時間可以沖淡一切嗎？

sunnyboy

好愛一個人，但又不能在一起，什至對方已刻意避我了，以為時間可以助我沖淡，但不單沒有，過得越久越是掛念越是不安，不單失去了原有的動力，提不起勁做任何事，連面前一個個新機會都不想爭取，我好怕會咁一世…點算呢？

sukiyaya

回覆 sunnyboy 的帖子

好愛一個人，但又不能在一起，什至對方已刻意避我了
既然都冇機會了, 何必繼續執著呢?
如果你真係愛佢, 就放手了, 無謂大家都難過嘛.
如果你真係愛佢, 就應該明白, 佢的幸福都係你的幸福 (雖然好難做到v_v)
有時做唔成情侶, 都可以做朋友. 比個機會自己, 放過佢都放過自己吧.

以為時間可以助我沖淡，但不單沒有，過得越久越是掛念越是不安，不單失去了原有的動力，提不起勁做任何事，連面前一個個新機會都不想爭取，我好怕會咁一世…點算呢？
時間係可以沖淡, 但係你都要比動力. 先會有作用.
你係失去愛人, 而唔係失去愛情.
為左一單愛情, 就失去動力, 難道你覺得咁會好過d, 咁會安落d?

想重新黎過就要振作.
你要話比自己聽, 我做得到, 可以重新振作!!

每個人都經歷過失戀, 離婚.
每個人都同你所經歷的差唔多.
好多人都可以企反起身, 甚至活得更好, 咁點解你會唔得呢?

比個機會自己, 同時都比個機會別人.
或者 下一個你遇到的 是一個更好的人呢~

命運不可以強求, 順其自然了~

sunnyboy

sukiyaya 發表於 12-11-28 04:41 PM
回覆 sunnyboy 的帖子

好愛一個人，但又不能在一起，什至對方已刻意避我了

多謝你安慰。
從來，對一個幸福的女人我不用牽掛，因為她們亦不需要我，前方有天堂等待著她們。
我知道她不開心，生活一直坎坷，她也知道我有多愛她，連生命也可為她犧牲，但她想我幸福，怕連累我，故離我而去了…這樣我才放不下她。理性上，我應如她所願活得比以前好，但沒有她的日子就像心被割去一塊的殘缺樣，毫無幸福可言…

sk24191377

2樓講出左個重點
既然都冇機會了, 何必繼續執著呢?<<<<<
我就係咁 雖然我同佢隔左好耐冇搵返大家
我知道我直到依一刻我仲好愛佢 但係咁又點??
佢咁就會返返黎你身邊??
我寧願就咁落去 大家唔好搵大家
見到好似見到陌生人咁 咁我就足夠

jacky01260326

thx 2樓 我尋日都同條女分左手 佢話唔愛我了! 睇完之後心情平復左!!

CHoK!麟=)

樓主，放下執著吧，愛她更應關注她的感受!勉強無幸福，兩個人不是相愛係埋一切都辛苦啦。

收拾心情，樓主呢個世界仲有好多選擇的，加油!

andylim2001

不需要刻意去忘記一件事。越要忘記越不能忘記。
我覺得順其自然，繼續你的生活，慢慢地會有些事情讓你更值得去懷念。

one74189

順其自然最重要~ 不用想太多