同女朋友鬧左交 對我好冷淡 佢想分手 又比d同學話我唱衰佢地

Garenets

是咁的 有日 女朋友就識左我班同學 之後就對我冷淡左好多 次次我地班同學加我女朋友出完街 之後 班同學就上我女朋友屋企訓 (女朋友屋企冇人)一直都係咁;之前我已經講過吾鐘意咁 到而家佢都係冇變 重主動約佢地出返黎一齊挽 ;而家 要同佢傾計 要打比佢傾計 傾多一兩句就話想訓教 /HW;日日同我班同學既其中一個 係度skype到下次出街(次次都係我女朋友主動約佢地) 之後又上屋企訓 返到屋企又係skype 日日都係咁 而家佢對個個同學既見面,傾計 重多過我 我吾想做一個有名 但係冇實既男朋友; 之後既生活都係好冇心情 返學又係咁 係屋企又係咁 我想問下 佢係咪想分手 但係又吾夠膽開口 琴晚同佢傾計 佢就話 如果你覺得我同佢地太close你接受吾到既 咪飛左我lo 打算星期日就自己開口;因為咁落去 大家都辛苦;
重有另一個問題;就係有時返到學校 有幾個同學見我冇心情 行過黎同我講有咩事 係咪同女朋友鬧左交 ;之後我話係 同女朋友發生左d事 自從識左班同學之後就對我冷淡左好多 因為我識行過黎問我既同學都差吾多都成年; 但係有個同學就係咁同人講 話同我出街既同學想追我女朋友 (我想帶出既吾係呢個意思 ;以係想講 我吾鐘意女朋友同佢地挽得咁close;)之後我班同學聽到之後 就好火 話我真係當你女朋友係fd 如果你真係吾想佢同我地挽既 咪叫你女朋友吾好約我地lo 之後到琴晚打比女朋友 佢就話做咩係咁唱佢地呀  佢地真係fd黎嫁 ;之後班同學就話星期一 3口6面講清楚佢 (而家係連我女朋友都覺得我吾岩 )

loveyoujj520

有時d野 你心中以經有個答覆
如果一段感情你覺得辛苦既   你就要好好咁問下自己  點解會辛苦   係咪應該再係埋一齊
如果知道左原因  但唔去改善係冇用

不過我覺得你女朋友好似只係掛住玩   你要好好咁諗下  一個一日到黑只係掛住玩既女朋友  係咪真係岩自己    同埋一個咁輕易講分手既女仔  佢係咪真係咁緊張段感情


你女朋友知道你地既問題出係邊  但冇諗過去改善    我感覺唔出女方有幾緊呢段感情  -.-     難聽d講係自私  一對情侶   係要顧及對方既感受  但你女朋友係冇做到  只係自己開心就得    唔會換個立場諗對方

Garenets

其實呢個星期我都冇點同佢傾過計; 呢個星期都係度諗 係度喊  ...而家就算諗返起佢都可以吾喊 但係未至於開心.. 可能我已經慣左冇左佢既生活  我吾怕流眼淚; 但係好怕會忘記左同佢一齊既回憶 就算係開心 傷心 都好... 之前同佢傾過 講左我既立場 感受;佢就話我吾信任佢 ;其實我明白呢度我個疑心係出左黎 但係個問題吾係信任個度 而家佢同d男仔挽得咁close 我吾想做一個有名冇實既男朋友

loveyoujj520

我要講既係  你係要信任佢   但同時佢都要比到信心你先得
有時d野  係要相方都退一步    你係可以退一步  但佢仲企係原地  自己快樂  咁你既忍耐有幾大呢   1次 2次  定係永遠都咁忍落去?   人係有極限既   忍到冇得再忍就會爆

如果你時時約朋友去玩  成日叫班fd上黎屋企  同女朋友傾計只係一兩句  同女朋友冇咩交流   你走去同女朋友講  你要信我  睇下佢可以忍到幾時     你女友只係企係自己既立場諗  但冇係你立場諗過  咁問題只係一直係到

Garenets

其實第一次上佢屋企我都算嫁啦 忍..不過都有講話吾開心吾想再係咁.. 第2次 佢個fd話比呀媽打 要佢搬出黎住 ;之後成班fd話上去安慰佢 10點上去 之後就話傾到太夜 係度訓埋 到第日就 挽到下午1,2點先走 之後我都有講過 點解吾傾快小小 點解一定要係你屋企訓 ..借錢比佢地飛的返荃灣 叫佢地遲d比返你咪得.. (12點就冇車 ) 好啦 到第3次 我問女朋友 星期六你地係咪出街 佢就話吾知呀 我只係知要陪xx(佢個fd 女仔黎) ;之後我就話咁我班fd呢?佢話吾知 ;之後我先知道 原來係我女朋友主動約返佢地 重要係一早約好 ;冇同我提過 係明吾想我去 ;咁係你主動約人既 咁點會吾知我班fd去吾去呢.. ok算啦呢個 ;我第2次出街個時 已經去到我既底線 因為我知佢地一定係佢屋企訓埋 但係冇爆到 忍; 同佢講 你咁落去 好快我地既關係會慢慢變淡 之後呢段感情會不了了之 ;但係當時佢就冇咩點緊張 就話 冇野嫁 fd黎嫁姐...咁其實我而家應該點做..而家班fd重係女朋友屋企 (今次係第3次出街) 一定會訓埋 ;其實我已經作最差既打算 就係佢同我班fd一到星期六就出次街 之後返學個段時間就 skype 之後我會頂吾住 講分手

hoyin2234

一個唔識尊重你、唔顧你感受、拍緊拖竟然仲毫無避忌咁去異性朋友屋企 / 叫人去佢屋企過夜、同異性出街仲要忍瞞你既女朋友──不要也罷
唔需要為分手而傷心 因為依個人已經唔再值得你去愛
我相信你同佢講分手果陣佢都唔會有任何挽留 100%SURE
佢恨不得你飛佢 然後佢可以以「自由身」去同異性朋友繼續癲

Garenets

佢曾經有愛過我 係睇得出 個時我個心已經係曬佢到 而家想離開都好困難..

loveyoujj520

越早離場越好  
你唔係離開唔到  係你唔捨得
你再痛苦落去  定係呢架離場痛苦一陣?

一段感情去到呢種地步  你仲去留戀有咩用?   佢會為你改變咩?  佢會在乎你感受咩?   佢只想自己開心

我唔係支持人地分手  但對感情連少少犧牲都做唔到  咁佢會幾緊段感情  有幾重視感情   佢重視既就係自己既快樂   呢段所謂既感情你仲需要留戀?

講難聽d   如果係我就唔好再浪費時間係呢種人身上  唔係顧及對方感受   唔尊重段感情   只識叫人退步  但自己就企係原地既人  呢種人真係一個好伴侶?

Garenets

其實呢個week都已經慣左冇左佢既生活 ;但係我都係會經常諗返起佢   吾知係我未真正咁放低佢 定係我幼稚呢

loveyoujj520

Garenets 發表於 12-10-7 11:25 AM
其實呢個week都已經慣左冇左佢既生活 ;但係我都係會經常諗返起佢

放手算啦   
放手後  休息好  就接受第二段更好既感情
你呢個女友唔係好既情侶  

講分手兩個字唔難   難係難在 你恨唔恨到心講呢兩個字

Garenets

嗯..咁今晚先打比佢同佢講啦...因為而家班fd重係佢屋企

花濺淚v3v

Garenets 發表於 12-10-7 11:37 AM
嗯..咁今晚先打比佢同佢講啦...因為而家班fd重係佢屋企

點解吾當面講清楚
一定要電話呢?

呢種事情
當面講清楚先會令對方感覺到
你對待呢件事既態度系相當之認真

Garenets

回覆 花濺淚v3v 的帖子

因為我叫佢出黎 佢都吾出 我已經講埋有d野想面對面咁講 佢都係吾出 係連見多我一面都吾想

花濺淚v3v

Garenets 發表於 12-10-7 01:18 PM
回覆 花濺淚v3v 的帖子

因為我叫佢出黎 佢都吾出 我已經講埋有d野想面對面咁講 佢都係吾出 係連見多我一面 ...

最老土做法
等佢

Garenets

回覆 花濺淚v3v 的帖子

岩岩同佢講左分手 講完之後佢冇挽留 只係sms左我 打左篇野 fb又打d  佢想分手但係吾開口 要我開口  我都吾知點解要咁

hoyin2234

Garenets 發表於 12-10-7 04:02 PM
回覆 花濺淚v3v 的帖子

岩岩同佢講左分手 講完之後佢冇挽留 只係sms左我 打左篇野 fb又打d  佢想分手但係 ...

真係俾我估中──佢絕對冇挽留你
其實樓主你自己應該留意到啦 佢個心根本就o係果班異性朋友到  你見佢成日主動班男仔 又成日叫佢地上佢屋企玩/過夜就知
不過既然樓主你都已經適應到冇佢既生活 就繼續咁落去啦
忘記一個人係需要時間 期間你可以搵第二個 可以專注o係其他野 但千祈唔好諗住再追番佢

BTW 我覺得你前女友係睇中左果班男仔入面其中一個

P.S 佢想分手 但係又唔想開口 原因可能係佢唔想做醜人 要你黎做 / 佢俾人飛左 班男仔就會更同情、關心佢

Garenets

回覆 hoyin2234 的帖子

而家d女仔吾會咁宮心計掛...

hoyin2234

Garenets 發表於 12-10-7 09:31 PM
回覆 hoyin2234 的帖子

而家d女仔吾會咁宮心計掛...

女人心 海底針
樓主你諗女仔諗得太簡單了

Garenets

回覆 hoyin2234 的帖子

無呀..小弟初戀 本來打算開開心心咁過  如果佢真係你咁講既話 係我吾好彩啦咁.. 不過我由當初吾識去愛一個人      到佢開始對我冷淡 我先識得去愛一個人 可惜 我身邊已經冇人...

hoyin2234

Garenets 發表於 12-10-7 09:38 PM
回覆 hoyin2234 的帖子

無呀..小弟初戀 本來打算開開心心咁過  如果佢真係你咁講既話 係我吾好彩啦咁.. 不 ...

每次拍拖都好似上左寶貴既一課咁 即使最後大家分左手 你都一定會有所得著
冇錯 所有人既初戀都係單純 你女朋友既出現 就係要話俾你聽 世上係有D咁既女仔
你唔係唔好彩 你係非常好彩 你越早遇到依種人 就可以越快學識點樣應付