中途轉仗請教

Hoi204

玩鐮刀玩到好悶 想轉仗玩  E+46lv
有冇人有試過頂唔順鐮刀轉玩仗既心得求教

叛帆║2007

名稱	技能等級>>>	效果	ꇯ實用/升級  分數
魔法箭	技能等級: 6	傷害增加73%。擊倒對方的機率增加19%。	ꇯꇮꇯꇹꉓ★★★★★★★★★★
冥想精通	技能等級: f	通過冥想獲得獎勵技能點的周期縮短90秒
战斗意志	技能等級: 9	受到巨大傷害時，抵抗擊倒的機率增加27%。超重時倒下的時間懲罰縮短16%。角色受到巨大衝擊時使用倒地法所需的體力不會減少。	★★★★★
炎爆術	技能等級: 6	傷害增加73%。擊倒對方的機率增加24%。	★★★★★★★★★
篝火	技能等級: a	可放置篝火。篝火狀態效果獎勵增加。	★
魔法盾	技能等級: A	受攻擊後，再生所需時間減少5秒.  吸收量和再生時間受智力影響.	★★★★    ★★★★★★
防禦增強	技能等級: 6	防禦力增加35	★
戰鬥精通	技能等級: f	普通攻擊的攻擊力增加48%	★
物理暴擊精通	技能等級: E	物理暴擊發動時傷害增加50%物理暴擊發動機率為22%	★★
魔法地雷	技能等級: E	傷害增加3%. 擊倒對方機率增加3%.	★★
吟唱	技能等級: C	可使用集氣4階段的魔法	★★★★★★★★★★
生命意志	技能等級: e	受到巨大傷害時，挺過瀕死狀態的機率增加15%。	★★★★★
敏捷增強	技能等級: d	敏捷上限總計增加61。	★★★★★★
意志增強	技能等級: d	意誌上限總計增加61。	★
重擊精通	技能等級: 6	所有重擊技能的傷害增加30%。用重擊擊倒對方的機率增加9%。	ꇮꇯꇹ်ꉓ★★★★★★★★★★
冰刃疾風	技能等級: A	傷害增加35%.擊倒對方機率增加15  %。	★★★★★★★
魔法精通	技能等級: 6	法術攻擊上限總計增加700。	★★★★★★★★★★
法術暴擊精通	技能等級: A	魔法攻擊發動暴擊的機率增加22%。魔法攻擊發動暴擊時傷害增加14%。	★★★★★★★★★★
智力增強	技能等級: 6	智力上限總計增加223。	★★★★★★★★★★
翔雀	技能等級: A	傷害增加12% 擊倒對方的機率增加7%	★★★

復活	技能等級: 6	把瀕死狀態的隊員以60%的生命值恢復。還魂的隊員在300秒內不能再還魂。	★★★★★★★★★★
鷹爪	技能等級: 9	傷害增加18%擊倒對方的機率增加24%從快速奔跑轉換成攻擊狀態的時間縮短1.8秒可以使用魔法地雷	★★
戰鐮: 犧牲	技能等級: E	傷害提升15%擊倒敵 人的機率增加6%	★★★★★
瞬移	技能等級: A	使用瞬移術所消耗的體力值減少7點。	★★★★★
靈魂傀儡	技能等級: E	傀儡的生命值增加4%傀儡的物理攻擊增加2%	★★★
生命盜取	技能等級: D	使用盜取生命恢復的生命值增加5%擊倒對方的機率增加3%	★★
月光閃	技能等級:6	傷害增加63%擊倒對手的機率增加27%	★★★★★★★★★★

ꇯ

叛帆║2007

戰鐮: 邪惡撕裂	技能等級9	傷害增加42%擊倒對手的機率增加18%	★★★★★★
聖靈福光	技能等級: a	15秒內隊員的生命值每秒恢復77。	★★★★★★    ★★
冰晶琥珀	技能等級: a	琥珀護盾的體力消耗減少10.比B級吸收更多傷害	★★★★★★★★★★
魔法冰刃	技能等級: a	傷害增加24%.擊倒對方機率增加7  %	★★★★★★★★★★
死亡烙印	技能等級: 9	一次最多在4只怪物上留烙印可留烙印的範圍增加10%對有烙印的對象使用重擊時傷害增加42%擊倒對方的機率增加8%	★★★★★★★★
煉金術：水銀粘固	技能等級: a	水銀粘固的有效時間延長5秒。	★★
聖靈起源	技能等級: 6	每秒恢復10點體力所有隊員每秒恢復5點體力攻擊速度增加10%持續時間60秒	★★★★★★★★★★

聖靈縛足	技能等級:F	使附近的怪物緩慢持續4秒巨型怪物持續時間可能會縮短	★
煉金術：元素傀儡	技能等級: a	利用煉金術召喚40級的元素傀儡。元素傀儡的最大生命值和防禦力，攻擊力增加。	★★★★★★★★★
魔法箭雨	技能等級: a	傷害增加15%擊倒對方的機率增加15%	★★★★★★★★★★
死亡纏繞	技能等級: 8	使用魔法絲線造成的傷害增加49%一次最多可以捆綁4個敵人擊倒對方的機率增加21%	★★★★★★★★★★
反引力風暴	技能等級: F	施展反引力風暴的區域擴大0%。	☆
煉金術：元素炮陣	技能等級: a	可以形成連續發射4次魔法彈元素炮陣。元素炮陣的攻擊力和防禦力、生命值增加。	★★★★★★★★★★

werdna123

杖娘同鐮刀娘只有部分要點既技能相同，所以如果要轉杖娘，將要重新投入大量AP到各杖娘專屬技能

杖娘既走位、攻擊方式都同鐮刀娘有好大差別，樓主可以求其攞支棍落副本試下，睇睇自己鍾唔鍾意

吁吁

最重要都魔法箭LV9  其他影響不大

花濺淚v3v

建議重練
由宜家開始轉修
條路都吾容易行

首先要講一講
法杖娘攻速有30以上
吟唱速度會明顯加快　1-2(秒/階段)

你可以參考#2同#3
不過我本身吾建議你盲目跟上網既教學
針對返個技表黎講
個表入邊有D技　系台服跟本未開放到果個等級

另外　我覺得目前玩專修比較好
跟佢一樣兩邊走好浪費　因為你話玩厭左廉刀
甘就吾應該再投資廉刀技能

再者　防禦增強、物理暴擊精通、戰鬥精通
呢三招技對杖娘無作用
後兩者直頭系完全無用 (除非你日日都拎住支杖但系玩腳踢　囧)

#2果個表度有錯漏地方
魔法地雷同吟唱個位調轉左

我見到#2建議將翔雀、鷹爪、地雷點高
應該系想玩瞬爆　我覺得可以參考　
不過我本人都系慣性用魔法箭打王殺怪
配合法術暴擊精通　效果可以好顯注
(我資歷淺　據我所知魔法箭會暴擊　白色一閃)
而魔法箭點到Rank6　擊倒對方機率會增加19%
可以比得上火球　但系火球有CD時間限制　好難連續施放
相比之下　魔法箭攻速快　絕對系優勝過火球術
而且點高火球上Rank6要花好多AP
建議後期　AP吾吃緊果陣先去考慮投資
前期點高左被動技能先　火球術F級/E級就足夠

智力增強、意志增強、敏捷增強 = A級
力量增強D級 (滿足負重專精既前置條件)
負重專精 = A級
皮甲布甲法杖專精 (按需要點高、暫時呢個版本全Rank9就足夠)

若果系SOLO型杖娘
元素砲陣、元素傀儡、元素傀儡大師　都點滿
不過元素砲陣我個人認為可以優先點滿
因為元素傀儡間吾中會短路痴左線　吾聽你話

SP技方面
反重力風暴、聖靈補血、聖氣補氣　
以上三招技全部可以無視　擱置F級
補血招技補好少　而且要消耗兩格SP　吾實際既技能
反重力風暴　點高呢招技只會增加範圍
吾會增加傷害　所以無用
只要隻王叉左一隻腳入你個反重力範圍入面
都會比你浮空　(例如　蜘蛛)
所以無必要點高呢三招技

另外我再望一望
#2個表建議將復活點滿
其實無用　放條復活羽毛仲實際
同埋復活技CD時間好長　吾好浪費AP點

之後廉刀技棄修　
(因為樓主你話玩厭左廉刀娘　建議你吾好再叉返隻腳埋去)
魔法盾　冰晶　冰刃　魔法箭雨　學佢點滿就0kay

以上都系小弟愚見
有不足既地方
望指出

werdna123

花濺淚v3v 發表於 12-8-12 03:42 AM
建議重練
由宜家開始轉修
條路都吾容易行

我都發表下個人意見，大家討論下

對於瑪英呢種無限AP既GAME，我好少叫人重練……由頭做過曬D以前做過既任務，除左時間問題，亦都相當悶……

如果想半路出家，一開始盡量點高魔法箭即可，琥珀睇個人需要，魔法盾、智力精通、魔法暴擊精通等鐮刀娘都要升，樓主玩到Lv.46，呢D基礎被動技能預左佢有升……

其餘杖娘專屬技能例如火球、魔法箭雨等，可以先升到E。因為技能由F級到E級加成較大，消耗AP亦少。將來比較優先要升既攻擊技係冰矛 > 火球 > 小冰，冰矛等級直接關係到能否凍住BOSS，小冰亦要夠高級先可以冰住後期既小怪，而且係後期英雄本作用相當大(由於英雄本小怪血多，雪住打安全之餘效率亦高)

魔法箭雨優先與否，睇你組隊密唔密。SOLO英雄本能夠俾你出到魔法箭雨既BOSS真係數得出……組隊既話就經常有機會用

SOLO愛好者可以考慮點高地雷，但唔算優先
豆芽炮可以升滿，無論組隊、SOLO都有用
至於傀儡……我國服杖娘玩到70級，好似用過5次都冇……=_=" 組隊用傀儡好易被人嘈，SOLO嘛……就係想同BOSS隻抽，我唔會俾傀儡阻住我同BOSS二人世界=v=

我SOLO時琥珀好少用、豆芽炮九年都唔用一次、傀儡……永不錄用，個人態度，僅供參考

以上係常用技能，其餘無提既都唔算優先，以後睇情況慢慢升。如果要將杖娘相關技能升滿，需要投入大量AP……我用左差唔多40000 AP，鐮刀技完全冇升過，都仲有部分技能未滿……=  =

花濺淚v3v

werdna123 發表於 12-8-12 06:43 AM
我都發表下個人意見，大家討論下

對於瑪英呢種無限AP既GAME，我好少叫人重練……由頭做過曬D以前做過既 ...

又系我黎分享下小弟愚見

我成日凝住樓主只系有升廉刀娘攻擊技

魔法箭雨呢招技我想幫佢申冤一下
基本上1-70我都系自己升返黎　困難都系甘樣單刷
魔法箭雨呢招技我個人黎講系經常用到
法速撐到上30　冰刃之後放魔法箭雨
又或者放閃光彈、炸彈　再魔法箭雨
又又又或者系用元素砲陣吸仇恨　要放魔法箭雨真系吾難
其實都系睇個人手感　呢一點無得拗

傀儡呢隻野真系好吾聽話
明明最需要佢既時候　就系單刷Raid果陣
佢系可以全程對住道牆撞黎撞去　吾知佢想點
但系無疑問呢隻野終有機會用到
我第一次需要用到傀儡　系發現傀儡對付某D死衝既王系相當實用
其實睇完你呢回覆　我的確覺得傀儡可以慢慢先點高
而對於元素砲陣呢個觀點上　睇法大同小異

我自己都系SOLO愛好者
我其實都怕自己一個人打王
所以好鍾意放隻傀儡同砲陣出黎陪自己
你講到好多隊友會嘈你隻傀儡
其實有機會組隊既時候　我連砲陣都懶放
因為有隊友牽引住隻王　我會即刻把握時間咩技都出齊先
爭取隊伍最高輸出

最後我想講一講冰晶琥珀呢一招保命技能
可能我控制技術無呢位師兄甘熟練
但系我想分享一下個人經驗
越打上去　就越覺得隻王攻速越王　發呆時間越少
而Boss怪連技都會密左
相信呢一點大家都好認同
而冰晶琥珀既存在　就系為左要防止閃吾切、失手既情況
比隻王打埋牆角之後永不超生
所以點冰晶系為左要令到隻王打到你飛起
再凌空翻騰三周半　去到一個離遠隻王既地方
呢個時候又系一個絕佳既施法時期

werdna123

花濺淚v3v 發表於 12-8-12 02:44 PM
又系我黎分享下小弟愚見

我成日凝住樓主只系有升廉刀娘攻擊技

嗯，多D唔同角度既意見，其他網友亦可以有多D參考

魔法箭雨好睇自己……我SOLO唔靠傀儡、炮台、輔助武器，用魔法箭雨既頻率非常低

如果係物都用晒，當然有好多機會用魔法箭雨……雖然我有D懷疑，由其他對象拉仇恨仲可唔可以叫"SOLO"…呢個純粹係見仁見智

琥珀……我能夠唔用就唔用，靠走位同BOSS周旋成功感更大。當然呢招好好用，急唔急升睇個人

花濺淚v3v

werdna123 發表於 12-8-12 03:05 PM
嗯，多D唔同角度既意見，其他網友亦可以有多D參考

魔法箭雨好睇自己……我SOLO唔靠傀儡、炮台、輔助武器 ...

我享受瞬間將隻王一條一條血甘樣打破
你享受同隻王周旋既感覺
玩遊戲　無謂太執著太認真

文人相輕　
大家識英雄重英雄
都無謂爭拗落去

交個朋友仲好

werdna123

花濺淚v3v 發表於 12-8-12 03:17 PM
我享受瞬間將隻王一條一條血甘樣打破
你享受同隻王周旋既感覺
玩遊戲　無謂太執著太認真

哈哈……用炮台傀儡算唔算SOLO一向有爭議，講到尾就係各人對"SOLO"的定義有唔同，玩得開心最重要

另外想問問，你地係台服組隊LAG唔LAG？我就係因為太LAG頂唔順，最近先玩番國服……但始終國服帳號唔能夠用香港身份證登記帳號，而且好多帳號安全措施都用唔到香港資料登記，唔太敢使錢。有得揀都唔想玩國服……但台服環境令我留唔低，唔知係唔係我網絡問題

花濺淚v3v

werdna123 發表於 12-8-12 03:27 PM
哈哈……用炮台傀儡算唔算SOLO一向有爭議，講到尾就係各人對"SOLO"的定義有唔同，玩得開心最重要

另外想 ...

自己開場都會覺得疾　程度輕微
但系入其他場就不敢恭維
玩玩下會斷線　彈你返碼頭
每日都會領教一次甚至幾次

所以我最近玩既場數都少左
黃金戰幣都無心機買

所以巴哈果邊班台灣人先搞聯署活動
要求橘子盡快優化線路　不然退出台服
回歸陸服

不過線路問題上
對單刷無影響

Hoi204

唔該哂兩位高手
我d被動技主要係+智力精通  法術暴擊精通  同埋重擊精通
其實我依家係咪應該一路用鐮刀升 , 技就加仗娘技,,, 捱到合左把象牙仗先轉會好d?
因為轉仗,,,合咩仗呢個問題都好煩.....合女巫個成本又好貴

werdna123

Hoi204 發表於 12-8-12 06:09 PM
唔該哂兩位高手
我d被動技主要係+智力精通  法術暴擊精通  同埋重擊精通
其實我依家係咪應該一路用鐮刀升 , ...

重擊精通對杖娘冇物用，以後有機會升埋魔法精通(消耗AP較多，有用但唔算最急)

你冇提到魔法盾……嚇親我=  =" 你應該有升吧？呢招有得升就升，保命靠佢


你以前試過玩杖未？建議你求其攞支棍試玩下先，我見過有人想轉杖，但玩過後都決定用番鐮刀……每個人口味唔同

目前最急既係魔法箭升到9級，你唔心急可以升到9先正式轉用杖

整唔整象牙棍我諗我唔適合俾意見……=v= 因為我對裝備極度冇所謂，我玩杖娘係將12級既水晶棍一直用到打完黑貝利，發現打得太慢先轉新法杖……

如果俾我揀，我會平平地打支伊梅克的救贖當做過渡，用到60級先算=0="

Hoi204

werdna123 發表於 12-8-13 12:02 AM
重擊精通對杖娘冇物用，以後有機會升埋魔法精通(消耗AP較多，有用但唔算最急)

你冇提到魔法盾……嚇親我 ...

魔法盾有升
其實想轉玩仗最主要原因係 我比較中意組隊打
但我發覺鐮刀組隊用處不大 當初玩純粹因為支鐮刀好型-.- 我冇玩過國服
轉玩仗應該可以提高係隊入面既價值

花濺淚v3v

Hoi204 發表於 12-8-13 04:05 PM
魔法盾有升
其實想轉玩仗最主要原因係 我比較中意組隊打
但我發覺鐮刀組隊用處不大 當初玩純粹因為支鐮刀 ...

杖娘輸出同弓手輸出都好高
小弟瑪英新手
最自豪既一次就系打古代蜘蛛
使Boss受到傷害45%

我新手