對Diablo 3好失望??????

小力子力力

首先,本人有玩D2,近排係唔同地方都見到好多POST話對diablo 3 失望
但係你地講既point 完全係出自一班玩慣商城OLG...平時普通既OLG既玩家口吻
就係因為 Diablo 3 對你平時接觸開既online game唔同..

所以由你準備跟風跟大隊買diablo 3 果時抱既希望..
買完返黎玩點知完全唔同你平時玩開既online game既玩法一樣.

所以你地班人就一味話diablo 3 既不是,其實你地有無真正去了解隻GAME?
e.g 牧牛關既音樂倒轉左你地又知唔知? or 你地根本未去過牛關.玩完一兩個難度就話悶..又乜又乜..

其實你地唔鍾意玩咪返去玩返d小學雞座騎商城game..無必要發POST踩diablo3
我覺得有一大班志同道合既朋友玩既感覺係好正
可能你地單機開..感受唔到

gogodogcom

因為當年 2的迷戀....  所以享受d3 ing...  
當年玩D2 時也沒有太多垃圾online game .....
玩online game 由月費 ~ 打寶的樂趣..轉成免費..要買商城...代表online game 越黎越垃圾...有錢就是王道...
D3 其實也算是一個新時代online game....  不玩月費..不玩商城...  也可讓開發商有錢可以持續發展....
就是現金拍賣....     玩家也可找到打寶樂...一次費用買斷月費...也可在拍賣場中找到回報...

^Timothy^

我都覺好煩, D人成日係到講失望唔好玩
根本無一隻GAME係適合所有人玩

有D ONLINE GAME係無限LV, 你可以升飽佢
有D ONLINE GAME係有內掛, 你有錢沖裝就可以繼續玩
有D ONLINE GAME係玩技術, 唔洗錢玩就得

未打到練獄又話悶, 打到煉獄又話無得打

我之前未玩過DIABLO, 但都一早知隻GAME係打寶為主
打到好既未開心囉, 打唔到都睇下人打到咩
最少唔會個個人一樣裝, 一樣數值

宣傳做得太勁, 個個以為一定好好玩, 一定岩自己玩, 就人排佢又排
買完又話呃錢, 真係啤一聲

你話個故事好唔好, 我真係無追開劇情, 得閒打下EQ, 中左好野未當中左六合彩囉

23227281

無必要為班無知小學雞操心呀各位D3愛好者

雷陣雨

當年玩D2, 重頭玩起左幾十次,,打寶打寶打寶....
班小學_ 未親身體驗過唔會明當中的成功感同滿足感

大佬剛

基本上話失望果D人大多都係未玩過D2.跟風見人買就買.

之前玩過D2既朋友大部份都估計到D3遊戲內容及模式.

加上未正式發售網上已經有非常多GAMEPLAY/遊戲介紹短片.失望?係因為D人唔理三七廿一.連隻GAME適唔適合自己都唔理.隻GAME玩乜都唔做下功課.人地話買佢又買所以先會失望囉

又或是E代既孩童零用錢比我果代人多.慣性玩商城GAME.有一不快直接金錢解愁.唔懂得享受遊戲過程.打機目的就係為左>封頂>神裝>刪GAME>自豪

23227281

回覆 大佬剛 的帖子

咁跟風又唔一定失望~我都係跟風買架~DIABLO我都未玩過~不過今次玩出乎意料咁好玩

光軒帝

我之前冇玩開D1,D2, 亦都唔唔鍾意玩D鬥多錢鬥多時間, 靠神裝就可以打橫行既GAME

呢次玩D3都係見多人玩, 諗住陪FD玩下, 之前真係唔知隻game玩乜, 不過我對隻game本身都冇太大期望,
因為聽 fd 形容都預左, 加上唔係3d, 真係純粹為左陪fd而玩.

so far 玩左半個月, 話好好玩又唔算, 個人覺得只係不過不失囉, 如果一直冇更新,
我諗都可以玩到一年半年, 試哂咁多個職業技能組合, 過埋隱藏關就算了.

btw 我都想問下有玩過d2 既人, 覺得d2好玩d定d3 好玩d呢?
個人黎講, 我覺得d3最好玩係個拍賣場, 因為之前未試過玩d有得咁樣拍賣既game

23227281

回覆 光軒帝 的帖子

可能我個人著重新鮮感啦~加上未玩過DIABLO系列~所有覺得出乎意料好玩

BTW~美服幾點開番

小力子力力

好似hk兩點有得玩 (或更早)..
Btw. 本人美服..有興趣得閒一齊玩既 pm 你地個tag比我
我add你地果陣會註明2kf ..

23227281

回覆 小力子力力 的帖子

小弟並不是以小人之心度君子之腹
但近來聽到太多AC被爆~所以呢~~緣到有相見~緣盡便不言

大佬剛

回覆 光軒帝 的帖子

拍賣所起好多GAME都有.不見新鮮了

未玩過D2既.其實我都推薦下你玩.但專登洗多幾舊水買就無為了.朋友借又好.不實途徑亦好.真的可一試

但要有心理準備畫質唔可以同現時遊戲相比.始終係10年前作品

另外都幾BUY你果句[不過不失] DIABLO系列起我心目中唔會係極品.因為我個人偏好射擊/重連技成份既對戰遊戲.所以DIABLO未能進佔我心目中第一
DIABLO遊戲樂趣唔稱得上高得很.但我唔買佢黎玩我覺得會係人生一大遺憾

盲目支持我唔認為自己系.但D3絕對唔會係一隻爛GAME.代理商與同行比較亦算優質.基本上我對E隻GAME不覺反感.但亦不致熱愛

Kinda_Ziv

我覺得有一大班志同道合既朋友玩既感覺係好正~~~ 同意呀!!!!

真係唔洗理果D人, 佢地咁樣一世都唔會明D3既吸引之處~~

只係識跟風買黎玩, 又唔了解隻GAME

闇影

以前d2 出去執耳仔先搞笑 家陣等緊 唔知有冇得執a_a

Kｕsｏ-小光

主觀角度
覺得好玩未玩落去囉
唔好玩既未唔好玩囉
唔洗攻擊人地既- -

愛浦啊傑

對唔住...我有玩D2 , 但今次D3的表現有點令人失望
沒有以前的的樂趣...出傳奇我居然唔興奮....WTF!

同煉獄精英怪打....學長毛咁玩拉布-> 等CD, 別給它打一下....沒技術

玩完煉獄求的就是打寶/刷錢/係拍賣場一買一賣, 教你點做生意

求的就是更好的裝備, 但都只是希望不要幾下打死我而已.....


所以都係升定幾隻人等佢改版好過.............

都是命

小力子力力 發表於 12-5-29 10:57 PM
首先,本人有玩D2,近排係唔同地方都見到好多POST話對diablo 3 失望
但係你地講既point 完全係出自一班玩慣商 ...

我玩 online  有好多年了 , 都有15年以上
我之前d1 d2 d3  重未玩過  但係有一日朋友一直問我 有無玩d3
我本來話唔啦(因為有隻game 在玩 係天堂2)
之後有一日 無啦啦上左2000fun 去睇d3既po
一開始覺得都ok呀 可以玩下 唔好玩未唔玩囉(去回天堂2)
就開始一直搵都搵唔到邊度有得買d3
到最後我都係用同人收帳號既方式去買了回來
一玩之後.............................
停不了.....  我估唔到佢咁好玩, (因為本人玩game都係想玩技術的多d,又,唔係一直用錢就勁果d)
d3  佢俾到我, 我用左大約7日時間  我玩到人物 60級 攻有7.5w(唔係話好勁)
係我完全停唔到... 一直玩一真玩 ..到最後我天2 都放棄了 帳號先給了朋友代玩
我天2 都唔係新手果d..玩左天2咁耐(有7-8年)唔係話放棄就放棄
但係 d3 真係可以比我去放棄天2 ........

足金金猴

愛浦啊傑 發表於 12-6-4 05:18 PM
對唔住...我有玩D2 , 但今次D3的表現有點令人失望
沒有以前的的樂趣...出傳奇我居然唔興奮....WTF!

雖然話拉打, 但係要"別給它打一下"都唔係咁容易
漩渦 (吸你埋黎)同監禁(定身)好似冇得避既, 你技術幾好都冇用
傷害反彈同無敵嘍囉一出呢d打黎都晒時間, 除左走佬都冇咩方法
可惜走佬亦都唔係咁易, D怪一般都同你一樣速度, 甚至乎快過你, 仲有瞬移...
不過我都睇好改版, 升定d人同盡刷"有可能"解到既成就

爭霸者

一dd la

呀ｋａｉ

如果唔係要上網先玩到會更好玩

一紅就可以講早抖

不過60封頂之後係悶悶地日日為刷裝而刷裝

而且D2更多裝備可以比人玩

以前打到綠到綠裝真係可以著

家陣能力唔岩又拆得

技能方面個個都差唔多BUILD以前D2技能樹真係要研究點加點廢事加錯

家陣出街一個BUILD走天下你轉BUILD?無咩既唔見5BUFF囉