[活動] 牛牛在封測的邪魔日記~

marcoltw

大家好, 我係牛牛.
今次得到正板主邀請, 一起與幾位好玩和板主參與<傭兵天下online>的封測遊戲,
過了一個星期不見天日、鬼哭神號的沖LV和左試右試的日子,
發覺這遊戲確實有它的吸引之處.

同時為了響應留影活動, 所以牛牛利用這一星期以來的相片, 順序去分享我的所見所聞和趣事,
以及作為一隻邪魔角色的感受和心得, 不過我只係能夠衝到41級, 同十大排名的高手、熟手相比還差很遠,
希望有乜講得唔好別見怪.

角色：惡魔狂牛
國家：艾米
傭兵小隊：王者之風  (沿用我們一班朋友另一遊戲的公會名)
天賦：控制之道 (大部份封測時間) + 暗黑之道(封測最尾一晚去試試)
最高等級：41 (封測最後一天紀錄, 佔遊戲內世界等級排名31)
戰鬥力：70.60 (封測最後一天紀錄)

<為何揀邪魔玩??>
1. 事前到國內網站看到, 主流和強勢的都是大劍士和祭司等, 另外獸人很吃裝備, 魔劍士我又怕會變半桶水, 法師聽聞出技能CD時間都頗長, 最後邪魔聽聞好弱勢, 只有後期PK強一些. 所以牛牛諗住揀d冷門既職業玩下, 咁樣無咁悶之餘, 又可以為大家試到多一樣少人用既職業.

2. 公會的主要拍檔都有齊大劍, 魔劍, 祭司等等, 既然有人一齊合作, 亦係封測試o野既好時間, 人一世物一世, 試下偏門野無壞o者~ 何況揀角色時系統說邪魔係5星級操控難度的職業, 就看看呢種難度有幾難都好呀~

---

1. 牛牛出世無耐, 就俾npc叫我找什麼封魂劍, 原來係學吸怪物"魂值"的技能, 最初這一幕實在很有氣勢, 深深感引了我~


2. 升左一兩個LV, 就有位"老漢"npc, "推車"推我返樹屋酒吧..呢一幕令我笑左好耐, 兼且好有大富大貴人家的感覺.


3. 開始出來闖江湖了, 系統送出免費2天任騎的120%高速馬, 樣子兇狠, 但隻馬"裂"成咁, 好擔心跑跑下會......


4. 作為一個邪魔, 點都要有返d邪惡既伙伴先得, 呢隻就係為我擋刀擋鎗擋子彈既召喚獸 --- 腐肉魔先生!!! (可改名) 睇佢肚皮有個血盤大口, 真係覺得好有霸氣~(所謂唔打得都睇得)


5. 呢隻game很多小遊戲都好出色, 其中用滑鼠既玩法就已經有好幾種, 唔似其他game咁悶.


6.另一種係每日都有既競技小遊戲, 考你反應、鍵盤操作、眼力等, 呢個"採摘聖手"都幾刺激, 大家要不停用滑鼠在指標上準確按停, 然後做成愈多連環combo (顯示為"力+ x", x=數字 ) , 我最叻只玩到力+17, 拎到2千幾分, 同某d拎七八千分既高手仲差好遠呢, 希望公測可以再刷佳績~


7. 任務方面都唔係一味打怪或跑來跑去, 可以玩下抱起受傷小馬到指定地, 或剛才所說的一些滑鼠小遊戲. 感覺令人討好兼有趣~ (通常呢d都係珍貴既影相時刻!!)


8. 呢一幕相信好多人都記得, 帶住一隻好豪邁、癲癲地既兩腳行野馬去npc度, 佢仲會食煙添~~ 真係好鬼抵死惹笑(不過我漏影左, 我同會既小鬱子有影到)


9. 無幾耐牛牛又去研究下d生活技能, 例如採礦, 用左d比賽積分換左d 礦洞副本, 第一層一般打晒20隻好雞既小礦怪(有機會跌出晶石, 執左令你採礦技能有經驗), 打晒之後出現一個機關, 按下去之後好大機會話"礦洞塌陷"而令你玩完, 但亦有少少機會好似呢幅圖咁發現新一層, 打晒小礦怪到盡頭出現boss, 最初牛牛一條友+召喚獸唔夠打, 又無叫到隊友, 後尾學左"魂星技能"兼儲夠3魂星最強既千魂斬, 再去碰運氣, 就俾我KO左佢!!! 仲跌左十幾粒"地之氣息"(合成金色裝備必需元素)同復活石俾我!!! 發達囉~~~!!


10. 打劇情任務, 同打其他每日副本都好重要, 有時間既玩家應該盡量每日打晒呢d任(主線反而唔急), 因為除左有好多經驗, 仲會有不同既探險/比賽/對抗/訓練的積分, 好多重要武防具、副本鎖匙、生活技能材料都要靠呢d積分換架!!!  不過呢類任務絕大部份都要組隊完成, 所以有一個固定或強大的傭兵小隊(=公會)班底都好重要, 最好就有平衡既職業隊伍添啦~ 圖中幾位都係今次封測既好兄弟! 大家仲一路開住skype一路傾一路玩, 非常happy


11. 另一每日副本 --- 守護靈源, 當時遇上排名榜高手之一"芒果哥哥", 看他的等級和傷害輸出, 就係好強勁~
不過後尾發現, 最好搵一隊等級接近而又應付到該副本的隊伍, 否則最後積分一定會俾超高LV既玩家拎走第一名,想平均取得頭3名機會就細好多了~ (如果自己一班fd就無乜計啦)


12. 學左一招叫"惡靈枷鎖"既牛牛, 可以鎖住boss6秒而令他不能出技和移動(只能普攻), 經常可以幫隊友解除boss出大技既麻煩/危險. 而且呢招既動畫效果好靚,


13. 由於有固定班底, 我地都會經常組隊去解同一個任, 互相"吸"隊伍經驗來幫補下, 而且一邊語音通話, 吹下水咁解一d沉悶d既任(例: 答24題既禮官任務) 時間過得舒服得多~


14. 騎兵隊 排排企, 又有2隻護法在前, 幾有"魔戒"電影feel~


15. 當你有公會(即"傭兵小隊")時, 小隊可升級和加建設施, 其中團務特助小姐仲會俾任務你做, 其中收集"歷練銀幣"任務收入豐富, 25個有十幾萬經, 100個有七八十萬, 那些幣一般經由做每日副本或開一些特定寶箱取得, 所以千萬別亂送俾人或當垃圾賣俾npc呀~


16. 平常打怪會跌"佣"、"兵"、"天"、"下" 4種字, 每日可找活動酒吧內的npc"米雪"小姐做5次, 換到一d寶箱, 雖然一般只換到創世星輝, 但有時會有特別野, 例如"神駿符籙"能開出呢隻平時好貴先買到既快馬"創世神駿"(圖中"莎士比亞"騎那隻), 不過只能用3次, 所以平常拎黎跑任或影相威下先用咋~(所謂"聊勝於無")

↓米雪小姐真人↓

---

17. 剛才說的很沉悶、"跑死狗"既禮官答題任務, 答晒後有5個箱, 有時開到特別野(如寶石、種子)外, 兼一定開到"佣兵天下煙花", 同樣搵米雪姐交5次, 每次都有唔少經驗值架!! 所以你見米雪姐前面經常都放煙花放到九彩咁~


18. 當我們一隊人長大了, 懂得更多群攻技能、裝備也似樣d既時候, 就開始去拉怪玩群殺了, 這樣不單方便自己和隊友一起解任務(什麼打20隻怪的麻煩事已成浮云), 而且很多高排行的玩家, 玩晒每日副本和劇情等之後, 就是靠這樣沖等了(可惜我們一幫人很遲才懂), 所以等級排行榜十大不少高手, 同時也是"殺怪榜"的十大份子呢~


19. 傭兵裡的時裝系統還沒機會試到, 不過隨著等級提升, 牛牛一身裝備的外型也愈來愈chok了~
說起裝備, 大家平常打怪最常打到綠字, 係比白裝好d既裝, 不過有時打出藍字就更好了, 因藍比綠的數值(利用進階石將藍裝沖晒3格進階後) 裝備能力就會比綠字高出幾成了, 例如一件20級藍字武 就等同於30級的綠字武了!
當然更利害的還有金色裝備(經積分換、鍛造/鑄甲或地城副本)、甚至其他我們封測還未打到/開放的傳說裝備啦~


20. 牛牛到了38級時, 共用技能出現這招"地獄尖嘯", 是一招群攻技能, 首先技能特效已經10分, 如果法傷裝備足夠、日後天賦配合、技能等級再提升, 傳聞大陸內的國服高手, 在國戰時放這招如同將邪魔們變成一座座恐怖的移動炮台呢!!! 不過由於我這招只有一級, 加上等級不太高, 所以只能在隊友拉一大堆怪時發揮得比較好, 不過此招只需1秒冷卻, 4秒持續發動, 我感覺非常強力呢~


21. 或許大家在"莎士比亞"的留影post見過了, 能拉殺成這個"完美屍圈", 我們都覺得非常利害~


22. 封測尾2一晚時, 在聖雪山正在拉怪解任的牛牛和老莎, 看到系統說某玩家觸動什麼礦脈, 出現什麼特別的怪, 我們立刻跑去看看, 哇, 一看之下竟是61級近30萬血的大boss!!! 我們首次挑戰當然慘敗, 牠一下都扣我們1千多, 還經常爆出2千!!!


23. 後來我們發現在同地圖不同礦位都有呢種boss怪出現, 而且有d既等級低d (例如圖中的55級), 於是我們在深夜努力找人(因凌晨d人訓晒), 結果找到一位祭司玩家, 緊張刺激的過程下, 用盡我地既奶力：用盡不同技能、召喚怪作拖延、hp和mp水(經常要等藥水cd), 拉打帶跑等，終於打敗了牠....結果只跌左粒比較好既復活石, 同一兩粒普通晶石,符文之類. 不過封測能遇上這樣特別的經驗, 都係開心既~


24. 來到馬房地區, 很多馬房"佳麗"任君選擇!! 前題係.........你要有好多好多流通金(副本或點卡換),


25. 例如圖中比較高級和特別的3隻：獨角獸、犀牛和飛蜥, 跑速最高達150%. 不過都要成100流通金...我地窮人買唔起...嗚...嗚...


26. 100金你無!? 平少少, 呢兩隻........50金啦~~~~不過得120%跑速咋喎!! 俾人追殺就走唔切嚕~



27. 封測結束前同老莎玩返幾場, 兼試左邪魔職業另一天賦"暗黑之道", "暗黑"呢種天賦真係比"控制之道"少左好多控制手段, 而群攻技既增益以及幫隊友減傷、減敵方能力的招式就很多, 所以暗黑系邪魔要打多怪既副本比較著數~  玩pk嘛....可能其他兩種天賦會好d d...


28. 然後我睇住老莎(大劍士)同另一獸人高級玩家激鬥, 那獸人雖然只有8xxx血, 而老莎有1.1萬血, 但獸人爆發力強, 一開始就暈左老莎, 很快拉成均勢, 然後雙方僵持下, 獸人險勝了, 不過老莎說他沒掌握好開啟加攻速和減傷的技能, 不然就應該嬴到. 所以說, pvp很重視反應和技能使用先後的分配, 不然給人佔了先機就很麻煩了! (例如爆發力超強的獸人)


29. 趁完結之前, 同另一支公會朋友開晒d神駿符出黎威威, 影下相留念先~ (圖中祭司朋友開了一隻召喚天使出來,都幾靚喎!) 呢張相可以叫做 "天使與魔鬼"!!


30. 趁完結就乜都試下啦, 開左本書叫"創世秘典"(需使用10粒創世星輝), 原來召喚出來的神秘人物就是佣兵天下的小說作家"說不得大師", call左佢出黎有乜用呢...???


31. 原來說不得大師賣既係"佣兵天下"小說/漫畫所提到既那些神兵利器, 例如寸延、血魔長劍、流熒等等, 呢d武器化成了1等級可用的金色兵器, 暫時我從這個交易欄中, 睇唔到d武器到底有無"進階石欄"(我估1級的東西未必有), 而且呢d武器每把要成10金流通幣, 正常人來說未必會咁樣花呢d錢了, 希望遊戲公司考慮加d特別元素(例如將這些武器可變成時裝外觀用)吧, 否則真係搵鬼買~


32. 封測有個小遺憾係, 牛牛卡住左o係"傭兵團委託任務"第9環, 它要我買或造10個2級魔能麵包, 我花左好多時間去種花以及花積分去換取烹飪材料, 升到烹飪2級都出現唔到呢種麵包, 後來上網找資料發現, 係烹飪2級物品時可能隨機出現配方....真係花左我好多時間心機 (種過花的朋友會明白的...) 希望公測可以解到 或 有朋友送呢d麵包俾我吧...


33. 由於封測時間有限, 牛牛和公會朋友起初又不懂得每日副本和劇情的重要性, 結果自己升到40級後都仲未夠積分換金色武防, 最後唯有將呢頂41級藍字帽拿來沖, 點知, 原來4格進階石欄 比 3x級武防的3格進階石欄 難沖好多好多, 第3下本身都有少少難, 兼有時會打你返第1格或第2格, 到了沖第4格先超難, 親身經驗係經常打你入地獄(跳回第1格), 結果花左好多好多積分黎換進階石沖先沖到......沖到一刻系統說"運氣爆發...." 果然沖進階石呢個玩意好好好需要十足的運氣和人品~


34. 畫質方面, 牛牛部電腦只係幾年前貨色, 但試過開盡到所有選項到最高級別, 都有唔錯既表現以及畫質, 兼且流暢度無乜影響(但未試過大型副本勁多人勁多怪的時刻, 希望公測再試), 相比其他同類game, <佣兵>的電腦要求似乎比較親民d.




35. 最後送幾張邪魔(暗黑系)的法陣/技能圖俾大家欣賞, 特別係最尾呢座"太空館", 真係幾鬼正~ 最o岩同女玩家一齊o係裡面談談情、跳跳舞~

最後分享下對邪魔睇法:
- 個人覺得邪魔屬大器晚成型, 血量、法傷、爆擊值很重要, 所以要等級和裝備有一定水平, 才能看得出邪魔群攻傷害的利害之處.
- 詛咒和單體持續傷害技能雖然mp消耗低, 但殺怪效能偏低. 邪魔還是找近戰隊友幫拉怪較好
- PVP方面, 試過控制之道和暗黑之道, 控制之道pvp還比較有點機會, 因為有鎖鏈和枯萎兩招可以鎖人, 仲有天生邪印術經常減速, 打帶跑的戰術是絕對要學習, 否則被人一埋人就............
- 副本或劇情時, 如果有大量小怪出現時, 邪魔的群攻技也可以當作法師般用的, 效率頗良好, 而且cd時間和發動速度都很快, 不過當遇上怪物數量少時, 邪魔的價值就大大減低, 給近戰DPS打手比下去了~ 那時間邪魔就變了輔助型了, 例如減傷技 / 鎖定技 / 斷招技等, 感覺邪魔好像一種法師+輔助的兩棲型角色.


邪魔推薦天賦(個人看法, 歡迎討論)：

<控制之道>
攻擊類型：
- 黑心 (單體主力技"噬心黑暗"威力+10%) <---邪魔打單體時, 很靠法傷達70%之高的"噬心黑暗", 所以被迫要點
- 無盡詛咒 (立即使敵方身上3種詛咒瞬間重置) <--- 後期少用, 但初期自己一人打任都會有用, 而且牛牛發覺天賦每層都要點2樣野先可以點下一層, 所以第一層揀來揀去唯有揀呢個同埋"黑心"
- 咒怨枷鎖 (讓技能"惡靈枷鎖"也能變成有暗黑傷害) <---算是小小補助吧

輔助類型：
- 惡靈枷鎖 (令目標沉默兼不能移動, 但仍可以普通攻擊, 對怪物使用更令其普攻傷害減50%) <---對著常出技能的boss時很好用, 時效長達6秒!! 後期再點出另一天賦"咒怨枷鎖"後, 這一招便會同時造成黑暗傷害呢
- 詛咒龍槍 (使通用技能"暗黑龍槍"打中敵人時, 奪走敵方身上詛咒, 並造成暈眩) <---1. 阻止敵方技能讀條的實用技, 2. 它計算的暈眩時間, 視乎敵人身上剩下的詛咒時間多少而定, 例如敵方身上有一種詛咒還有3秒作用時間, 那麼龍槍擊中時就有3秒暈眩效果
- 枯萎心靈 (令目標無法行動, 並免疫暗黑傷害以外的所有傷害達5秒) <---這一招很特別, 除了用來鎖怪外, 也會變成妨礙自己隊友的問題, 因為使用後目標只能接受暗黑系修害, 一般對怪物或boss可能是救命用比較多; 說它特別因為這招也可以放在隊友身上, 如果你確認怪物使用的不是暗黑系修害, 那麼某隊友血量極低而補師未及救人時, 你就可以放在該隊友身上來為補師爭取一點時間. 或讓坦有時間把怪引開一邊. 使陷入危險的隊友化險為夷!

有意點出的其他天賦(因等級和天賦點不足)：
- 遺忘苦楚 (立即令所有技能cd時間重置) <---pvp神技, 所有重要而長cd的技能都立即回來了!!!
- 靈魂燃燒 (利用自己約1/5生命, 換取5秒鐘時間, 產生每秒等同你hp 10%份量的暗黑傷害以及50%移速提升. 5秒後自身死亡兼再多一次10%自身生命值暗黑傷害) <---並非高度推薦要點, 但很想試試這種"以血換血"的招式在pvp的效果, 絕對可以說是"不成功, 便成仁"的玩命技能!!!

註：玩家們或會看出, 牛牛不會點出任何能提升"詛咒系/單體持續傷"威力或效能時間的天賦, 原因是牛牛看到所有這些詛咒系技能(例如:惡毒詛咒、腐化詛咒和靈魂詛咒)的法傷比例傷害都是23%這麼低, 而且這些都是慢慢用幾秒磨血的技能, 在<佣兵>這個大部份時期都講求團練、團體副本來沖等級沖積分的遊戲裡，花費天賦在這些相對低效能的單體技上真的划算不來呢. (如果牛牛的看法有錯, 有勞熟手玩家多多指教)

<暗黑之道>
攻擊類型：
- 毀滅之心 (破壞系法傷加5%) <--5%看似很少, 但主用的群攻技能"邪印術"和"地獄尖嘯"都是破壞系的, 所以點了
- 致命黑暗 (爆擊值+20%!!!!)
- 毀滅之地 (又是"破壞系", 瞬發式範圍+3秒後引爆, 法傷達80%+488點破壞傷害) <---先配合"邪惡降臨"的3秒群暈就很好用了!!
- 黑暗挽歌 ("地獄尖嘯"技能傷害+10% 兼 傷害距離延長) <---沒說寫距離延長多少, 不過最重要是為了加強"地獄尖嘯"

輔助類型：
- 邪魔領域 (自身+隊友減法傷30% 十秒)
- 邪惡降臨 (敵方身上中了邪印, 能大範圍性暈眩3秒之久!!) <---拉怪必備!!!
- 死神邪臨 (自身3碼內敵方的施法速度、攻速和移速減50%!!!!! 持續10秒, cd20秒) <---低cd,長持續的高效能輔助技, 實在對團隊很實用呢!!!

有意點出的其他天賦(因等級和天賦點不足)：
- 地獄邪力 (讓"地獄尖嘯"這一招群攻也能引爆"邪印術", 並加強引爆傷害10%) <---萬惡的連技來源!!
- 邪印增強 ("邪所術"延長4碼, 引爆傷害+10%) <---令拉怪和拉打更安全和方便

高級的群攻連技：
(註：需要點了"地獄邪力" & "邪印增強")

邪印術 / 瞬發詛咒技 (拉一埋怪同時減速) > 預定地點放定"毀滅之地" (瞬發放出, 3秒後引爆的範圍群傷) > 怪物到達預定地點放"邪惡降臨"(3秒群暈) > 對操作速度有信心可放埋"熱疫" (或不放都可) > 邪印術差不多完結, 立即再放一次 > 放出"地獄尖嘯"引爆!!! (扇型群攻主力技, 除本身的破壞性攻擊力外, 引爆"邪印"時可增加爆炸傷害)

(以上動作需要手部動作純熟才可串連, 否則"地獄尖嘯"未必能在"邪印術"的4秒有效時間內)

還有待日後發掘之處：
- 邪魔的契約之說天賦系
- 邪魔60級打後的水平
- 邪魔各天賦最低一行 (因等級所限, 暗黑和控制兩系最底的天賦未能點出來試到, 但暗黑系最底有一個讓"地獄尖嘯"能引爆"邪印術"來製造傷害的天賦, 十分令人期待!!)