拍拖要快樂但結婚要安定嗎

清新2

KA2837 發表於 12-4-7 10:06 PM
俾啲未拍過拖未結過婚嘅吹下先~

都差唔多吹完了

KA2837

你身為樓主應該帶頭講下自己有咩睇法先吖嘛~

大佬~ 我打字好慢架~ 你打咁少字好難激起我回覆意慾呀...?

你睇下上面啲回覆...根本就係嚟水兩句就呃分走果啲, 點可能有機會俾你領悟咩係愛情呢~

加上呢度大部分係飛機友, 一係就連旗都未識扯嘅, 仲有個28歲嘅處男...點會答到你吖...

不過唔緊要~ 好彩呢度有我!

得閑少少再回過你啦~ 我呢家好唔得閑, 大仔扭計唔肯瞓. 細仔又喊要食奶...

清新2

KA2837 發表於 12-4-7 11:56 PM
你身為樓主應該帶頭講下自己有咩睇法先吖嘛~

大佬~ 我打字好慢架~ 你打咁少字好難激起我回覆意慾呀...?

哈哈你係未30出頭了呢??

風在隨空飄舞

甚麼叫愛？
到而家我都答唔到自己

KA2837

得閑少少喇~

咩係一見鍾情?

你見到條女好索, 身材好正, 咁你就鍾意咗佢~
呢啲就叫一見鍾情~ 佢咩性格, 有咩行為, 你唔會知~
你更加唔知自己接唔接受到佢, 包唔包容到佢!

日久生情呢?

就係, 你唔會第一眼望到對方就會馬上鍾意佢,
但當你同佢相處耐咗, 你就開始發現佢嘅好, 覺得佢同自己夾,
甚至見唔到佢就有種唔舒服嘅感覺~
就算你唔係好鍾意佢個樣或者身材都好, 慢慢你會睇慣,
慢慢你會鍾意咗佢...

當然, 你可以一見鍾情後再日久生深情, 但係一日你未同拍過拖, 一日都唔會知佢嘅短處!

到你拍拖, 就算俾你知道對方有咩唔好, 你都可以包容到~
因為愛情呢家嘢係盲目嘅!
而到有一日你開始嫌三嫌四, 開始想改變佢, 開始會同佢嘈架etc.
咁即係話你已經唔再愛佢...

咁點解唔愛佢仲係要同佢一齊呢?
因為已經成為習慣, 變成一種需要, 由愛情變咗做感情...


等陣再講, 又到時間喂細仔食奶~

KA2837

到真係覺得對方嘅長處唔可以遮掩短處,
或者可以話完全唔覺得對方有長處嘅時侯, (即係話接受唔到對方)
咁就會分手~

打字好攰... 仲有好多可以講...

唔講結婚住喇... 瞓翻幾個鐘先~ 8點又要喂奶~

結婚唔一定為咗安定嘅~ 可以有好多原因去結婚~

"愛"可以解做"要", 從另一個角度睇可以話係自私嘅!

無私同自私點去解, 又係另一個話題~

愛呢樣嘢可以扯到好遠好遠~

不如你問下一啲問題先啦~ 我一下子講唔到太多~

講下你有冇理想對象, 有冇人你想溝etc.

盟主

KA2837 發表於 12-4-7 11:56 PM
你身為樓主應該帶頭講下自己有咩睇法先吖嘛~

大佬~ 我打字好慢架~ 你打咁少字好難激起我回覆意慾呀...?

駛唔駛唱通街呀

盟主

KA2837 發表於 12-4-8 04:37 AM
得閑少少喇~

咩係一見鍾情?

一睇就知你經驗豐富啦

KA2837

盟主 發表於 12-4-8 10:20 AM
駛唔駛唱通街呀

唱咩先~!? 都唔知你講乜~

KA2837

盟主 發表於 12-4-8 10:22 AM
一睇就知你經驗豐富啦

我飛女又多, 俾女飛又多, 開又開心過, 傷又傷心過~

加上以前我成日上森林國度個愛情版,

每個POST我回覆打嘅字比版主多十倍,

咩POST我都見過~ 男女 男男 女女 男女男 女男女 男男女女 乜都有~

呢個POST簡直小兒科啦~







吹下水啫, 放過我啦~

Taylor_Swift

清新2 發表於 12-4-7 06:27 PM
大家點睇
拍拖係未應該要搵個可以令自己開心重使無錢無職業
結婚先搵個能比自一個安穩的有一切你要的東西 ...

無錢又點會快樂呢?
唉....

盟主

KA2837 發表於 12-4-8 11:08 AM
我飛女又多, 俾女飛又多, 開又開心過, 傷又傷心過~

加上以前我成日上森林國度個愛情版,

我好怕比人飛,傷不起

franky$$

拍拖要快樂yes但結婚要安定=not sure

清新2

KA2837 發表於 12-4-8 05:56 AM
到真係覺得對方嘅長處唔可以遮掩短處,
或者可以話完全唔覺得對方有長處嘅時侯, (即係話接受唔到對方)
咁就 ...

我鐘意既女仔好簡單
外表青純
高矮瘦
都係一見鐘意既對像
如果講內裹既
聲音好聽D溫柔
唔便識好多野

清新2

Taylor_Swift 發表於 12-4-8 11:11 AM
無錢又點會快樂呢?
唉....

但我見好多呀飛都係咁

Taylor_Swift

清新2 發表於 12-4-8 08:42 PM
但我見好多呀飛都係咁

班人鍾意壞男人,無錢咪貪下佢個樣都算Ok既就手算...
只能說..這些機會...

Taylor_Swift

franky$$ 發表於 12-4-8 11:42 AM
拍拖要快樂yes但結婚要安定=not sure

結婚要安定=not sure
難到你想過不安定的生活@@?

KA2837

清新2 發表於 12-4-8 08:41 PM
我鐘意既女仔好簡單
外表青純
高矮瘦

首先, 你要知道咩係"竹門對竹門, 木門對木門"
好多人會認為呢句好老土, 愛情無分貴賤, 冇分種族, 冇分年齡etc.
但係有冇人敢講愛情冇分立場吖?

如果將"竹門對竹門, 木門對木門"化成"好人對好人, 壞人對壞人"呢?
咁會唔會容易理解一啲?
當然, 愛情只係一個名詞, 冇分好壞亦都冇分立場~
但人纇有!
你會唔會同一個同自己作對嘅人一齊吖?

愛情唔係一個人嘅事, 除非你愛嘅係死物!
就如呢度啲毒撚成屋公仔~ 跟本唔使理會隻公仔有咩感受~

你對人有要求嘅同時, 人地對你一樣會有要求~
最基本就係一見鍾情, 你覺得人地個外貌合你心意, 咁人地呢?
所以就有好多有自知之名嘅, 遇到鐘意嘅對象都唔會直接表白~ 變成暗戀~
亦都同暗戀嘅人做朋友, 希望日久可以令對方生情...

我同你講過"女人以貌為財, 男人以貌為財"
其實都係一個例子去話你知, 有啲嘢係可以揾其他嘢代替!
兩個人相處, 唔只會睇樣, 仲會睇好多嘢~

如果你個樣貌係短處, 唔緊要, 將長補短~
但咁樣要花多啲時間去令對方知道...

有錢亦都係長處~

好多人會覺得愛情唔應該同金錢掛鈎, 好介意人地鍾意自己啲錢而唔係自己,
但係如果問:"你鍾意我個樣定係性格?", 咁係咪同"你鍾意我定我啲錢?"一樣呢?

當然唔同嘅人有唔同嘅要求, 唔一定要係錢嘅~ 反正就你情我愿~

KA2837

Taylor_Swift 發表於 12-4-8 08:48 PM
結婚要安定=not sure
難到你想過不安定的生活@@?

佢唔只想要安定一樣咁少...

chen-i誠x

我兩樣都無所謂
只要我愛佢 佢想 i can do it 我反正都可以的