[洩文] Ｇ線上の魔王 (圖+劇透

低低…

幾經辛苦，終於完左隻GAME。G線一大特色，就係強邏輯性，玩既同時你係要不斷咁用腦跟上劇情進度
唔係件事完左你係唔知到頭來做緊乜。

基於呢個版人流頗低，我就蜻蜓點水咁講下２線感想算

椿姫
椿姫係個溫室小花不知人間險惡，主張『人之初，性本善』，可謂白紙一張。
因此係綁架事件出現後，負面感情開始出現，再加上『魔王』既洗腦同『遊戲』後，
令椿姫精神狀態疲化既情況下就開始動搖同迷茫。



然而男主京介認為椿姫個份善良同純真係無價值既野，係佢既觀念同現實前係幼稚可笑。
佢係過程中不斷誘導椿姫俗化係出於一種被認同心態，一種需要自己黎認同既心態。

久而久之，椿姫被俗化，開始變左MK妹
對家庭開始冷淡，對金錢開始重視。


椿姫俗化既劇情真係種折磨，一個角色之所以吸引人係因為其特點，
而如果一個角色失去左佢所持有既特點，咁佢就毫無吸引力可言了。
所以睇住變成ＭＫ妹既椿姫，我真係諗住唔玩

但眾所周知，椿姫係會變好的。但依段劇情某程度係反應男主既自卑，
男主既觀念全部係由細個同權三勾勒出黎的，即係現世係所講既『錢係萬能』。
男主應該所有人都會屈於金錢之下，但男主眼見椿姫無錢都咁開心咁幸福，
所以以誘導既方式黎證明自己生存方法係無錯既，錢係可以鬼推磨的。
但椿姫雖則無錢但仍活得開心，有個幸福家庭，而有好多錢既男主反而無。




總括而言，依條線充滿著曲折同矛盾，而由此可以窺見男主同椿姫依兩個人既內心。

春

成隻Game最激最精彩既一部份，就算係副線中做得最好既椿姫線都差幾截

一開始隻Game會誘導你，令你以為男主就係『魔王』，係其間差唔多係無伏筆去寫『魔王』既身份，
然後先出其不意咁推翻左個setting


作為魔王，恭平既心早就徹底扭曲，十年黎為左復仇同救老豆，即使知道自己復仇既對像本身同造成悲劇既事情並無太大聯系，但都係抑制唔到復仇既欲望，係意義黎講春同其媽媽成為左這股強烈既復仇欲釋放點。

十年，咁長既時間，可見恭平既執念有幾深，食左咁多苦，用咁多時間同精力就為准備依一日。


執著於復仇既結果就係僅存既家庭都完全失去，依點恭平係無諗過的，可以講佢對其媽媽同京介不幸遭遇負有全部責任，媽媽既死，細佬既『離叛』，完全都係佢一手造成的。

退一萬步，就算復仇成功，佢所付出既代價都太大，雖然復仇佔佢人生全部意義，但換來既結果都只係剎那既
滿足感。




春，細個本身係個男仔頭，但機緣巧合之下識到男主，仲對男主產生愛意，但殘念既係春好快要去德國，盡管相識時間短，春既愛意亦持之以恆，無視男主幾年後既背景身份，仍深愛住男主。當然，男主都愛春但男主太唔識表達自己既感情，一直間接做ｄ行為黎表達自己，直到最後都為左自己既女人而頂哂所有罪。
不僅僅係魔王同勇者的，仲有咁多年來既仇恨連鎖都被佢粉碎。男主係魯魯修黎
男仔頭
平時既春


魯魯修男主


BGM到位都飛起，CG都好完美。

總結：隻Game雖然摧淚位係有，但仍未到達key社，但佢帶黎既係令人遲遲不能忘卻既心緒。




頂哂所有罪既男主，同所有副女主入獄前見面
為左不留手尾，所以態度企硬，自己做哂壞人