古舊棍仔心得 - 龍珠Online

2000FUN論壇 › 綜合論壇 › 龍珠Online › 古舊棍仔心得

查看: 1650\|回覆: 12	go [武道家] 古舊棍仔心得 [複製鏈接]

a1b2s3d

一星新手會員

Rank: 1

UID: 634969
帖子: 26
積分: 43
Good: 3
註冊時間: 06-4-30
在線時間: 163 小時

1^#

發表於 12-4-14 10:23 PM |只看該作者 |倒序瀏覽 |打印

本帖最後由 a1b2s3d 於 12-4-14 10:30 PM 編輯

前言
大家好，我係abss。相信大家未必識我，但係我係比較活躍於天下團體戰的格鬥家。
因為種種原因，我可能會離開龍珠。係無建樹，無名聲的情況下，我希望借住衣篇心得，可以總結一下過去的經驗，同埋留一個存在過的証明。

如果大家記得我, 見過我, 可以留低對我的評價, 等我好好反思留念

正文
首先分享一下自己的方針。
”有限投入下，不拖累隊友。”
或者大家可能奇怪，但係衣個方針可以限制到自己金錢的支出，未至於大量投入。

因為限制左支出，所以係武防強化上受到限制。在選擇取捨下，以強化武器為先，並希望提高回避力來減低回避力不足的影響。試著係高回的情況下增加輸出。

就以上原因，配點會就加強回避力和減低他人命中率。
以下為配點摘要：
(沒提過的皆是路過一點)
武道家：
沖暈滿
狼牙滿
擊波掌滿

咆吼滿
強靭滿
集中 1點

界王滿

格鬥家：
針刺攻擊滿
超針刺攻擊滿
靈敏滿
太陽拳滿
格鬥家魂點到現時的上限
回避率上升滿

睇完個配點，大家都會明白衣個配點係偏向團體，亦都會對狼牙抱有疑問。以下為我對狼牙的看法。
1，團戰打背的情況會較個人多。
2，格鬥家在沒爆擊的情況下，兩招棍技的傷害較低，狼牙可穩定輸出。

對於大叫咆吼，亳無疑問大叫的輸出會高一點，大家可考慮自己的武器強化來訂定方向，但係有一點係要注意的，就是現時團戰的輸出偏向氣攻。選擇大叫會有相應的風險。

裝備：
有如一般網絡遊戲，配裝備配法離不開以下兩點
1，改善弱點
2，增加優勢

在這兩個基礎下，就生成左以下數種配法：
1，敏棍，全身敏捷裝，在回避，格攻，格爆率上大幅強化。缺點係血量低下，係團戰中受到一下出血或者巨大化技, 劍的背斬就會死，可以說是賭上運氣的最強格鬥家
2，耐棍，全身耐力裝，在總血量上有優勢，在格鬥家先天回避率下，更高的血量令耐棍的生存力比敏棍更高，缺點係，爆率，回避力都兩頭唔到岸
3，敏耐棍，敏裝耐裝各佔一半，係血量，爆率，回避上得到一個平衡，就個人經驗而言，現行環境下打團體最穩定

當然，在武器的選擇亦有分爆傷，回避，命中，這裡不作太多的探討，希望大家心目中的配裝都可以打出過未來

戰術：
格鬥家在戰術方面主要以上BUFF次序為主，因為格鬥家的生命線為苦茶，而面對消BUFF，大家需要先上苦茶後上其他自身BUFF來保障苦茶不被消退.
具體對各職業點打，就睇大家自身風格同偏向

我相信，對於一件事物的堅持，係會有回報的，大家面對現行所謂的重道配點，先唔好放棄自己的諗法，去精進自己的戰法比參考人們的配點來得更有成果，更直接

最後，多謝大家睇衣篇半廢沒用的文章，亦都好希望大家記得我衣隻棍仔，ABSS。我好多謝曾經支持我的大家，好多謝大家用唔同的方式鼓勵我。但係面對龍珠，面對人，我都沒法再堅持下去。所有的野，就交託晒俾你們了。

再多謝你們，好高興認識妳，妳地，你們，兄弟。
多謝你，TC，矛你我唔會有+8格上下
多謝你，肥華，矛你我唔會有+8氣鞋
多謝你，7WOO，矛你我唔會有+12棍
多謝你，7虎，矛你我唔會有時裝
多謝你，本本杰佬快活，矛你地我唔會羅到第一

最後多謝你，大地，矛你我唔會去打團，亦都唔會有今時今日的技巧

我是一隻沒法再堅持的棍，勿念