關於PVP各人血量不同等級問題...

flashget2893

打得機大家的裝備當然有所不同 ,  時間金錢放得較多既話裝備自然強一點 .

由是K1一向不多不少大家都聽到有 " 屈裝 " 問題 .
小弟來說 , 例如以1萬血作例 ,

我打5千血以下的( 當然我不選對手, ready了 , 有誰就打誰 )多數只用普攻 ,
綀綀進退普攻 , 除非打血少但攻高的洛軍 ( 只全上"水晶"的洛軍也絕不能少看 , 1技少說也打大約2000 )

打7千血左右的就開始放心打 , 多數出1,5技 , 除了所謂 " 公平點 " , 大家也知道太快完場也不怎好玩 .

打1萬血左右 ( 假設我也是1萬血 )  , 當然就全力打了 .

這不是所謂 " 教學 " , 大家當然有自己的選擇 , 用全力 , 也沒錯 .
強者是要贏得快 , 狠 , 準 . 對 ! 很自然對不對 !?  

但大家有沒有想過 , 人家可能只想普普通通玩兩場  , 例如說1萬血不多不少 , 也沒有爆技 , 普普通通玩玩吧?
為何總硬是有萬三至萬五血左右的所謂 " 有爆技的高手 " , 進來 " 快狠準 " ?

打了數場 ,場場似乎連15秒也頂不到 , 絕不難看出大家裝備差太遠的問題吧 ?
照上Full裝打  , 爆技照開 , 很好 ! 不停的進來 , 不停的秒 . 似乎覺得 : 無問題呀 !~

當然也有好心人  , 會因應你的血量除走幾件裝才打 ,
例如本來  16000 : 7000  /  去到 10000 : 7000 . 這種人我是尊重的 .

比起踢人 / 開口講 : 你去兩件裝再打吧?  我開始覺得大家係冇咩可能自動自覺了
總之希望大家記住  :  贏 , 要贏得人心服口服 . 你心裡好過點 , 人家也會尊重你這位高手 .

下下要講到出口 , 我覺得真係冇咩意思 . 特別裝備強人兩班  , 贏了還要串人 "廢" 的 , 我更看不起 .
今次唔係話特別針對咩人而開post  , 因為頭先撞到咁既情況係個會到抒發左兩聲  , 大家會友知道係有呢件事
就算了 , 也不好再提 .   因為就算唔計我呢單  , 平日1萬血洛軍不停進場秒人3千小龍小虎既見過  ,
8千血洛軍打4千血神仙 , 都要狂退 , 狂開1技掃死人既我都見過 .

希望大家自重身份 , 也給新手中手玩玩的機會 , 大家都係為左玩姐 , 下下都要人咁火有咩意思 ?
贏要贏到人爆晒粗口咁 ( 就算唔打出黎 )  , 定贏到人讚你有技術 ? 我知實有人講 whofxckin care 之類的野.
就算唔咁講都會咁諗  .
只希望高手們尊重下新手中手 , 佢唔係你打信長果時所食既兵 , 個個都係有自己故事既玩家  .
   
我所指狂入場可能唔太清楚 , 也許咁講:

場主開場 > 高手入(15秒秒掉人) > 完結 > 場主開第二場 > 同一高手再次進入(15秒秒掉人) > 完結
> 場主開第三場 >........

  
  

   

pl6564

講得有道理

kfc55

也訐...我該脫裝了=[
但是當你打一個新手時,你是否也會脫裝
樓主尼個貼是想叫我們這些"有爆技"的人不要進你們的場
也就是說我們應該分開黎玩?
有爆技只能打有爆技
冇爆技和冇爆技打
樓主這個問題我也有想過
但是解決方法是...?
當你一個老手係到無聊時,入下D場同人打几場好正常
但係冇對手,唔打又悶得制,咁你會唔會入去D場同人打先
你話我地尼D老手可以做D咩
看完這貼後我明了,我不會再和新手玩了

marcoltw

其實有時對老手來說, 真係好睇一個個人...

有d老手習慣晒有裝打, 有血量魔量, 可以將戰鬥的深度和闊度玩得多好多野

這一點是不是空裝對空裝時可以享受到的

如果老手有時好人 / 好心 / 或突然有興趣教人, 咁都可能會減裝或願意空裝玩玩既,
不過未必好多.

我個人都好贊成同等裝砌磋, 會令d新加入的人有更加動力去玩 或 去苦練,
下下都唔減裝而繼續打 無乜意思,
此外, 新人或裝備唔夠人既, 調返轉頭都可以開聲要求下, 但對方唔想或唔制,
咪開新場玩吧, 不用理那些人. 另外建議新人可以在房間名稱寫明一下, 會好少少.

flashget2893

三樓主誤會了~
我開Post唔係咁既意思 ~ 我諗我講過既例子 : 8000血洛軍掃4000血神仙都要狂退 , 再一邊狂出1技 , 呢個例子隻洛軍出唔出爆技我諗冇分別吧 .
我所說的兩個字講晒 : 留力
我也講過 , 呢個唔係教學也唔係咩針對 , 只係心得  , 我絕對無意逼你們這些老手做什麼 , 不能做什麼 .  

我打個比喻 , 中學生同NBA球手打籃球 , 假設你係後者
你當然有一切的理由屈人機 , 玩花式 , 玩到人一點反抗能力都冇 . 然而好了 , 一個中學生玩完之後心中不是味兒 , D分個位數對人三位數咁  , 上論壇說希望日後高手們玩果時留點力 .
你的反應似乎就係 : 下..有冇搞錯呀 , 咁你話我地D NBA既除左打NBA仲可以玩咩 ? 我明喇咁 , 以後大不了唔玩囉  .  

個中學生係咁既意思嗎 ? 係想逼到你 " 走頭無路 " 嗎 ? 是無理嗎 ? 我諗不太難明白吧 .  

我打新手的時候 , 時脫時不脫 , 不脫就如上提 , 只出普攻 . 脫至同水平 , 就認真打一場 .
有時候有些新手成4-5個咁開場玩 , 我會除到同水平裝先入 .

哪我假設NBA比賽完了 , 退下戰線後你覺得無聊沒對手 , "屈人機" 不是反把你的對手逼走嗎?
然而你覺得對手籃底射都唔係100%入到  , 你三分射係咁入  .  邊個會想同你玩 ?

flashget2893

小牛的邏輯還好..

有時玩到心灰吧.. 我見到有一些5千血左右的技術也都不錯 , 有些更有上萬出位度 . 然而不停的給人秒掉... 還好玩嗎?
好像玩單機槍game咁 , 打咁多場  , 場場人影都未見就比人秒左 , 充其量有時開到兩下槍 , 也打唔中就死了 .
呢隻game也無咩人會玩吧我諗.

我見有些人會選對手  , 不合心水就踢 , 留下些比自己差的 . 我個人就希望自動自覺點..
所以我通常也不會踢人..一踢還得了? 就在公頻說你廢物 , 不敢打  , 要不是廢物 ? 來打阿 , 來打阿 !

開聲一時時吧..也只會暗示例如 : 差太遠了..一招技都出唔到就死 /  ..差咁遠根本冇得打 .  
當然也有人以為我係讚佢勁~.~"  
有時會友也不留手..Full裝照屈..看來我也不好介意外人了吧 ..

kfc55

樓主sorry,我可能看到此貼時激動了(因為感覺在說我),我的言論請不要介意

pl6564

哈哈,kfc幾時都禁有禮貌.....次次都5會講野一針見血

s1001007

k1又多左個有觀點既人.睇來k1仲有希望
其實好多新手玩d小龍洛軍車仔都5錯.只不過限制系裝上面姐
而爆技又系另一樣野.爆技其實到40lv就可以學.如果系你自己5學甘就怪5到人
出位度真系自己慢慢打番來好.我琴日終於到左3萬.出位度開頭其實真系幾易拎.如果有d新/中手到1.8萬後.尼個就絕對有實力

樓主你講( 只全上"水晶"的洛軍也絕不能少看 , 1技少說也打大約2000 )
其實車仔/洛軍/小龍.命中到左300.有番3-4血晶絕對系可以同d'高手'玩番幾下.堅系好有好有實力既分分鐘仲可以玩番d'高手"
eg:洛軍,洛仔用最簡單既普攻,一技連到對方飛起之後用前前a/s,一技<甘己經可以慢慢玩個'高手"
想玩得過dd.招一技5好升.1-4lv就得,甘魔又用得5多.又可以似小虎甘連到對手5想玩,甚至走場
以上只有你有技術就得,要玩d萬幾血既人.又有幾難   (好簡易)

尼個系我自己覺得
雖然樓主可能認為d'高手'屈哂機甘,其實你1都可以做好多野ga
真系有d人秒完就系到串串貢,而你又認為個人廢ga.好簡單有個方法
:系公頻叫佢除裝到你甘上下,用挑戰卡<<
最後結果系點就要睇自己

flashget2893

回覆 kfc55 的帖子

明白 ,

事實上我對你印象真係唔差的 , 然而pvp這回事就是半個戰場 , " 上場無父子 " 嘛 . 我說沒針對人是真心的 .

我一直怪的只是自己 , 錢不投進去 , 然而K1現在差距太大了..
例如說  , 一隻熱門的新game , 假設係熱門到一開pvp room就滿晒人 . 我諗打5場 , 和自己實力差唔多既至少有4-5成 . 因為一隻正常的game : 新手是最多 , 中手第二多  , 最少是高手 .
然而K1我諗E+見到Full紫裝仲多過見到白品黑品裝 ...
所以先特別提下D老手..

因為K1玩家真係愈來愈少... 大家都唔想自己 " 空得一身好武功 " 吧 ? 時間金錢掉一大堆換得一身令裝..最後得番D小圈子自己玩 ?
所以有時有D細節 , (例如就下D新手中手) 幫到Keep住人流既.. 希望大家幫下手咁解 .

我自己嘛..老實講一開始都係有D嬲既 , 不過諗諗下真係唔怪得人既 . 比試點可以期望人地會自動留手 ?
不過大家打機開開心心...下下殺到人咁絕我自己就做唔出 . "以武會友"嘛..