《童話十年回憶尋人篇》為何舊知己, 在最後, 變不到老友?

魔法魂

不知你又有沒有 掛念這舊友 或者自己 早就想動頭
來年陌生的 是昨日 最親的某某
總好於那日我沒有 沒有 遇過某某
======================================================================
自我簡介一下:
時代: 人魚傳說資料片前已玩, 小弟當年中二
Game名: 泉乂武, 魔法魂, 0o天劍之靈魂o0
Server: 睡美人
家族: 明火獸慾捉, 極惡屮樂園
童齡: 3年


究竟係咩人令你玩童話?
身邊既朋友, 同學?
屋企既家姐呀哥細佬呀妹?
某日瀏覽既某論壇?
定係7-ELEVEN既細碟?
小弟就係因為[0o劍魔o0]而加入童話呢一個遊戲
至於你問我d名點得黎, 好簡單, 當年d online game好興用
[0o____o0], [o__o], [__乂__]等 (可能而家都係, 太耐冇接觸)

岩岩玩果陣, 咩都唔識, [敗_一族] / [_家一族]攻略網邊個玩童話既人冇上過?
只不過, 如果只靠睇資料網而玩既遊戲同單機有咩分別呢,
所以大家應該感激一下當年有份教你地點玩既人 [掌聲: 拍拍拍]
在此特別嗚謝第一個係吉恩村認識, 教我玩既人 [蜜瓜包], 好記得我地仲交換埋icq, 你個名叫[格仔餅]

屎洞既回憶, 我諗都唔洗多講,
記得難得一日組到5個法師, 一齊用火球術秒全場, 幾震撼; 同後期自己單機用黑洞/獸神秒全場果種感覺真係冇得比
(插曲: 我承認我一開始唔加敏捷, 次次都最尾出招, 有時我都唔洗出就清場, 慳返d mp)
幾經辛苦先到元控24拎到招火焰流星, 點知用幾下就用完mp, 個個停低祈禱傾計;
自己隻小光比3隻暗史打埋黎, 其他人既小光會幫你補血, 很熟悉吧?

我第一個家族叫 [明火獸慾捉]

原諒我呢個list係我今日login果陣cap
果時呢個族既人都算好勁既人, 我都唔知點解會比人邀左入族
入到呢個族好榮幸, 有好多好心人教你點玩, 當時d人禁F3見到你係呢個族都會以為你係勁人

玩玩下自己就雙開左, 亦都慢慢有1d熟悉既朋友,
係果d一見到你online就問你升唔升lv, 解唔解任務, 打唔打屎王, 鼠王既果d朋友
係果d當你要金剛砂升研磨既時候, 問佢拎1set佢會比3,4set你果d朋友
係果d你要蜂蜜, 附貝子解任務既時候, 你一開口佢會係商場買埋你果份比你果d朋友

慢慢呢d朋友就雄心一橫, 用隻分身開一個家族
由零開始, 打族卡, 招新人, 招分身
[曾付出, 幾多心跳]
(唔爆粗唔得) 頂你個肺, 張樹蛙卡打左我幾日!!!!!!!!!!!

慢慢去到一個階段, 由你比人教點玩到由你去教人點玩
當第一個人問光神殿係邊既時候, 你會不厭其煩咁答佢
當第十個人問光神殿係邊既時候, 當日你教既人就會幫你答佢
呢一樣就係傳承
係童話可以十年既原因

當出新資料片既時候, 有新野推出既時候, 都令我地好期待, 但其實同時, 亦令我地明白時代已變遷
當年夢遊仙境出果陣, 為左去撲克花園影張族照, 一班人唔識死走打撲克士兵; 仙境既地方令我地慢慢遺忘屎洞, 鼠洞;
當天方夜譚出果陣, 為左結婚系統, 都有同另一半付出時間打隻戒台出黎;呢張資料片令武鬥師, 斧戰, 刀狂推向最光輝既時候, 法師地位急降令唔少人唔想重升而放棄童話;
當年國王的新衣出果陣, 為左捉隻水企, 辛辛苦苦拎左粒4石返黎之後走去捱打; 巫師既火神, 祭司既冒起, 新職技造成第二次職業失衡危機...

到綠野仙蹤既時候, 已經係闇師黑洞, 幻師帶升既時代, 亦令我覺得童話已變質, 決然退出既原因....

在此尋找當年一齊奮鬥既同伴, 我真係記得你地d名:
1. 榮乂武 ->兄弟, 一齊立族, 見住家族有幾十人on到幾丁友都唔會轉族, 因為你我先玩格師, 為左追你d敏捷同pk贏你成為左我後期繼續玩既動力.........
2. 藍乂武 -> 呀嫂! 多得你玩幻師同光師呢2種果陣時比較偏門既職業, 我地先有固定打王團...
3. 悶乂武 -> moon moon! haha
4. Ac仔二世 -> 忠實劍戰, 升lv partner, 超強風動閃!
5. MYLAU -> 你幫左我認識隻game好多

雖然到最後, 我都賣左泉乂武呢隻acc..............................
但係我仍然可以同一個玩童話識既人保持聯絡到而家, 你的確影響左我中學生活好多
0o芝士o0

小小百幾字點可以道出我地十前年既感情, 回憶,
約定你地, 1月中重溫我地小時候果種天真
[可不可與你放膽嬉戲, 忘掉日與夜那些限期]
因為十年後既我地, 已經由小學生, 中學生變成左一個
[賣了任性, 日拼夜拼, 忘掉了為甚麼高興]既一個香港成年人

黑桃`

個login畫面!!! :o

魔法魂

黑桃` 發表於 13-1-3 08:42 PM
個login畫面!!! :o

呢個畫面最乞我憎既係.......
成日維護完更新唔到....................

魔法魂

推一下尋人

魔法魂

推