ProMini 4000S特別版外置電池

魚の微笑

中秋公司食飯,我好幸運咁抽到個六等獎,係個流動充電電池,我當然開心啦,成台同事得我一個中獎,正明我都有D運仔行下.雖然個移動充電電池唔係話好名貴既禮品,但我呢排正想買個用,所以好合我心意,同埋又係我中意既橙色,仲係螢光橙,不過D相出唔准隻色~


買野個同事仲話依個ProMini 4000S 係特別版產品,呢個牌子之前都有出過好幾款外置電池,不過我就唔理咁多啦,好用就得,至於呢個橙色既特別版移動充電電池唔單止顏色鮮豔,外型都幾好睇,有4000mAh既電容量,用黎充電話一般可以滿滿充到兩次電,容量絕對夠我用.


佢仲支援多種其他電子產品既流動充電需要,好似iPhone, iPad, Andriod智能電話,PSP或相機咁,用途多多.


套裝內包括充電器,一個電池黑色布袋同四條USB連接線,包括有iPhone, PSP, Mini USB同Micro USB線各一條, 只要將ProMini 4000S充完電插上對然既電線咁就可以馬上帶出街充電,好方便.


呢個特別版ProMini 4000S 真係好薄,大約只有8mm左右,我帶佢出街都唔覺大部,說明書重寫話部機有自動保護裝置,充分保護每個用家既安全,至少唔會用用下爆炸啦~

ltmood

Magic pro啲外置電池個外型都幾靚,唔知呢隻賣緊幾錢?

Alex_s

回覆 ltmood 的帖子

前兩日係LCX睇到賣緊三百幾,D顏色好靚