信任=盲目相信嗎...?

kelvinlaw13

我有位好朋友，中學一直識到宜家，平時去蒲去玩都一齊，有咩心事都會搵佢傾，而且我同佢識左咁耐，從未有過argue．好啦入正題，我宜家份工做電訊既，係呢位好朋友既爸爸做判頭既．我未做之前係做跟車，我好朋友爸爸缺人手，就找我過去幫佢地．過到去做左幾日，佢忽然話唔做，我都幾驚訝，就問佢點解唔做．佢同我講佢搵左第二份工，係做中介人公司，即係推銷人去買佢地公司ｄ野，然後從中抽佣果ｄ，好快會搵到好多錢．我心諗....有無咁荀既工呀？咁易發達無人掃垃圾架啦喎-,-"於是我同佢講，會唔會係呃人架？因為我驚佢係中左警訊講果ｄ層壓式推銷既騙局....作為兄弟，當然要問個清楚．佢叫我唔洗擔心，佢係深思熟慮過先入呢間公司，咁大個人識自己諗．皆因我呢位好朋友經常同我講，想搵好多錢，改善自己既生活，仲走去上埋果ｄ超貴既財經課程，學玩投資．當然，我唔會當面話佢，因為我都知佢ｄ牛脾氣，一決定左就唔會改變主意．有日返到公司，佢老豆來同我地食飯，講起佢ｄ野．佢老豆話有勸過佢，仲想上佢公司了解一下，但佢答佢老豆話，"你人生經歷豐富過我，唔代表你真係知道，我帶左你上去睇你都係唔會信我"．到琴晚成班朋友出來食飯，我同佢講，你老豆同我地都係關心你，驚你俾人呃姐，我地又唔會阻止你．佢答我，做朋友既野最梗要講個信字，遲下你就會明白．今晚放工返來開ｆａｃｅｂｏｏｋ，見到佢個ｗａｌｌ打左兩句野，"兄弟連基本GE信任都不存在時....這兄弟不當也罷.."、"如果覺得我會為錢而出賣朋友GE..我懇求你~求你SEND個短
信比我,話:"絕交"兩個字..."．
睇完之後我個心好煩，我唔知佢係咪影射緊我．當然，我係未知佢係咪話緊我之前，我唔會去問佢，廢事加深大家既誤會．我真係唔知點做，大家好朋友，我真係唔相信佢會為左咁件事而冇朋友做....我真係唔明白，所以即刻上來同各位分享下，搵人教教我點做好．