黑店!!!!大家千其唔好幫襯髮絲舍!!!

愛總有懷疑

事源係我係上個星期六9月15去左灣仔莊士敦道189B髮絲舍,
佢間野係大街,過馬路就見到,好易認
我未去過呢間野,但見到佢喺大街,見佢門口寫200染頭幾平先幫襯,入到去揀到色,佢就話呢隻色要350,我問佢點解佢話材料貴D,貴D都算,佢跟住求其摸下我D頭髮就話要加錢,因為我D頭髮太多一支唔夠,其實我D頭髮電過,所以的確算多,我冇為意就話OK,跟住佢先話呢個唔包洗頭,洗頭要另外收費,我真係未見過染頭唔包洗頭,唔洗頭唔通我頂住成頭染劑番屋企咩,加埋就要478,染果時先諗起多唔多頭髮都應該統一收費但已經染緊
錢其實都唔係問題,但染果時就唔係同我傾果個人染,佢叫左個賓賓幫佢,佢剩係講"茶"下層d頭髮先再"茶"上層既頭髮,一開始我只係以為果個賓賓可能係佢助手,咁就冇為意,果個賓賓茶得好均勻,連我d頭皮都茶埋,茶完等左大約10分鐘,果時已經個頭感覺到好"那",我之前染過幾次都未試過咁"那",果個人就話正常
跟住蒸果時仲衰,賓賓將個蒸機放得好近我個頭,蒸果時又那又痛,但果個人都冇理我,好辛苦咁忍左10分鐘,賓賓幫我洗頭,果時同隔離果個賓賓係咁傾計,我先知佢係賓賓,因為佢地講賓賓話,應該係黑工,染完隻色都ok我就俾錢,點知我番到屋企摸下個頭先摸到成個頭頂都係果d染劑,一舊舊黐哂係我頭頂d頭髮度,近距離照鏡望到成個頭皮都俾佢染到紅色,我洗左幾日先洗得甩一舊舊果d染劑,但已經甩左好多色,我個頭皮有d位仲結左焦,即係佢染到那傷左我既頭皮,真係勁嬲