宗教科同國民教育係咪都係洗腦科?

〒狂龍〒

KA2837 發表於 12-9-4 02:30 AM
講真吖, 呢個世界有咩唔洗腦? 心水清啲嘅都知道睇電視大把嘢係洗緊腦...

國民教育嘅目的係令人民對自己國 ...

「國民教育嘅目的係令人民對自己國家嘅認同~ 而唔係宣揚共産黨有幾好~」

呢個只係你一廂情願既睇法，實質香港政府係咪咁看待國民教育先？

要怪就怪國民教育手冊左傾情況太嚴重，簡直捧土共捧到上天，

你要知道，國民教育手冊係由政府出錢，話事權必定係政府手上，

係出版前政府一定預先睇過一次手稿，確定無問題先會拎出去諮詢，

政府無將呢本手冊彈番番去再整過，反而出版，

意味住從呢本手冊可以略知政府對國民教育發展既方向，

你要我相信有咁既願景既政府所推出既國民教育？SORRY！唔係唔得，不過難D

〒狂龍〒

其實好多國家都有國民／公民之類既教育，我並不反對設立此科，

因為住係該個國家既人，對該國既國情、文化之類有基本認知我個人認為係公民既責任，

唔記得日本定英國就係一個例子，你要移民既話，必須上一D課程，

香港政府處理咁合情合理，簡單既問題都搞唔掂，我對來屆政府不寄予厚望，

大家都係自己顧掂自己啦！

KA2837

〒狂龍〒 發表於 12-9-4 02:46 AM
「國民教育嘅目的係令人民對自己國家嘅認同~ 而唔係宣揚共産黨有幾好~」

呢個只係你一廂情願既睇法，實 ...

本手册政府唔係話坊間出嘅咩? 呢家政府請埋反國民教育嘅加入商討内容, 咁點解唔加入?

傾唔掂再反就遲? 反對國民教育嘅咪又係一廂情願國民教育係宣揚共産黨, 咁咪可以反囉~

就算肯加入都係雞蛋入面挑骨頭, 揾嘢嚟嘈, 揾嘢嚟攪, 為反而反...

唔會有心想香港好嘅一班收咗洋鬼子錢嘅假洋鬼子!

〒狂龍〒

KA2837 發表於 12-9-4 03:13 AM
本手册政府唔係話坊間出嘅咩? 呢家政府請埋反國民教育嘅加入商討内容, 咁點解唔加入?

傾唔掂再反就遲?  ...

先回答第一個問題，唔係，仲要斥資1千萬整本咁既野，你話死唔死先？

第二個問題，其實我都同意加入，如果唔加入只會比特區政府控制主要內容，

你一邊話政府設定既內容有問題，但另一邊唔加入委員會商討，的確有點兒說不通。

其實香港市民不嬲排共、恐共，原本透過國民教育可以讓市民認識多d祖國，

到底依家既中國同毛澤東年代既中國有咩分別。

不過今次香港政府出哂位，有份斥資既教育局，局長吳克儉仲可以以一句本野內容的確偏頗就算，

你講得句咁既野，出版之前點解唔睇清楚呢？推責任你就叻！

經此一役，香港市民反中情緒更加高漲，我想知政府點收科。

呢個政府我唔撐啦......留番比你撐-.-...

我放長雙眼睇下呢個政府有咩作為......

KA2837

〒狂龍〒 發表於 12-9-4 03:23 AM
先回答第一個問題，唔係，仲要斥資1千萬整本咁既野，你話死唔死先？

第二個問題，其實我都同意加入，如 ...

我相信連教育局啲官員都唔知咩係國民教育...
不過呢家攪成咁, 我相信佢地會認真了解咩係國民教育~

lee111

洗腦定義
令你思想被扭曲.對與錯不再分析.只相信某說法而不再有其他的反思可能性

KA2837

lee111 發表於 12-9-4 03:49 AM
洗腦定義
令你思想被扭曲.對與錯不再分析.只相信某說法而不再有其他的反思可能性

咁我相信國民教育冇能力洗香港人嘅腦!

除非國民教育可以令香港人賺錢啦~

lee111

KA2837 發表於 12-9-4 03:53 AM
咁我相信國民教育冇能力洗香港人嘅腦!

除非國民教育可以令香港人賺錢啦~ ...

至少如果行中國式的國民教育

不妨看看內地那班"對歷史被官方所扭轉的思維狀態"

不相信官方以外的說法
因為身邊一大班都是活在這個"教育國度"之中

KA2837

lee111 發表於 12-9-4 04:11 AM
至少如果行中國式的國民教育

不妨看看內地那班"對歷史被官方所扭轉的思維狀態"

我相信香港行嘅會係港式國民教育~

lee111

KA2837 發表於 12-9-4 04:46 AM
我相信香港行嘅會係港式國民教育~

希望.只會造就下一次絕望


這是我對香港政府的感想

雲路

依家反國民教育
就已經日日向香港老中青洗腦
國民教育是不好的,一定不可以推行
講都唔俾講,討論點去行又不可以討論
因為是洗腦洗腦洗腦@_@

c396437

其實點解宗教同國教科可以撈埋一齊講?
人地大大隻字寫明乜教乜教.全香港咁多中學.冇人拎住支鎗迫你入宗教學校嫁
你唔鐘意可以全選官立中學
國教科3年後就全部強推...咁揀咩?入國際學校呀個個?

COPY自己令一個PO

postpet40

上面有人話宗教唔會只講好野而唔講衰野
我唔太認同
上個月我朋友叫左我同一班中學同學去左個宗教既 camp
感覺就係洗腦，洗腦同洗腦
仲要變埋歌咁唱，用音樂黎洗人腦，話神係點偉大點好法
而且又淨係講神點幫到人點慰藉人.....從來都未見過有失敗例子
見到有d人咩都感謝神，明明未必關神事，好似話入到大學又要感謝神，明明就係靠自己既努力先入到
雖然都總會有運氣等等，但佢地比人既感覺就係只知神既存在而否定其他野
結果一行十幾人一齊提早quit camp

未去之前我都真係唔知係咁洗腦

c396437

postpet40 發表於 12-9-4 01:53 PM
上面有人話宗教唔會只講好野而唔講衰野
我唔太認同
上個月我朋友叫左我同一班中學同學去左個宗教既 camp

天主教學校讀左幾年
未聽過+去過宗教CAMP
只有一年一次F2軍訓CAMP &
一年一次長假期同學校高層去韓國朝聖(自己決定去唔去 & 萬幾蚊位...冇/小資助)
上咁耐宗教堂亦唔會有人有比人洗腦既感覺
因為話就話 宗教&倫理 實際上係倫理
更未聽過話"天主教係進步.無私與團結的教會" "耶穌至高無上 信他者得永生"等等一面倒字眼
何況個CAMP你自願去...人地一定覺得你信耶穌先會入 點會洗腦

校內外一切宗教活動參加與否.絕對自由.唔會加/扣分
升中4 分班/揀科亦唔計宗教科目既分

poon2701

http://hk.news.yahoo.com/blogs/sandwich/洗腦與荼毒.html

叻少

我都讀左七年基督教學校, 頭三年上宗教堂, 基本上都係聽故仔, 聽番D聖經故事, 感覺好開心, 個老師講得好動聽, 真係好似聽人講故咁, 個時幾鐘意上宗教堂, 中四之後就冇故仔聽LU, 宗教堂係一齊傾偈, 講道理, 整體上又唔覺有乜野洗腦, 你言語上表現唔信基督, D老師都冇乜點既

c396437

叻少 發表於 12-9-4 02:27 PM
我都讀左七年基督教學校, 頭三年上宗教堂, 基本上都係聽故仔, 聽番D聖經故事, 感覺好開心, 個老師講得好動 ...

中一個FD 考試卷四大先知 寫
先知.後知.不知.你知我知 都冇事-.-

小雄雄之空間

叻少 發表於 12-9-4 02:27 PM
我都讀左七年基督教學校, 頭三年上宗教堂, 基本上都係聽故仔, 聽番D聖經故事, 感覺好開心, 個老師講得好動 ...

我本人都係分別響天主教﹑基督教學校讀過呀...
上聖經堂真係好似上講故佬堂咁...
完全係聽故...最多咪比份工作紙你返去填充...
配對咁...
完全無強迫你一定要信架...