《童話十年回憶尋人篇》- 比絲姬和守望相助

Eddie仔仔

哈囉, 我係Eddie仔呀, 之前玩開灰ser的, 唔知有無人記得我呢, 哈哈~

我上嚟係想試下搵唔搵得返我家姐同阿哥嘅 @@

家姐叫比絲姬 (R/S) 而阿哥就叫 守望相助

當初我玩童話時因為無咩零用錢而有陣子停玩咗, 停玩前都有同家姐阿哥同埋朋友們講低聲先, 而喺嗰段時間就竟然俾人入左我ac... 心諗啲嘢同個人應該無哂喇...
但最意想不到嘅就係我家姐知我嗰時停玩緊, 但無端端見到"我"online就密"我", 跟住諗都唔諗用返300萬去買返我個ac (我記得當時300萬可因應該都幾難搵下@@)
係我家姐msn返我時嘅嗰一刻, 由知道俾人偷ac到無啦啦又有返, 個心真係即時超感動, 同埋係到諗點解會對我咁好, 雖然係姐弟, 但都只不過係網上的, 所以真係無需要對我咁好咖嘛, 所以我到而家都覺得家姐真係超好人
到我玩返之後就一路都繼續玩繼續吹水繼續一齊升lv... 但無啦啦就有日開始見唔到你online T^T
之後就好似一直無見過你online喇... 事前又無留到咩聯絡方法, msn又無咩on, 所以都有陣子幾失落的
隨住家姐同阿哥都無咩玩之後, 我都離開咗原本屬於我哋嘅公會, 去到阿妹嘅公會, 就係半月刀流, 即係另一個post所講嘅公會喇 XD
所以阿妹, 我係會返嚟玩的!!!

嗯, 最後就係希望可以搵返家姐同阿哥啦!!!
當時已經做緊嘢嘅家姐, 唔知你做左人媽媽未呢, 哈哈
而阿哥你嘅近況又如何, 出嚟社會工作未呢
如果你哋見到呢個post, 希望你哋會pm返我啦, 無論你哋會否玩返都好 =D

Eddie仔 字

Kiyo_5513

阿哥我要你whatapps！XD

生菜魚肉

@@ 真係重逢了????