有幾多愛~可以重來？ - 聊天討論版

查看: 666\|回覆: 8	go [討論] 有幾多愛~可以重來？ [複製鏈接]

Wow_Beauty

一星新手會員

Rank: 1

UID: 2704390
帖子: 25
積分: 17
Good: 0
註冊時間: 12-6-22
在線時間: 4 小時

1^#

發表於 12-6-22 08:14 PM |只看該作者 |倒序瀏覽 |打印

最近執屋，搵返好多中學既相，諗返起好多兒時往事….

F.2有個女仔S同我都幾fd，傾開偈先知，佢爸爸係運動員，不過前幾年急病去左…所以佢都好努力游水，想承繼爸爸遺志….個時我覺得佢好厲害，大家又住同一條村，返學放學都一齊~但慢慢，因為班fd唔like佢(而家諗返都唔記得點解了)，就小學雞玩杯葛….之後佢日日都有一個揸電單車既男仔接佢走，我地班人都無再理佢…

暑假時，聽D同佢熟既同學講，S係親戚間鋪返工穿櫃桶底，比人趕走左….S又當D男性朋友係水魚咁勁”禁”佢地，出街所有洗費都要人地比…試過最經典係屈個男仔買即影即有底片比佢，仲要一買就3盒…其實又用唔著，個下真係唔明佢要黎做咩…@@再之後佢又試過比人包養左一個月，佢話基本上要留係個男人度服侍佢，除左陪佢之外又要打掃、執屋、煮飯咁…..自己唔可以隨便出街，聽起上黎有D似坐監咁~不過就月入有萬幾二萬蚊~過左暑假要返學，之後佢就無再做，中4之後佢都去左外國讀書

直到最近，我見S係facebook post返工D相，好似都係好本事好風光咁，月入都有萬六、七~~但聽返唯一一個同佢熟既人講，S借左佢錢之後就消失左，一直都搵唔到佢….過左一排，有財仔寄信去唯一同佢熟既朋友度，到個時個0個朋友先知原來S寫左佢做咨詢人。後來佢追問之下，S先講話自己借左十幾萬比男友，話係買樓結婚用既，但一收到錢個男仔就失蹤左……自此之後連S都潛埋水，無人再搵到佢

當時大家知道S又偷錢、又比人包，會覺得睇唔起佢，覺得佢不知所謂……但其實人大左，多少有D明白點解當初佢要咁做…當佢係家庭、學校、朋友都傾訴無門，偷野、靠男人養就係佢唯一諗到既生存手段……而家睇返轉頭，其實都有怪自己當時點解咁從眾，要小學雞玩杯葛佢….

如果當初我地有比多D十卜佢，件事又會唔會變成咁呢…？

讚0 噓0

舉報返回頂部