大家玩左一日,覺得呢隻game點?

ivan2006123

我覺得,除左組隊冇用,同正規戰太變態
其他野都仲可以接受到
d使徒拎黎頂,超有用@@

leung200914

跑任係遠同埋同其他玩家交流麻煩D之外都OK既

wolfhell

你地依D問題遲早一定修正好

但依隻game本身存有內掛功能，

對本人黎講係一件唔多喜歡，可以放棄唔洗玩

封測都有內掛功能咩唔知幾多錢就3小時5小時及8小時比你地任打怪

咁你地應為到左公測玩家可以係其中3小時、5小時及8小時真的比你地任打怪嗎??

如果本人冇估錯嘅話，到時候公測玩家就會依靠內掛來玩

至於內掛比你地3小時、5小時及8小時之內任打根本就間接性沒用處

到時候公測玩家就靠愈多錢就使用得愈多內掛卷軸的小時

ivan2006123

回覆 wolfhell 的帖子

你講得好好,我都唔係好鍾意d內掛,加上你講到公測,d玩家有錢就買3/5/8小時內掛,一定架啦呢樣野,
唔洗自己打就咁掛機,個個都想,所以我覺得呢隻game好快會汁= =

Ｋiss☆

回覆 wolfhell 的帖子

其實內掛好普通..
你睇番5-6年前ge RPG online,未必有內掛,但會有外掛
然後又因為外掛,而令到隻game快速死亡

甘宜家俾內掛你地用(基本上近e幾年的GAME都有內掛)
你地又吾鐘意,又話有內掛
系甘ga啦
打怪GAME冇內掛,仲點掛網打怪?當然你吾鐘意有內掛,因為你吾想打/冇得掛之類
但你就算玩其他RPG打怪game,都90%會有內掛,如果冇內掛,就實有得出外掛

你要玩冇內掛GAME,就吾好玩打怪升lv,去玩d開房/開副本/開場,等人入
操作性高d的遊戲

wolfhell

Ｋiss☆ 發表於 12-11-25 12:34 AM
回覆 wolfhell 的帖子

其實內掛好普通..

唔係話普通嘅問題，只係因為間公司怕麻煩，

怕日後外掛者影響佢地( 研發商 )間公司成本、利益費用( 例如: SER維護費用、硬件升級費用...等等 )

先至設計有內掛，如果一間公司有能力打擊得到外掛或降低得到外掛數量根本就唔會設計或考慮有內掛功能

再講出得有內掛就可以話間接性失去online game風味，唔講隻game係唔係神作之類

因為出得內掛99.99%玩家只會依賴內掛黎玩，而且有大部份玩家根本就係個很懶惰動物

例如: 解/接任務又要自動導航、自動尋路徑，打怪升LV回藥品又要用內掛或自動回復生命或MP

其他野懶惰都算，就連有部份玩家喜歡內掛都講到近乎歪理或病態

例如: 打怪經驗少就要用內掛、內掛可以方便玩家在上班、睡覺都能得到EXP或升到等級

最後今時今日嘅年代，支持手動玩家以經愈黎愈少之如

仲要搞到個個玩家懶惰到咁，就算遊戲報章雜誌話某某RPG online係神作

對本人黎講都變得爛作RPG online或神作都有個譜

紅茶世代

基本上就算有內掛  都應該有外掛既出現

暫時未試隻GAME   唔清楚佢個內掛時數係本身掛機系統限制定係點

如果只係使用內掛系統既時數限制   相信外掛一定會蒲頭  之後再整一個24小時non-stop既掛機

講真  呢幾年既game都係咁上下既野   要佢地自己捉外掛都未必捉得晒

由其是香港人貪圖方便  有掛既話  7,8成人都會走去download黎用  

隻game唔係月費制既話   捉完d人都係開過新帳 / 直接唔玩既姐

有d醒目既仲會利用game入邊既拍賣系統之類   將掛返黎既野轉返去正身帳號

唔查ip根本封唔到佢地d帳 ._.

只係封裝備或金幣流向既帳號  亦有可能波及到其他無使用外掛既玩家  

升lv  掛金幣 過任務    自己又唔駛係電腦前面控制

部機夠勁仲可以多開黎掛  咁著數既野真係唔係好多人頂得住誘惑

fantasyzero420

内挂。。如果剩系用系统规定内ge时间。。应该冇咩问题。
如果发现用外挂就直接拉人就ok啦。有只game都系锦，比佢老板入去坐几个月睇佢仲敢唔敢挂。

wolfhell

fantasyzero420 發表於 12-11-25 04:19 PM
内挂。。如果剩系用系统规定内ge时间。。应该冇咩问题。
如果发现用外挂就直接拉人就ok啦。有只game都系锦 ...

冇用嫁俗語都有話: 你有張良計佢地點都會有過長梯

唔理內掛係咩類型都好，隻game存有內掛嘅話佢地點都會有辦法用內掛用得更長久

fantasyzero420

话时话。。。只game系唔系免费架？ 收费我就费事load

Ｋiss☆

wolfhell 發表於 12-11-25 04:39 PM
冇用嫁俗語都有話: 你有張良計佢地點都會有過長梯

唔理內掛係咩類型都好，隻game存有內掛嘅話佢地點都會 ...

其實吾理佢因為怕吾開內掛俾玩家用,驚佢出外掛?
定還是站玩家角度大家方便?
定還是想人買點去商城買掛機卷?(我覺得遲早會出
點都好啦,升lv ge online都大部份有內掛,你吾鐘意內掛,去玩d操作性高

另外第1.
我其實覺得內掛冇咩影響,首先e幾日有玩ge都知,主要升lv靠解任,打戰場,打超滅戰
e幾日打每隻一般小怪(lv40前),根本升得個0.0xx%,仲要已經雙經(官方話200%經驗
甘你諗,就算封測公測以後用內掛,都只系不能手動情況下,去刷怪賺少少經驗,賺少少錢
但講真,賺得幾多?人地吾熄電腦去掛,換泥經驗值同金錢
等價交換,我覺得好合理

第2.
30級前買掛機卷,1蚊,好平
30級後買掛機卷,我忘記左是3小時定5小時,你估下幾錢?
20萬,你冇睇錯,我冇打多個0
是二十萬一張
有幾多人買得起?最少封測冇人買,公測有但少,我諗lv40-50前,都冇人捨得拎20萬去掛3-5個鐘
然後我當你掛lv50怪,每隻怪跌50蚊,一分鐘打10隻(一分鐘10隻 = 6秒一隻,其實真是冇咩可能,除非你沖到把武+20
一個鐘15萬,都已經回吾到本,再加上買水呢?


所以我完全覺得影響吾大

wolfhell

Ｋiss☆ 發表於 12-11-25 10:32 PM
其實吾理佢因為怕吾開內掛俾玩家用,驚佢出外掛?
定還是站玩家角度大家方便?
定還是想人買點去商城買掛機 ...

依加封測你覺得內掛好難升你都仲可以好大膽咁同本人講，

本人唔介意你咁樣講，但一日台版未開始公測你所講嘅野全部都係推測

正所謂今日唔知聽日事，更何況你都唔知隻game公測後官方會修改D乜野

假如唔通你之前玩過其他版本( 例:韓版 )就覺得日後台版就會跟住某某版本咁樣黎更新? ( 疑問 )

Ｋiss☆

wolfhell 發表於 12-11-25 11:31 PM
依加封測你覺得內掛好難升你都仲可以好大膽咁同本人講，

本人唔介意你咁樣講，但一日台版未開始公測你所 ...

首先我吾系想推測d乜野,我只系解釋番俾你知,20萬一張未必會有你想像中甘多人掛機
當然你話今日吾知聽日事,吾知公測會修改d乜
同樣道理,今日吾知聽日事,你都吾知公測會改d乜,可能改走/改貴?改平?改每日限時都吾定
都是個句啦,你吾鐘意一隻遊戲有內掛
就去玩d操作性高,吾駛太著重等級,裝備之類遊戲
否則90%都會有內掛或者外掛

wolfhell

Ｋiss☆ 發表於 12-11-25 11:54 PM
首先我吾系想推測d乜野,我只系解釋番俾你知,20萬一張未必會有你想像中甘多人掛機
當然你話今日吾知聽日事 ...

本人可以話比你聽，唔理幾多錢一張內掛卷都好

只要有內掛功能比玩家使用，

多唔多玩家掛機只係時間上嘅問題或日子上嘅問題

至於你都講得冇錯就連本人都唔知今日唔知聽日事

但係你話除左玩d操作性高,吾駛太著重等級,裝備之類遊戲

90%都會有內掛或者外掛，咁本人就要玩餘下嘅10%冇內掛RPG，

當中10%可能會包含係槍擊類型online ( 例: AVA、CS...等等 )

或休閒類型online ( 例:勁舞團...等等 )但對本人黎講冇所謂

只要係冇內掛RPG就算係0.01%機率本人都會玩