Material Girl~~~

便便

話說早排表姐係英國返左黎, 佢1返黎就問我借袋用, 咁借俾佢啦, 幾日後, 佢話約左個客食飯, 叫我出去幫手MARK野, 咁我就陪佢去啦! 點知餐飯途中表姐講左D野, 佢話覺得HK人好祟尚名牌, 出街見到既好多都拎住個名牌袋, 佢話佢以前都係咁, 不過去左英國之後冇晒呢D感覺, 而家都係拎D環保袋就可以出街, 因為英國個度個個都係咁…返左黎之後, 發覺唔得, 都即刻問我借左個袋用..其實初初聽到好嬲 , 佢好似暗示我祟尚名牌咁..

諗落, 其實發覺人真係會受社會影響, 的確而家HK愈黎愈多名牌店, 出到尖咀, cwb, 根本就比呢D名牌店圍住, 雖然門口排隊既好多都係大6人, 但都有唔少HK人夾雜係入面..唔好話個D比較旺既區, 而家眼見行入好多商場, 入面愈黎愈多舗頭唔係名牌, 就係為人熟識既牌子, 開始慢慢排斥D小商舗, 有時我覺得想平平地買野都幾難…當呢D野愈黎愈普遍既時候, D人就開始有個念頭 “人有我有”~

有時候, 我地應該鬧D人貪圖名牌, 虛榮, 定係根本個社會就係咁? 當我地唔係既時候, 又比人覺得係異類, 遭人白眼? 而家有好多援交少女蒲上面, 有好多新聞都講緊呢個問題愈黎愈嚴重, D人就話呢D女仔都係為左賺錢買花戴, 又話佢地拜金, 買名牌…雖然話有D女仔係有迫不得已既苦衷, 不過的確又有少部分人又真係咁樣喎.. 但係佢地呢種諗法, 念頭又係邊度黎呢? 如果當身邊D人好似係英國咁人人都拎住個十幾蚊既環保袋出街, 佢地又會唔會咁想擁有名牌呢? 如果HK既文化又唔係咁崇尚名牌, 佢地既路又會唔會係咁呢? 就好似之前D瘦身廣告咁, 1推晒出黎SELL瘦先代表靚, 個陣咪又好多人湧晒去瘦身公司, 仲有唔少人因為咁比人呃TIM…

有時不得不承認街邊既霓虹燈, 廣告不停SELL你著左之後點靚, D人點將目光放係你度, 對1個女仔黎講真係幾吸引 既, 有邊個女仔唔想自己靚D, 多D人鐘意, 受歡迎D呀?