新手問題

冰祤

奇遇係迷即係恩怨任務定係八掛果D叫奇遇?-0-
同埋點先知道個NPC鐘意D/做D咩先加到好感度?
有個引導任教過對個個NPC飲酒 加到佢好感拎到個八掛消息 但係如果唔係個任教我買酒 我係完全唔知對住個NPC飲酒係可以拎到佢個消息-_-有冇辦法/提示可以睇到NPC鐘意D咩?

kiki0556

恩怨同八卦奇遇係兩個系統黎
你可以分3種任務系統去理解, 第一種係普通任務, 你新手入去直接可以接到既
第二種係恩怨任務, 要刷少少好感度, 完成任務得到既野會比普通任務得到既貴重少少
第三種就係奇遇, 奇遇有機會得到非常貴重既物品, 都可能係D小兒科野
八卦係比人收集消息去解奇遇, 奇遇有隨機, 亦有係需要達到某D條件/數值先會觸發, 而且有CD防止玩家刷奇遇
有時你行過點NPC佢頭頂會彈個泡泡出黎講野, 有時會有八卦, 全部內容要靠自己分析

至於加NPC好感不外乎都係打坐/寫大字/彈琴等等既生活職業/送禮物/假演武/飲酒/團練/殺人/被殺/救人等等
有D NPC你騎馬係隔離經過會加好感添, 不過普遍係會減,
總之唔同NPC對應加好感方法都會唔一樣, 有時間可以逐個試
例如係文人前面寫大字加既好感可能會比打坐多...
你見到個NPC隔離好多酒, 可以估下佢可能好鍾意飲酒, 就送壺酒比佢試下
呢D好多都要自己推測, 有時八卦消息會有暗示, 不過八卦可能係假的