周秀娜呢段講感情世界的對話,講得好好,叫d港女學下野啦!

祖兒的誘惑

http://orientaldaily.on.cc/cnt/e ... 0213/00282_016.html

周秀娜：幾紅都唔可以變心
近年娛樂圈「婚」訊不斷，同時亦有不少「分」訊傳出，周秀娜與男友Avis相戀近6年，儘管兩人被指「女尊男卑」，但無損他們的感情，娜姐更直言無懼7年之癢，兩人猶如磁石般緊緊吸住。對愛情專一的娜姐大談與男友的深厚感情外，更將一連5日分享26年來的點滴包括愛情、受傷、助手情、現實與夢想及家庭等，不容錯過！

同男朋友Avis拍拖差不多6年，感情一路都好穩定，就算我入咗呢行都冇乜大影響，有人話娛樂圈係一個大染缸，有好多誘惑，因為工作關係身邊一定有唔少異性，但我清楚自己只係工作，而男友對我好有信心，仲好支持我添！Avis認識真正嘅我，我同佢約喺7年前一個模特兒工作認識，大家拍拖時我未正式叫做入呢行，所以佢喺好多人認識我之前，已經好了解我，我同佢嘅感情真係好深厚，到依家都冇變過！

喺我考慮選擇入呢行嗰時，曾經有同男友為呢件事爭論過，因為佢之前有個女朋友由Model入行做藝人就變咗，佢擔心我入咗行之後會咁，所以唔知畀唔畀我入行好，但最後大家有共識，會不斷提點大家幾紅都唔可以轉變，呢一個係感情上嘅轉捩點。

男友值101分
感情係一點一滴累積，兩個人一齊時間耐咗，相處時開心就得，佢平時對我好細心，會留意我平時需要啲乜，好似佢試過特登親自整個貼石iPhone套（左圖）畀我，而佢知我要出Trip做嘢，因為我好鍾意食零食，佢會買好多袋零食上我公司，多到我食唔晒要拎返香港，雖然呢啲唔係重要經歷，但呢份心意我好感動，每次都覺得好窩心，因為佢係一個做足101分嘅男友，真係好體貼，或者呢個就係我同佢感情咁深厚嘅原因。

講心唔講金
上年有好多工作機會，收入增加，唔少人自然拿我跟男友比較，有人會覺得我搵錢多過佢，但錢呢樣嘢係外面嘅人睇法，真實一面你哋都唔知，喺我心目中，佢已經係事業有成，擁有自己的事業，Model只係佢間唔中先會去做。我同男友唔會去衡量邊個搵錢勁啲，感情係冇得比較，而且我唔會在意外面的人去比較。

另一個自己
過多一年大家就拍拖7年，有人話7年之癢好難過，唔係咁睇好，但我覺得同佢「敵得過」，依家大家見面少咗，但見面多與少唔係問題，感情係要睇吓雙方肯唔肯去維繫，反而每一次見面先有新鮮感，所以情侶感情有問題，可以建議去吓旅行，唔好成日見。我會形容同佢之間嘅關係係情侶，更會係家人、朋友同知己，有多重身份，佢好似我嘅影子，我唔需要講出口佢都知我諗緊咩！

口述︰周秀娜

筆錄︰專案組

服裝︰Guess





周秀娜出名EQ高，懂得控制自己的感情，非常清楚「自己做緊乜」。

冰心冷刃

有無祖兒感情對話

祖兒的誘惑

冰心冷刃 發表於 12-2-14 01:45 PM
有無祖兒感情對話

我會搵下!!!!!!!!!!

梁敏儀

講心唔講金
周秀娜都唔係港女!

popoma

打假波

爭霸者

老左wo娜姐

gates

講咋............

leeposau2003

娜姐 永遠都係我心目既 性幻想對像

若虎

講就天下無敵

惡魔獵鷹

其實我都覺得佢係一個幾西利既女性

staragzer

無言可對!!!

祖兒的誘惑

若虎 發表於 12-2-15 12:30 AM
講就天下無敵

佢在大陸大,都有可能.