它在我身體中沉淪，我身處的天空也正在沉淪

Wow_Beauty

早幾日個FD推薦我睇一本書，叫做「那年，我們吸了毒」…本來都唔係太想睇，心諗又食住「那些年」條水出書搲人睇…但睇落又覺得唔錯，唔洗兩個中我就KO左呢本書….

男主角本身雖然有索K，但因為比朋友跣，警察係佢身上搜到兩包K…佢一直強調係佢朋友既….佢係冤枉……但因為朋友潛水，加上佢被驗出有索K，而入到勞教中心……阿Sir好惡、好嚴厲….佢唔舒服，其中一個囚友幫佢講說話，搞到兩個人都被罰兔仔跳一百下……之後有D人因為沖涼唔夠快(3分鐘內要沖好)，比阿Sir罰一口氣飲一桶水….但唔比佢地去廁所….個男仔因為索k搞壞左副腎，當堂忍唔住賴尿…仲要自己抹乾塊地，去操場罰企到條褲乾為止……個個都好嬲，但敢怒不敢言….

當中最令我震撼既一幕係，後來男主角比阿Sir叫左入房，問佢知唔知錯…..佢仍然好強調自己係比人屈、係冤枉先判左入黎…但阿Sir竟然語重心長咁解釋「所謂既對與錯唔係在於因咩事而判入勞教中心，錯係在於自己既人生中有錯誤既選擇，先會導致要入中心，而家入黎就係要為自己做既”負責任”……」

個下我都窒左窒….的確，社會環境大氣候係好壞、好差、好不知所謂…..我地由出生到現在，家庭可能有好多既虧欠同不足…..但面對誘惑，我地仍然有選擇「Yes or No」既權利……人最可貴係有自由意志，好多時候，令我地賴野既元兇往往正正係自己…….

本書係由一個社工，集結幾個過來人既經歷寫既~書既重點係放係當事人面對壓力同困難時既種種反應同選擇….社工現身幫手既場面係零….咁樣反而好睇得到現實中濫藥青少年寫實既一面…. 同埋比到好大既反思空間~~誠意推薦大家睇睇^^

rocky_ng

每個人都有選擇既權利同機會，
同時大家都要為自己既選擇而負上代價
當揀咗take野，就等如要承受佢帶來既後果
take唔take，諗清楚先呀！

你識條春咩

TAKE唔TAKE野都仲要諗清楚，咩世界？
===============================
有飯唔食去吸粉食丸仔會飽D嘅

Wow_Beauty

你識條春咩 發表於 12-7-26 10:41 PM
TAKE唔TAKE野都仲要諗清楚，咩世界？
===============================
有飯唔食去吸粉食丸仔會飽D嘅 ...

無錯，呢個先係吸毒最弔詭既地方
其實係人都知吸毒唔好，點解比朋友慫恿幾句就會去take？同輩既威力又係唔係真係咁大？
我反而覺得選擇take野既人，本身都有一d解唔開既難題//唔開心既事，所以先會借吸毒去逃避
所以係選擇take野前，應該諗一諗，係咪真係無辦法到咁既地步先？@@

rocky_ng

其實吸毒既未必係單一成因---朋輩影響，
部份青少年吸毒是喜歡那種感官刺激多於要朋輩認同，
佢地呢份需要好似好難明，其實同我地玩過山車，為咗個份刺激感玩完又玩一樣，
有人會驚到震以後唔玩，但有人會百玩不厭。
對呢種刺激的追求，可能係天生既，當然吸毒唔係一個岩既方法，但如果希望幫佢地戒除呢個習慣，
我覺得多一分了解，先可以對症下藥囉！