《童話十年回憶尋人篇》太耐了 真係唔記得佢叫咩名

kben12345

    《題都城南庄》 崔護

    去年今日此門中，人面桃花相映紅。
    人面不知何處去，桃花依舊笑春風。


還記得當年美人魚岩岩出 玩左一陣聽D朋友講話買粒一級封印石可以捉寵

好努力咁儲左5000可恩 終於係青鳥城買左粒 當時想捉既係竹蜻蜓(雨雲)

試過好多次都捉唔到 唔係佢走佬就係比佢打到冇血

其中有一次行番去吉醫補血 見到有個人話可以只收石幫捉寵 點知咁就上當

當時我小四 可能我真係睇到D身外物好開 果時真係冇咩點在意過 冇左咪搵過囉

當日扼左我粒一石既果位朋友 十年來你過得好嗎?我就還可以啦 多謝你帶比我第一個係童話既記憶

E+諗番 真係咁就十年 希望你以後既日子過得幸福過得快樂


當日人滿為患既吉醫 如今變得冷清
當日忙碌的護士小姐 忙碌中帶充實 因為替玩家回血係佢既職責 樂此不疲
如今空閒的護士小姐 企到靜脈曲張 因為要佢回血既玩家為數不多 風光不再

十年來童話帶比我既野 仍歷歷在目 勇氣 友情 甚至看到朋友們的網戀 但最後看到的是背叛 出賣 欺騙



桃花依舊笑春風

吉醫仍是那個吉醫 吉恩村 綠夫村 伊利村的村民仍是那些人 純樸又引人入勝的三村

可能我真正要找的 是那個小四的我

無限憧憬 無限喜悅的我

oceanc

朋友!你同我玩埋同一個ser!
同埋你同我一樣都係比人昆左粒石!

千禧寶寶

你呢篇我覺得算係暫時最有感覺果篇，我諗好多人仲係小學雞果陣唔多唔少都會有被人昆過既經歷。

千本末日

= =我都中過伏真係好多人昆石
吉恩村D音樂 係我目前聽過最有FEEL既BGM <3