政情：輪班防流會 還看四懶蟲

雪龍神

政情：輪班防流會 還看四懶蟲
立法會後日會繼續審議簡稱出缺安排嘅《二○一二立法會（修訂）條例草案》，為免重蹈覆轍釀成流會，建制派醞釀「輪班制」，確保唔會唔夠人開會。不過呢招都係隨時漏底，因為唔係個個議員都配合到，有立法會「四懶蟲」之稱嘅議員霍震霆、李國寶、詹培忠同劉皇發亦未必聽話。所以連立法會主席曾鈺成都唔睇好，話難度相當大咁話。
為咗抵抗流會，建制派急急度橋。民建聯葉國謙會負責收集卅七個建制派議員嘅時間表，以便實施「輪班制」，邊個唔得閒要離開議事廳就要講低，安排其他人捱義氣頂住先，確保一定夠人數開會。不過曾鈺成就話，「輪班制」實施嘅難度相當大，要視乎議員自己有幾大決心，佢就認為唔樂觀咁話。
現屆政府任期尚餘不足兩個月，但立法會仍要處理改組政府架構、立法會議席出缺安排、《競爭法》及一手樓銷售規管法案等，政務司司長林瑞麟尋日就話，有信心能喺餘下任期完成工作。

輸班制都出埋
睇黎真係想強行通過