宜家有成30隻英~唔知大家玩邊幾隻順手啲呢？

半糖可樂

投完票順便講下點解會鍾意lee一隻英丫~~
唔該曬大家~~~

半糖可樂

既然冇人留言咁我就自己推下~順便講下我鍾意咩英啦~
我鍾意嘅英有3隻~分別系維克托~威拉德同特莉薇雅~
點解會鍾意lee三隻呢？首先我覺得lee三隻英傷害都唔錯~

尤其系特莉薇雅
由封測玩到宜家都算有啲心得嘅~不喜勿插~~
佢嘅LR+R+SH一次過用左之後基本上除左坦之外都至少冇左半行血~
只要配合下隊友基本上好容易攞到人頭~
而且佢嘅保命能力都好高~Space可以變蝙蝠冇人打到你~Shift+L仲可以移動一段距離~
只要唔系Cd緊基本上好難俾人殺到~
但系要留意嘅系大技~喺某啲位系對佢好不利嘅~例如喺中路塔側邊個高台附近嘅位置~因為佢招技一撞到障礙物就會爆發~有機會打唔中人~咁就曬左架啦~（溫馨提示：大技降落嘅地點好重要~最好系比較平坦嘅~）
跟住就系維克托啦~
由於佢嘅Space令佢機動性喺game入面都算數一數二~
Space可以令維克托好似勞拉斯咁跳上天一段時間~~撳住Space可以滑翔~撳L會向目標沖去造成少少傷害~用黎快速加入戰場唔錯~
但系如果系比人追緊就唔好用啦~因為用之前會有一個預備動作仲要跑兩步先會飛~
所以除非你所在位置系敵人可以打到你嘅就千奇唔好用~99.99%會斷~
最好系用黎拉開距離~例如轉彎位~一轉彎即飛~
維克托其中一個特色就在於佢嘅普攻喺用左Q之後連擊數會變多但威力稍微降低~
而且攻速會增加~騷擾神技~因為受到攻擊會有僵直時間~你可以令對手行動不便lag下lag下咁（會令人好燥架）~
維克托令人感到煩厭嘅唔單只Q后嘅普攻~仲有佢嘅E
E會跳去你所指定嘅位置嘅上空~做出一個超大嘅龍卷包住嗰個地區~
而且撳實會儲氣~撳越耐範圍同傷害越大~喺維克托大技範圍入面系會緩速~
最令人絕望嘅就系明明喺維克托大技嘅邊緣~但偏偏冇辦法走出去~
佢大技都不可謂不痛~仲勝在大範圍tim~殺人其實都好易~
值得一提嘅系佢Shift+L
系會向前沖一段距離架~如果打中人就會一個後空翻回原位~但系如果打唔到人就會就咁企系沖出去嘅位到~
所以用黎避技能都唔錯~但系如果用黎打人就要留意~小心打唔到人不特止仲送埋自己去~ (溫馨提示：去練習場同勞拉斯打~感覺下維克托Shift+L嘅距離~)

到左最後就系我近期全力練緊手臂粗過大髀(？嘅雷帝-威拉德喇~
可能系因為小弟太廢啦~覺得威拉德有啲難上手~因為佢嘅動作實在太多餘喇！！（怨恨
威拉德每一招技都有一個好無謂嘅動作~搞到招技會delay0.幾秒先放到出黎~有時放遲左就Miss左殺唔到~
而且威拉德本身冇乜保命技~得Space可以向除左前方之外嘅位移一段距離~
冇得向前系佢最大嘅敗筆~俾人追殺緊~鬼得閒轉身放Space啊？
但不可不提威拉德嘅攻擊力真系唔錯~R唔洗講中曬三野~你都咪話唔痛~
加上去幾乎每一招技都系範圍性~Shift+L嘅雷喺一個小範圍都有效(不過真系好細）LR可以令你嘅目標附近幾個人一齊瀨野~呵呵~爽呀~
需要注意嘅系~威拉德嘅攻擊系會令敵人有一個Debuff~你嘅E嘅雷會高速貼住有lee個Debuff嘅敵人~敵人幾乎郁唔到咁濟~(溫馨提示：如果情況緊迫黎唔切用技附Debuff上敵人到嘅話就放完E之後馬上用LR電被雷劈嘅人(?就可以令你大技嘅輸出最大化喇~~)

]以上純粹小弟個人看法~不喜勿插~
有錯亦歡迎更正~

端木鏡夜

其實呢... 好多都幾順手

不過最近谷緊希瓦同蜜雪兒
蜜雪兒招垃圾球真係好鬼好玩
希瓦 暗殺王

半糖可樂

終於打完~隻手就黎抽筋~~
大家快啲黎投票啦~~~~
順便留底你地嘅攻略~~

ppufo007

戴馬士、卡穆、卡洛斯
個人偏重玩開近身戰，卡洛斯本身都係得近身戰...如果同遠程角打，可以用R快手沖到人地面前打近身戰，而且可以拖住對手走，除非個對手玩隻遠程角好屈機(即似奈歐碧可用Q技走)，否則都係有能力單對單嬴，加上佢的Space技可以走足半個場，可以幫自己隊好多忙，eg執機兵、幫遠處的對友手or即時走佬...等時機再出去打，雖然所用的技巧可能比較多，但如果識用呢隻角的話...會係一隻可以用得幾順手的一隻煩人近戰角黎~~~
而戴馬士就係打近戰比較全面d，係亂戰個時都可以有好高的輸出，當對友打到敵方一d角倒地時，戴馬士的Shift+L同LR都可以繼續扣人地血+範圍大，而且對手隻角就算係近戰角黎...戴馬士的Space技係反擊技，可以壓住對方黎打，人地冇血走佬個時...R技可以追住人地黎打，殺人地一個措手不及。當然...最有睇頭的E技>3<，係亂戰個時突然用...攻擊力極高之外，仲可以暫時停止敵方的動作，同時整到些許時間俾自己友重整陣勢，可以話係我目前黎講用得最順手的一隻近戰角~~~
至於卡穆，呢個角色算係比較煩的角黎，事關呢隻角的普攻幾高攻擊力，R技可以令人地持續受一陣攻擊，由於被攻擊期間冇得順利用技，可以製造個機會俾自己友沖上去一齊sm條友仔。而且，呢隻角有回復技，E技的範圍大...持續時間長，加埋LR技定時幫隊友回血，對於隊友有極大幫助，e生呢隻角算係攻擊同支援合而為一的角，所以基本上主要係後場攻擊，如果係亂戰入面，e生完全可以係安全區域到一邊幫隊友加血，一邊攻擊敵方令敵方持續扣血，係可以安全咁慢慢輸出的一隻超正斗遠戰角，唔使咁多技巧都可以用得好順手~~~

pkedward222

Stella 弱勢角色,可是因為愛在推動玩她....(簡單來說就是...自己喜歡就好lol

Trixie 好雙馬尾! (不萌嗎XD

Hotaru くノ一也是好物www

ps:攻略什麼的懶得再打了囧 有興趣的自行去看我的post .v.

半糖可樂

推推推~post~
話說~威拉德，希瓦和翠絲好受歡迎哦~~~

xtra0304

最強希瓦,萊娜,其他都基本上系平均,當然有十零隻唔識玩

禹桐

我用Viktor同Camille最順手
呢兩隻刀好易打到高分

kit996

點解好似無咩人選肥仔休　／ｗ＼
一個上釣拳，接ｆ,黎多個飛撲@w@
無腦推介 >w<
兩隻龍騎士都好好玩 .3.
手殘者玩法,一切以輸出優先~
選了休,崖,盧

stepty

暴能玩左有一個月,一開始係比伊格個樣同性格吸引去玩到依加-.-

lungalung

泰拉,維克托,瑩
泰拉,維克托是玩最好的角色
瑩是喜歡她的大絕,還有R變身

櫻姬寶貝

只有3個我選不到Q_Q..
(因為都是隨機的?!!)
如果真的要選就是 紅蝙 ~ 泰拉 ~ 奈歐碧@w@

~YIU~

我好似淨係色用D劍士英，同埋崔斯勒

plpl987654

3劍俠0.0