遊戲心得-能力值篇

az19900201

小弟雖然接觸全民足球既時間只有1-2星期。不過都有上網搵下資料同攻略。經過實驗後想發表下。

力量：影響身位，頂球
當冇帶球時候，與對方有接觸會出現拉扯動作。力量較高者會將對方拉後，力量較少者會被強制移動。
當帶球時候，與對方正面接觸。會根據力量，身高，防守能力做標準。同時會有一段硬直時間，能力有差距的話，會被強制撞開。
頂波：頂波係根據力量，身高，同位置有關。位置係重點！！越快走到落波地方，就會有優先權。就算能力值，身高有優勢都唔一定頂到。

另外重點：力量只係一種推動既作用，同奪球冇關系。奪球必需要速度高過對方，先可以從後追上偷波。

速度：全職業都需要增加既能力。會影響偷波，跑速同稍微既帶球速度。
另外會影響接遠距穿越球既判斷能力！！

射門：影響射門速度，距離同技巧
一般射門角度為45就多數入。有對方球員接近會根據力量，防守，身高降低射門能力同準確性。
冇球員係附近，多數射向慣用腳方向就會入。

傳球：影響傳球速度，準確性。穿越傳球，挑球既深度同速度
秒傳：秒傳同秒射都係同一方法。先按s/d,再按方向鍵。注意要放開加速鍵。

帶球： 影響带球靈活性、加速跑離球距離。带球轉向速度、带球的控球力(不易被搶斷，都影響到带球被搶斷後既硬直時間）

防守： 影響搶斷既範圍、攔截自動判定範圍、影響對方各種狀態之下射門威力、射門技巧同埋命中率。另外會影響鏟波既威力同距离。

基本上已經解釋全能力既作用，如果我有缺少，請大家補充。
上面教左少許技巧，但並未齊全。等下一篇就會開始講下技巧篇，或者係職業篇。

請大家多多支持       by 恨乂忘愛

bmf20041004

支持你!!!!!

征木天地

對唔太清楚的人來講，十分實用

powerbank4

唔知點解見到好多d都係加力量好高
反而防守就加到60左右就冇加

題外話:建議新手唔知點配點可以係game入面睇下d殘體字名既玩家既配點
            大陸玩家係果邊玩得耐d應該佢地會清楚d配點方法

az19900201

回覆 powerbank4 的帖子

因為防守可以用玩家既技術彌補防守判定路線同範圍，
力量唔可以用技術補救。
而且後衛有鏟球，所以多數主力量 副防守。
不過如果係新手上路，都係主防守為好。

Random

az19900201 發表於 13-1-3 04:46 PM
回覆 powerbank4 的帖子

因為防守可以用玩家既技術彌補防守判定路線同範圍，

唔好教錯人
點都係主力先
d唔夠力好難守
高波9成頂唔到
撞都唔夠人撞

powerbank4

Random 發表於 13-1-3 08:23 PM
唔好教錯人
點都係主力先
d唔夠力好難守

高度,力量影響頂高波
但係我見到有d前鋒/後衛得160cm但係力量加到好高

az19900201

回覆 powerbank4 的帖子

最主要頂波有利因素係位置。
大部份前鋒加能力都係以力量，速度同射門為主。
力量可以係接觸時有對抗性，所以前鋒中路活躍就會投資。
至於點解人地設定幾高，真係個人問尸題

powerbank4

我見過完全唔加防守,力量既後衛

gorilla1008

如果d人真係信你講既野,就真係死得。岩一半,唔岩一半。你好心,就寫明係你自己既睇法,唔好話網上搵返來既資料啦。
速度會影響偷波&影響接遠距穿越球既判斷能力,真係笑了。

az19900201

樓上果位  可以選擇唔信，但係質疑就唔該做下功課同搵下資料。
我所打既所有資料都係有根據，你想知係邊到搵，我都可以msg你。
或者自己上網下都會有。
而且我發文標題的確係寫住  遊戲心得，我諗你識中文掛?
其實我最討厭又要質疑，又要講野冇重點冇事實既人。

az19900201

速度的確係影響偷波同，判定遠既穿越球。
至於你識唔識你偷就係兩回事。死按住加速同s，想係對手身後偷到波機會好低。身位輸左，就會俾人拉扯開，依樣野我係力量有講。
點樣偷同技術有關，暫時唔會講住。

gorilla1008

唔好意思,我真係無咩做資料收集。我只係靠我係國服玩左9個月,超過1000個小時既實戰講我既野。 至於,你搵到既野,msg俾我,唔使咁神秘,去國服既討論區,大把野可以搵到。或者,你講既野,會有一日會岩既,因為,全民呢隻game,經過無數既改版,能力上既加法,都唔同左。不過,改版,只係能力值既重要性唔同左,而唔係你所講既野。如果,想知點加點,可以花1個小時,去download個國服,入去道具商城,你會搵到,CF之星,AM之星,DM之星,CB之星。你就會睇到大概要點加。

redwing88

gorilla1008 發表於 13-1-4 01:51 PM
唔好意思,我真係無咩做資料收集。我只係靠我係國服玩左9個月,超過1000個小時既實戰講我既野。 至於,你搵到 ...

其他會員放一些心得帖出來是好事，而且如他樓上所說他有說明是網上找來的資料，如果個人覺得有問題是很歡迎良性的討論來綜合大家的意見。願意花時間找資料看，還把資料再整理一下貼到論壇上來我覺得這是很難得的。

Random

powerbank4 發表於 13-1-3 08:32 PM
高度,力量影響頂高波
但係我見到有d前鋒/後衛得160cm但係力量加到好高  ...

如果無記錯
頂波要企岩位
但係唔夠力會比人撞開
搞到頂唔到
高度真係唔太關事

az19900201

回覆 gorilla1008 的帖子

其實你打多一次，證明自己玩左幾耐真係無咩意義。
實戰同能力解說係兩回事。
情況有如你煮杯面一樣，說明書叫你焗三分鐘食，唔通你2分鐘就食唔到?
你同我講你實幾多幾多小時代表咩野?代表你知道了解晒?
可惜你從來無咁講。既然自己都唔夠膽講，又何必去質疑人地呢?
大陸係有好多討論同文章，我都係搵佢地既資料再加自己心得發文。
你中意可以唔入黎睇或者去自己爬文。但係我整合資料，係為方便唔想周圍爬文，又想了解遊戲更多既新手去睇。
你想知道我講得有無錯，可以自己去爬文黎推反我既文章。唔好係到一尾講自己實戰幾耐，玩左幾耐。
都係果句，你講野完全無事實同重點去證明自己。點解?
因為我都可以講自己玩左幾耐幾耐…吹水既野無意思就等於廢話。

gorilla1008

回覆 redwing88 的帖子

如果,你只係覺得我批評,係好負面既做法。你亦可以,從另一個角度去睇,我見到有野係寫得唔岩,我可以唔去出聲,加錯點,又唔係我既事。當你玩到高lv,先發覺有問題,你可以俾錢去洗點。匯思會好開心tim。我又唔係無提議,我都講,你肯去花1小時,download個國服,去商城搵,就會搵到你要搵既野。良性的討論,樓主有嗎??我只係指出佢唔岩既野,就話我係一個無事實既人。佢講既野,就係事實???
我無否認過佢既付出,只不過,有錯就要指出。仲有,佢肯唔肯接納別人既說話,盡在不言中。
講多樣野,傳球能力,係影響傳球速度,以及被攔截的機會。傳球,係無準確性可言的。至於,佢講既穿越深度,係3方面影響:.1.傳球者既方向. 2. 傳球時有無按加速 3.接穿越球既人的跑動方向及狀態(是否加速,定係靜止不動)

gorilla1008

az19900201 發表於 13-1-4 07:20 PM
回覆 gorilla1008 的帖子

其實你打多一次，證明自己玩左幾耐真係無咩意義。

我只係想同你講,我唔係要係度扮咩野。你都識講,你係網上搵,唔怪得,有盲搶鹽事件。你相信你網上搵返來既野,我只不過話你知,你搵錯野。三人成虎。你呢篇錯既野,又俾人係第二到引用,就會變成你所講既"事實"。
我係度話你錯,只不過,唔想有太多人,跟你錯落去。至於,我話玩左幾耐,只不過想你知道,我係從實戰得到既野,係比你係網上去搵,更加真實。
你本身係做緊一件好事,我只不過,怕你好心做壞事。如果,你覺得我語氣有問題,我同你講唔好意思。
係 game 入邊,有唔少人問過我野,我一一都答佢地,佢地會知我係邊個,我幫唔幫到佢地,我諗佢地自己會知。我係唔係吹水,亦唔需要所有人認同。

你好-6呀!

陸服討論區有冇LINK比到我阿