其實九陰真係幾好玩, 但係點解個個都唔想再玩呢?
九陰真經唔計封測, 9月14日公測起計到而家都只係2個多月, 玩家流失量係每日創新高, 點解?
無視遊戲內既大量外掛, 免費online game通常都有一個共通點, 就係有好多角色需要用既物品, 要用生活技能先得到, 但呢個動作通常會引來一大班搵錢既外掛團隊, 呢D外掛團隊, 會將生活技能得到既資源, 擺攤賣比玩家, 玩家如想快D可以做到需要既物品, 就會用遊戲幣購買, 有需求自然有市場, 有市場自然會引來大批外掛...(未計爆AC得到既遊戲幣)
代理商(G1)唔正視問題, 有外掛唔處理, 最大得益係邊個?? 代理有無諗過, 你要用錢買隻遊戲版權返黎, 但係呢班外掛, 郤不需一分一毫就可以搵你一筆, 佢用外掛收集到既物品, 擺攤放比玩家, 得到既遊戲幣又以比點數對換仲要平既價放比玩家, 呢個循環你都唔識計咩? 因為太多外掛, 令到玩家得唔到需要既材料, 明知係同外掛收, 有咩計呢? 因為需要所以無法
新手保護唔足夠, 遊戲裡面對新手保護已經係無咁滯, 係遊戲裡特別既稱號係需要殺人換取得來, 但係新手無實力, 仲要初字頭果D玩家, 就會比D想要稱號或者想發洩鎖定為殺害對象, 新手根本就係任由宰割, 無還手之力, 呢隻遊戲都有個特色, 就係分身特別多, 每個玩家一定會有個分身, 老手既玩家, 當你開新手既時候有無比人宰割過呢? 將心比己, 如果我係新手, 入黎係做比人發洩對象, 咁我都唔會玩囉, 呢個情況, 有時就會係玩家自己玩死自己囉...
遊戲無新意, 遊戲裡面既副本係多, 禁地有暮色之村, 青雲堡, 孔雀山莊, 龍門客棧(未開放), 而勢力踢館有32個館之多, 但係踢館都係千篇一律, 而家開左3內, 有好多門派因為需要交材料而要去踢館, 但去踢既心情係迫於無奈囉...
禁地還好, 去打既心情係想打, 但係時間太耐喇, 一個傲視群雄既打普通青雲, 需時大約0:30-1:00個鐘, 但地獄青雲需時最快都要1:30鐘, 話就話12個人打, 但係D王有番咁上下硬, 就要時間耗血, 加埋殺手, 有時真係要重置隻王, 禁地既時間太長喇, 有好多人都會組埋一D自己打開既人打, 打開有默契, 唔駛晒時間, 因為遇著一D新手打, 地青真係會打成3個鐘有多都唔出奇, 咁樣打副本就真係一種折磨勒,
仲有樣野玩, 就係世界王, 但係.....新手路過都死啦, 3隊18人, 平均實力係傲視群雄既人, 平均每人死8-10次, 打左差唔多30分鐘, 世界王先被扣一丁點血, 幾難得見到隻王條血有黃色出現...簡直係不可能的任務, 咁我情願你收番佢, 唔好出啦...
全無協助過比爆帳號的玩家, 一個玩家辛辛苦苦建立自己既角色, 但係無啦啦比壞人爆左帳號, 盜走左角色裡面既遊戲幣同埋值錢既物品, 即係等於你放工返到屋企, 間屋空空如也...比人偷晒D野, 要重建還完番本來既所有野, 唔係唔可以, 但廢時失事囉...完全無諗過玩家既心情, 比人爆左AC已經好DOWN, 同G1講, 又無協助, 淨係識叫人去報警, 報左警咁點呢? 等消息囉...一D都無誠意同決心幫助玩家, 大龍鳳都做一場丫, 搵D高層同警務處-科技罪案組影張相, 放上黎, 比人睇下都好丫, 比人感覺到你地G1有做野, D壞人都無爆得咁倡狂丫, 連少少野都唔做, 要玩家點對代理商有信心丫...
我唔係咁輕易放棄既人, 但係...好多周圍既事物已經令我動搖, 身邊有好多人比人爆帳號, 有幾個直情比人改埋密碼上唔番個遊戲角色, G1又無幫助到佢, 好友欄裡面一個一個咁消失...歸根究底, 問題出係邊呢?
到呢度多謝睇晒呢篇野, 個人感想不喜勿插 |
發表於 12-11-21 02:34 PM
發表於 12-11-21 02:47 PM
