【活動】4力4技物理雙劍心得分享

﹏楓靖ξ影月

由公測開始已經期待雙劍，
直到上星期港版終於開放，
咁小弟緊係立刻開啦。
係遊戲入面唔少人都係玩法術雙劍，
但小弟就係玩物理雙劍既。
希望有幫大家啦O_O

能力配點
主要分兩個階段：
第一階段： 65前全力
第二階段： 65洗4力4技

洗4力4技既原因:
因為我覺得爆擊機率有40%，
其實已經好好爆。
加上之前更新加力會加爆擊傷害，
為左令爆出黎既數字會比較靚，
所以分配部分點數去力度。
而前期主要係跑任為主，
所以全力會比較快。

裝備
小弟暫時73lv；
全身都係70副本裝(挑力/技為主)；
武器係67既藍自製藍劍；
70法寶。

12-8-30 01:09 PM 上傳

下載附件 (152.28 KB)

心法
御力劍 7  
劍意無相1
固本培元4
劍傲天嶽1
動地渾勁3
凌天真勁3
皇劍極意1
鏡花水月4

副武 、 副武心法
副武方面，
我自己就係揀槍。
因為槍既心法有加技巧同埋爆傷。

副武心法：
星雲勁 7
流靈護體 7
剩餘既可以考慮加
穿雲勁風 <~~ 加移速，耐性
或者
玄武罡勁 <~~ 加體魄%

技能
將有對力 或者 技巧有加成既技能全部加滿先；
炎劍訣都滿；
皇極劍意滿；
其它技能自行決定。

技能其實都係一句老梗，
「有錢你就加哂佢啦=]!」

名將選擇
平民選擇: 哪吒
原因:
主要係特質加力3%，技3%，
技能又係以斬劈為主。
(補充: 雙劍招炎劍訣係每物理爆擊一次就降對方斬劈耐性)
哪吒本身用輪迴技巧已經係普藍(91)，
雖然力只係頂綠(74)，
但對平民玩家或者寶運唔好既玩家(我自己...)已經係一個唔錯既選擇。
如果咁o岩有錢或者好彩抽到中品轉身，
可以比到哪吒既話，
佢仲可以進化到力係普藍(91) 技巧係頂藍(112)！

其餘選擇：
呂雉
原因：
可能有部分人睇到呢隻野都會問係咩野黎，
甚至已經唔記得佢既存在。
所以係度提下佢既領取地點係 驪山，
加上要比一個珠寶先可以滿好友度。
選呂雉既原因好簡單，
就係佢特質係+5%技巧。
但係就一定要用中品轉生，
佢既技巧先會變成普藍(91)，
加上技能又係以斬劈為主，
所以如果大家想用無咁大眾化既名將，
而你自己又太多中品轉生(誤)，
絕對可以選擇呂雉小姐。

妲己
原因：
中轉後力量同技巧都係頂藍，
比較可惜既係特質係加5%敏。
建議可以用將星附體洗成力3%技3%甚至係技巧5%。
加上大招係回魔回血，
係練功同打副方面都無咁易死XD
同埋佢既技能係以斬劈為主。

絕仙
原因:
本身名將特質係技巧5%。
雖然佢中轉左之後力量同技巧都係只係普藍，
但係佢既大技對有玩PVP既玩家都應該幾有幫助。
當然佢既技能都係以斬劈為主。

其實以上四隻都只係舉倒，
名將我覺得係覺得自己o岩用就可以。



以上係小弟玩左一星期既雙劍心得，(升得好慢呢...)
亦都不諱言，
呢篇野主要都係參考台灣論壇某玩家既玩法來玩，
所以有見過都唔係咁出奇。
多謝咁多位收睇。
如果內容有錯，
請指出。
再次多謝！

角色名稱: 篠玥
論壇ID: ﹏楓靖ξ影月
論壇UNID: 1302093

12-8-30 01:09 PM 上傳

下載附件 (342.82 KB)