電影、電視、收發e-mail、全家一齊玩遊戲、同小朋友享下天倫之樂咁，絕對係一種好大既享受！由於個Smart TV咁貴，我都放棄左個諗頭一段時間啦，點之前排去行腦場電腦節既時候，就發現左樣新東東，今次系個腦節見到好多鋪頭有賣個iGoGoTV，有鋪頭重用個40”電視黎Demo，個sales話Magic-Pro呢個iGoGoTV 有兩個model，包括MP188同MP168，佢講下又玩下、然後我睇睇下就被佢吸引左，睇左成半個鐘。依個東東其實係個多功能Android TV盒，內置行Android OS，可以話係一個TV電腦盒，佢地話可以直接將個iGoGoTV接落屋企個電視到，用佢黎行Android Apps，功能絕對唔會比Smart TV小，包括支援1080P Full HD高清輸出、上網、網上購物、玩社交網站及在線無限下載安裝應用或遊戲Apps等等，可以用到既功能就真係多到你諗唔汰。其實我屋企有個46”大電視放係客廳，我真係好想充份利用佢，而個iGoGoTV又剛好特價賣緊千三蚊左右，所以諗諗下我就買左個MP168返屋企，重只用左Smart TV幾十份之一既價錢，就完我個Smart TV夢。其實我都算系一個IT先鋒，成日都走去買D新野黎試，然後最鐘意同大家交流下意見，開心下啦！今次都想同大家分享下，咁當然買完部機之後好開心啦，如果唔系我都唔會寫咁多野同大家分享啦！

我返屋企第一件事唔係立即用個iGoGoTV，而系馬上幫佢take翻幾張photos做個紀念先，無法啦，因為屋企地方細，我一般都唔會keep個盒，所以就拍低佢囉！你睇iGoGoTV個盒都算幾靚啦。


個盒後面就講左部機D具體功能，比一般TV盒真係多好多，佢行Android 2.3 OS，可以用wifi、藍牙或固網連接上Internet，內置有4GB RAM、而輸出就支援HDMI 1.3及Composite AV等，又同時可以用黎睇普通或1080P高清電影、而網上亦有好多Market 可以無限下載Apps用，而我就係最鐘意佢呢點啦！


盒內包裝簡潔，包裝無用膠袋其實都算環保啦。


個iGoGoTV配件包括有主機盒，keyboard及mouse，AV線，HDMI線，火牛及說明書等。


加上個電視定位架，咁就可以放定定係個電視機上面，節省空間之餘又好睇。我聽個Sales講，MP188果個型號重內置個鏡頭同Mic可以用黎做視象會議，我諗用屋企個大電視黎做視象會議真係夠位同時顯示好多人一齊出見係個螢幕上呀。可惜我就唔係好用視象會議，所以就平平地用千零蚊買個MP168用黎上網, 玩game, 睇戲都好夠我用。


佢個遙控都好有趣，係空中體感keyboard及mouse合一，依種遙控係用身體移動黎操作個系統動作，就好似你隻手移到邊個電視入面個箭頭就跟你移到邊，好處係比你一種人機合一既感覺，無論玩遊戲定係一般操作都咁爽！而個remote control上面有keyboard功能，可以用黎打字，係幾方便架。拍照完成，下一步就係開機用下先，雖然對於iGoGoTV我算係新手上路，但對於Android我就係老手啦，所以我絕對可以好快上手用熟部機，等我用完有時間先再同大家分享下啦！

kms753

睇你的介紹真係好正咁wor，我都想買部來玩下

Alex_s

用來玩Game、睇戲唔錯喔

ziyy

假期有黎個來玩系都幾享受ar，幾錢啊？我都想入一個...

魚の微笑

回復 ziyy 的帖子

$13xx

ziyy

魚の微笑 發表於 12-1-20 11:05 PM
回復 ziyy 的帖子

$13xx

抵玩

m2ys8

MP188果個型號重內置個鏡頭同Mic可以用黎做視象會議....
超正ar
.youtube.com/watch?v=rTJ1vGo8tOs

s123123chio

正野~~~~~

dj2012

我最近都買左個iGoGoTV電視盒，但又有D疑問，佢係行Android OS，而我一直無用開Android電話，而家都唔知邊到有多D Apps download，唔該C兄指點下ar？多謝

魚の微笑

回覆 dj2012 的帖子

其實網上有好多呢種Apps資源，如比較有名既 Market 安智市場、機鋒市場等等，你可以下載依D市場到你個電視盒到，然後用個市場黎download D Apps,同大家分享一下點樣去D唔同市場下載Apps。以安智市場為例，其實都係幾步就安裝到架啦，好簡單~
安裝安智Market


打開Magic-Pro iGoGoTV電源你會見到以上既主畫面，將個箭頭移到右邊個正方形圖案到，按一下remote個左鍵。


進入Apps畫面，你會見到所有已安裝的Apps，去海豚瀏覽器，按一下左鍵，用佢黎上網。


進入海豚瀏覽器，你會見到右邊有個熱門下載，按一下鍵進入下一個畫面。


將個箭頭移到左上角搜索欄。


在搜索欄上打上”AnZhi” 或直接輸入” 安智市場”，然後按畫面左下角個開始鍵。


你會見到安智市場出現在搜索結果上方位置，將個箭頭移到該列，然後按遙控左鍵。


進入安裝畫面，然後在畫面左上角”安裝” 鍵上按一下。


見到” 另存為” 的對話盒時，按確定，個iGoGoTV就會自動下載個安智市場App到你個機上。


安裝完成後，安智市場App個shortcut就會出現係Apps個主畫面到，只要將個箭頭移到安智市場個icon上按一下，就可以直接入到安智市場App入面。


入到安智市場，你會見到佢有好多唔同Apps既分類，你可以自行尋找你想要架Apps，直接從安智市場下載就可以啦！


安智市場D Apps有好多種類，花D時間慢慢睇下，你會有機會下載到好多有趣而又係你想要既Apps架！

ltmood

對不起，你沒有權限發表 URL 連接，請返回修改。

佢D個網站有 iGoGoTV 市場安裝教學ar
.magic-pro.com/news/news.htm

dj2012

多謝各位C兄

roy3338

Magic-Pro 比我既感覺係易壞  又吾平~