如果有機會你老婆幫你生左個智障bb

KA2837

我可以加分一定加你分~

我一直都將"智障"解作好嚴重果啲...睇完你回覆先知原來我衰咗...

知名不具

你咁生佢出黎都係害左佢

◇﹍鋒×嵐〃

postpet40 發表於 12-3-22 10:04 PM
講開又講其實m記請呢d人黎係做樣
唔係為左盡社會責任
至少我黎黎去淨係知道得果個賣廣告既阿伯

傻豬黎既...幫M記講好聽D者..
請弱能人士好似話老闆可以申請低於28蚊工資..(我有幸識到一個輕度弱智既人..)

不知不覺的

唔錯既問題........真係問得好.......重可以比我睇到人類遇到黑暗既事實後逃避問題既一面...

不知不覺的

『浩～哥仔』 發表於 12-3-22 12:15 PM
換著第2個開呢個topic...
可能都會討論下...
但唔知點解...硬係覺得...

之前見佢開果d post都幾癈....見到標題都唔會入....
但係e個post係一個難得有意思既post,講某d野重會有味.....
比大家反思下......

金夕雨

一定唔會要

納兹一護

點都好始終係自己親生

lee111

人性問題


如果要我現實答法
我唔會要


至於點解.人命係我眼入面只是燈火
每條命都珍貴.而無人去死的話
那這個世界會變成什麼?

加上.缺陷嬰兒呢個問題
接受到.基於因為親生骨肉及可憐的感覺
而生成的條件


你要令他以後知道自己的缺陷.加句勇氣而生存下去
為的就是因為命是很珍惜
這種決定


他永遠在內心會有自卑心理
雖然不會表現出來.但這是害了他的行為

小綜

當然是不要0.0為了小朋友將來 我寧願墮胎

KA2837

littlehin 發表於 12-3-23 11:33 AM
咁講番8個月先發現啦
比我會揀生出黎
8個月o係香港冇得落的

我就會囉...香港冇得落我就上大陸落...

不過我老婆就同你睇法一樣, 唔會去落~

因為佢覺得8個月已經成人型, 落咗好殘忍, 唔人道, 加上係自己塊肉, 呢啲係男人體會唔到...(呢下真係冇得駁...)

我問生咗怕佢會俾人歧視, 咁我老婆就話通街都係智障, 問翻我係唔係歧視人...

仲話我賤格, 冇人性...

唉...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

咁我講下我睇法~

講下咩係歧視先, 究竟咩係歧視?

我做茶記廳面, 遇過一位因糖尿病而截肢嘅茶客, 佢唔鍾意人地幫佢開門,

佢覺得人地諗佢冇能力開門, 係歧視, 係侮辱... 咁我初嚟報到唔知好心幫佢開咗,

反而换嚟好晦氣一句:"以後唔使幫我開, 我自己識開", 我當時呆咗, 唔知自己做錯乜嘢,

我冇怪佢, 只係唔明...後嚟我老闆同我講翻我先知咩事...

其實我開門果下係唔係歧視咗人呢?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

究竟咩係歧視?  

14年前我去澳洲留學, 寄住係當地一個家庭兩年幾, 呢個家庭有個9歲大嘅女, 佢有智障, 智商只有兩歳左右...

我覺得呢個女仔樣貌身型同正常人冇分别, 仲好可愛添~ 只係言行舉止同BB一樣...

我見佢日日都好開心, 但係有時都會扭計, 扭計嘅威力仲比正常BB大~ 話晒佢係9歲體格...

每次扭計, 我都覺得佢父母比正常父母多一份懮傷...

當然會有快樂嘅時候, 但呢份快樂能唔能夠抵消果份傷悲呢?

有時我會諗呢個女仔冇獨立能力, 我覺得佢一直俾緊負担佢屋企人, 將來佢屋企人離開, 咁佢點呀? 變成社會責任?

仲會諗佢應唔應該係呢個世界存在... 諗到呢度, 我算唔算已經歧視緊佢呢?

但事實我係諗緊, 佢生存係呢個殘酷嘅世界對佢又係唔係一件好事?

所以我一直都對佢好好, 同佢玩啦, 買玩具俾佢啦etc. 希望俾佢感受到呢個世界係美好嘅~

可惜我可以扼到佢, 但扼唔到我自己...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

究竟咩係歧視?

我住土瓜灣, 呢頭真係好多智障人士,

有啲會扮講電話一直係咁 "喂喂喂喂喂..."

有啲就通街鬧人, 句句屌老母...

有啲流晒口水笑淫淫走埋嚟同你say hi~

每次我出街遇到都會彈開九尺遠, 生怕會俾佢地斬三刀冇仇報...

但係我内心冇怨恨佢地, 只有可憐, 覺得呢個天對佢地唔公平...

咁我算唔算歧視?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講真我真係唔知咩係歧視, 點先叫唔歧視, 同埋我想問下:

如果有人問你想生個正常定係智障嘅BB, 你答想生個正常嘅, 咁算唔算歧視呢?

係我諗得復雜, 定係本身個社會或者呢個世界就係咁復雜?

呢個POST係唔係真係帶有歧視!?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講真, 好對唔住, 我承認我自己有歧視智障...

因為我唔想我個仔俾人歧視係智障, 所以變相咗我係歧視智障...

但呢個係事實, 如果呢個世界冇歧視, 又何來有智障?

另外就係你一句: 究竟智障啲人知唔知咩係歧視?

咁又係一樣好唔公平嘅現實, 我知道佢地好多真係唔知咩係歧視...

所以我可以歧視到佢地, 反而佢地唔識歧視我, 咁樣真係好唔公平...

其實我識咁諗算唔算已經冇歧視佢地呢? 定係只可以算嫌棄, 唔算歧視?

嫌棄等唔等於歧視?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

越扯越遠...

好喇, 我好攰, 唔想再諗落去, 回翻正題~

我唔再去美化我嘅自私!

就如之前我答咗: 好自私咁撰2

點自私呀? 就係, 我唔想生更加唔想養個智障嘅仔, 我唔想煩, 我唔想有負累, 我唔想孭呢個包袱, 我唔想俾人歧視仲有可憐我個仔同埋我!

我相信應該會有好多人屌我... 不過唔屌我緊要, 俾個合理理由我, 我都想有人可以糾正我呢個我都覺得係錯誤而又諗唔到點改嘅觀念...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

可能我學識少, 睇嚟睇去都睇唔明本<邏輯哲學論>, 但係有一句我就好識用~

"對於不可說的東西我們必須保持沉默"  

如果好似維根斯坦咁講, 咁就真係唔使講~

我諗呢度冇人個肚入面有個8個月BB驗到有智障啩~!?

呢個POST跟本係多餘, 就如你所講應該要删~

所以<邏輯哲學論>可以唔使睇, 到頭嚟都係一句廢話~

定係我錯誤咁去理解呢句嘢? 或者我未去到維根斯坦嘅境界呢?

人性呀................係乜嘢???

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

最後再讚多次樓上有位師兄, 佢回復好正面!

事實真係好多輕度智障人士係可以貢獻社會, 值得尊重~

但係講翻呢個POST, 我點知肚入面個BB智障程度呢? 如果生個出嚟禍害社會點算?

我就唔會去博囉...

雖然我都知道呢家好多正常人都禍害緊社會, 但起碼......

唔知點講......當我又歧視智障啦...SORRY

KA2837

littlehin 發表於 12-3-23 04:43 PM
好長.................................................................
我好粗略咁睇晒算........
中 ...

咩我老婆呀...

應該講"如果我老婆", 唔係"講翻我老婆"! 講到好似我老婆個肚陀住8個月有智障嘅BB咁~

好長? 懶得睇定係唔想面對呢?

咁就由個POST沉算嚕~ 反正呢個世界唔係真係咁美好~

KA2837

littlehin 發表於 12-3-23 05:01 PM
唔係呀....我係想講.....你老婆話你話得o岩
仲話我賤格, 冇人性...
你尋晚唔駛跪玻璃已經好好 ...

我知你冇咁嘅意思話我老婆~ 我冇介意過~

我亦都知道你唔會逃避呢個POST嘅問題去落仔, 而且好正面, 值得人尊重~

只係你冇答到我嘅問題~ 不過算啦~ 呢度冇幾個答到我問題架喇...

加上我啲問題都有啲離開咗個POST...