《童話十年回憶尋人篇》搵番十年前呃我個賤人！！！

keith17

早排係alta個論壇見到一月會開童話月費ser，童話竟然翻生！
我睇到之後高興莫名，話哂呢隻Game係我人生第一次玩既OnlineGame，充滿回憶
佢公測果時我已經有玩，果時只係得小二，果時唔知改咩名好，改左做「賽特EX」
點解？「賽特」係神話世紀aom其一神既名，EX係因為LouisEX
果陣時真係玩得好開心，但與此同時亦係我既惡夢！！！入正題


是咁的
果時我係法師，solo緊史洞1，我仲記得果時岩岩秒到小木偶有幾爽
打完一場之後無啦啦有個人組我隊，問都冇問 　即刻想kick走佢
原來係個紅頭孖辮人類女仔叫「愛之神」，即刻心軟哂　（我細細個已經係狗公
咁我就做狗公本份帶佢升啦

重點黎啦，佢一路打一路打埋Ｄ可愛表情　>O< =0= =3= 呢D
我就問佢拿電話諗住溝佢啦，點知佢又肯比喎
我滿懷希望咁打比佢：
「嘟嘟嘟嘟嘟嘟．．．．．．．．」



「喂，愛之神呀？」





「喂」（麻甩佬聲）

我當時 　->   ->   ->

唔係講笑　我真係喊出黎
之後我仲聽到佢d「格格格格格格」聲既麻甩佬笑聲
搞到我有童年陰影


每當我係童話見到孖辮人類女仔，我就諗起



愛之神！　如果你見到呢個post，唔該你道歉！！！！