發表下我玩過國服既心得

kuen9090

哩隻game係幾年前我已經知道有,之後當國服一出 馬上飛左去玩,
雖然前一陣子係幾好玩,可能因為晝質太好問題,但係當你愈玩就會愈悶,
個時我玩到60lv左右就無玩,因為即使晝質再好,佢都係困死左係個副本度,
只可以係副本度先可以打怪,仲要灑個d幣,限死左人地一人玩幾耐,
而且講真,即使有新城,又無得隨地pk,個城又唔係大,始終最後都係會悶,
之後賺錢,基本上都係整裝賣出去最搵錢,首先要搵好資料,幾時會更新出新裝,
然後要盡快升到最高lv,副本一出再升多1-2lv就可以打新副本,
然後打到新野馬上拎去合再拎去賣,d新裝係5日內,d價錢係非常非常非常高,
但係5日後d價錢會慢慢咁趺,因為個個都夠lv去打,當然都會有d有錢仔怕麻煩直接收既,
不過d裝都出得好快,你個頭先染灑成套裝既色,哇,d染劑貴到...
總之純白,純黑最貴,之後純紅純藍都係差唔多貴,幾百萬1支染劑,之後染灑成套,
點知無幾耐佢又出過一套新既裝,所以都唔知仲染唔染色好,d裝又會綁定左,
又要買野解綁,都幾食錢下...
不過最後我無玩既原因都係因為玩黎玩去,最後都係困死係個副本度,無乜自由度,所以先唔玩,
都有不少玩家同我既情況一樣,開頭覺得幾好玩,就扔左唔少錢落去,點知最後愈玩愈悶,
之後就無玩o.o!

s_a_v_i_o_u_r_

你扔咁多錢都係想玩pvp online姐  好可惜瑪英就係唔興呢味野

叛帆║2007

國產遊戲非常適合你   隨時開紅 強p

patrick9988

-.-瑪奇都唔係D咩打交遊戲-.-
何必用咁多錢落去

言葉

我覺得城真係好細orz
仲有交友系統,公會系統做得唔好...
公會果個一定要會員申請=口=

GNA

我都中意瑪奇咁有副本 :0)  有平原怪
畫面幾好都冇用,日9日開game都屈係個城入面

出面好多新game畫面同樣正, 地圖又大
唔成日打怪升呢,遊下山玩下水都有排玩

999111999

我覺得瑪奇個公會仲未夠好.希望會更新

kuen9090

哈 原來咁多人都係同我意見1樣,真係的 其實瑪奇做得好過瑪奇英雄傳好多,
因為瑪奇既自由度真係好好好好好大= =!
又有得結婚,作曲,演奏,坐熱氣球,寵物可以飛天,又有副本,又有平原怪,地圖超多大,
又可以隨時對敵對種族攻擊 即使係城都可以,又有得染色,又有型裝,
相比係瑪奇英雄傳,有好多野都係無既,樓上講的岩的,我自己都係咁唸,
洗咁多錢都係為左殺人,我以前玩星塵傳說,原本好善良的我,
有一次比人邀請左入一個公會,個公會係獨立的,唔會有咩合盟,
一個公會對抗敵國所有既公會,打遊擊真係超正= =,
個時平均我每日殺80幾個人d惡名值已經到達不能回頭的情況,
可以說一世都回唔灑._.!不過亦係咁,幾日內出灑名,
打架殺人個種樂趣真係好正,係其他功能補償唔到的,
所以哩點係好重要的!

bmn779i

多謝分享HAHA