未獲派Band 1 母禁女上學兩年被控

Wow_Beauty

今日睇到篇新聞，係講話有個阿媽因為個女考全級十幾名都入唔到band 1中學，嘈完派位組，又嘈教育局，再嘈埋孫明揚……雖然最後安排佢去band 2學校，都仲唔心足，竟然兩年黎都唔比個女返學，淨係安排佢係屋企自修……..最後呢位母親被落案起訴違反入學令罪….

我第一時間聯想起「怪獸家長」呢個term…..事事都要逼仔女做best of the best、做the king of the world…….要入名校、拎高分、入大學、做醫生、做律師……..近呢十幾年，香港地咩都要有個價，咩都要可量度、可計算…包括一個人成功與否，都照樣有數得計……要將成就量化，就要睇呢個人做咩職業、搵幾錢個月、住邊區、有無車….遠d仲可以追溯返佢係邊間u出黎，咩honor畢業、讀邊間中、小學….

雖然政府播埋d天真爛漫宣傳片話「求學不是求分數」，但呢種三歲細路都唔信既野一早已經不攻自破，而家連入讀幼稚園都要interview，以前邊樹有呢回事架？卒之又逼到班家長變曬怪獸，有理無理將d一、兩歲既b擺入play group；講真，野就唔知學唔學到，但好肯定隻隻b都惹得一身口水鼻涕、傷風感冒返黎…到底d大人細路搞到咁辛苦為咩？？佢地為既就往往只係一張靚靚仔仔既cert，去幫仔女既未來鋪路……令佢地既「成功」係能夠「量化」…

但最搞笑既係，邊個話要名校出黎至代表係成功？雲翔當年入唔到大學，而家咪又做左電影界成功既導演；想當年成績好過”標基”入左大學既精英，而家都係0係微軟幫”標基”打工咋~~到底呢套「成功量化」理論係咪真係咁堅？講黎講去，有問題既似係我地既社會，多過係家長同埋年青人….而家d新聞成日標籤化，話咩「怪獸家長」、「援交少女」、「吸毒青少年」、「問題兒童」等等，其實佢地唔會好似單細胞生物咁，自我複製再繁殖；講到尾，佢地都係受充滿問題既社會大氣候所影響，而衍生出黎既產物…

就係因為有呢d被社會逼成既「怪獸家長」，先會產生「問題兒童」，進而係壓力爆大既情況下變身成為「吸毒青年」同埋「援交少女」…..與其成日話香港青少年問題嚴重，不如話我地個社會已經病入膏肓。

Ch!xD

香港咁既地方 早走早著

Wow_Beauty

最慘最矛盾既係，唔係每個香港人都甘心or可以去瓦魯阿圖住呢
走唔甩，始終都要面對現實

x健三x

唉 band3既都入到大學啦
何必band1

Wow_Beauty

回覆 x健三x 的帖子

無錯~有志者，事竟成
教我心理學既Kong U Professor，佢會考時都炒左
卒之十年後咪又副學士上左港大degree，之後仲比教授推薦直入博士班

龍星雲飛

有心讀既係邊都讀得上去啦
洗鬼BAND1

卍中仔卍

band1唔代表一切.....