男女感情問題!!! 感情問題

pang0533

兩個月前我鍾意左個女仔(以前既同事)!!第一日一大班吃飯,之後羅左佢電話!開始有whatapps 之後發現佢同5年既男朋友分手. 佢男朋友我識既但無傾過計.
有次Whatapps 下佢打黎同傾心事! 內容係講佢同一齊5年男朋友,每年分手一次,每次都係個男仔識左個新既女仔所以分手, 個男仔玩完新女又搵返舊愛, 個女仔比次機會佢. 因為個女仔真係女愛佢, 如事者到左今年四月,個女仔主動提出分手. 前後離合5次. 佢(雙魚女), 呢兩個月無搵工 , 成日打下機 , 我已經成日約一大班同事又叫埋佢去散心, 又叫下佢搵工, 好彩佢都有見兩份SALE,(兩個月見左兩份) 但無回音. 雖然我約唔到單獨同佢去吃飯同行街, 連電話傾計都係得一次(我有主動打比佢但唔聽), 但有成日Whatapps. 補充我23歲 女21歲
至到5月中, 之後Whatapps 傾計問下佢搵工成點阿?
佢答: 無回音...,,
我講: 不如見多幾份LA, 一係咁, 我地定一個日期,如果可以你係果日前搵到工  做, 我答應你一個願望, 相反你係果日後搵唔到工做, 你答應我一個願望!!
佢答: 你可以點答應?
佢答: 燈神?
我講: 有, 要合理!
佢答: 有咩? 我想同返佢一齊想佢愛我,你做到?
我講: 如果你覺得同佢一齊可以永遠快樂! 我會!
佢答: 你會? 唔係你會唔會做,係你唔會做到!
我講: 結果得兩個!搵返你同唔搵返你!
佢答: 咁關你做唔做到咩事!
我講: 好易姐我同佢講我追緊你!再加多幾句, 睇下佢有咩反應! 就聽日
佢答: 你唔好搞咁多野,唔該! 同埋你呢個行為無用!!
我講: 好過你係到等!
我講: 有用咩?
佢答: 無等!
我講: 自己決定左就唔好回頭!
我講: 每個人都有過去!
我講: 點解唔可以正面面對!
佢答: 有幾唔正面
我講: 你成日唸埋d負面野!多愁善感!
佢答: 哦, 總之你唔好搞咁多野!
我講: 點都好!我做事有分串!我只想你開心!我做到既都做左!頭先有冒犯sorry!!
我講: 記住自己有好多人關心你!包括我!
佢答: 嗯!咁你記住唔好搞事!
.......
我係在職人士,讀夜校,,無咩時間,

可以教下我點做, 而家我只想佢重新投入社會,

ＭＡＮＤＹ

個女仔都話左叫你唔好搞咁多野,咁你應該比佢自己選擇決定,
佢都成21歲..咁大個女仔會識諗做d咩架啦,
搵工既野由佢順其自然啦,唔好過份關心人地,
唔係佢會對你反感的,反感既話咁點會仲鐘意你呢,
係佢未搵到工既時間,你咪得閒約佢食飯傾計,
記住唔好過份緊張關心女仔就可以.

a19930417

女人都是矛盾的~~~~!!

yukihk1209

我都覺得佢叫你吾好搞甘多野~
你再做落去只會搞到佢僧你!!
廣真你又吾係同佢熟成日叫佢搵工
如果係我我會覺得煩~成個父母甘~
所以都係順其自然可能有意外收獲呢

華千代

講咁耐-好話唔好聽你都係想係佢低落既時間扶持下佢打動佢
佢會愛上你咁樣姐-勸你就唔好咁做
咁佢真係會愛上你又點??你對佢呢??係可憐之心定係愛??
唔好用自己既時間去換取一d唔值得既事情上面

如果純屬你當佢係朋友咁幫就免了-唔好高估自己先
唔係個個人你都幫得到

放下屠刀立地成佛

26825865

看你怎麼想囉

胡唸塗

21歲要靠自己咖啦,,,,,,,